Sal 25
25
SALMO 25
Tzqui c'an quilc scolwal Dios
Sb'it David jun tic
1Mamin Jehová, tic wal tzwac' in lesl 'ayach.
2Ach in Diosal tzach wa'ch wal yipc in c'ojol, man̈ a cha wac' in q'uixwloc, sec matz in stzetzj eb' 'ajc'ojl yajch 'ayin.
3Wojtac, to a smasnil eb' tzach 'a'n 'och yipc sc'ojol, may xon b'a'n̈ 'oj 'el sq'uixwel eb'. 'El cab' sq'uixwel eb' ton̈j tzcomn meltzj 'och 'aych 'a nab'an̈ej.
4Mamin Jehová, ch'ox wal a b'e 'ayin, a wal 'a a b'e cha, ata tzin ej b'eyoc.
5Cuyn wal yet' a paxti caw yel, sec tzin b'ey 'a swach'il, yujto in Diosal ach, in Colmal pax aji. Smasnil tiempo cojn ach tzach wa'ch yipc in c'ojol.
6Mamin Jehová, na cot a chamc'ojlal yet' a wach'c'ojlal 'ayin, atn jun tox xa ch'ox 'ilxoc.
7Ax pax jun tzo'n̈ in mul jun, man̈ a na coti, man̈ a na cot jun tzo'n̈ in tu nab'enal 'ix in b'o 'a yic quelm in 'unin. Tzin a na cot yet' a chamc'ojlal, yet' a wach'c'ojlal.
8Mamin Jehová caw wach' a nab'en, tojln̈ej ach paxi; yuj cha, tza tojlb'tzej sb'eyb'al eb' tzb'on maysch'olnil,
9ax eb' 'emmquilal yeq'ui, tza ch'ox eb' 'a tojl b'eyb'al.
10Yuj a chamc'ojlal yet' yuj yeln̈j tas tzala, yuj cha, tze'n b'ey eb' tzyiclni a trato yet' a checnb'il.
11Mamin Jehová, caw wal man̈x alchjb'enoc in maysch'olnilal, palta 'a'n niwnc'ojlal 'icha yaj aln cani.
12A mach 'ay el'ch 'a sat, 'oj a ch'ox 'a jun b'e wach' 'aj 'oj b'eyoc.
13Caw 'oj q'ue'choc yet' tas 'ay 'a 'a, ax yin̈til, a 'oj cajnocn̈ej slu'um.
14A eb' a wach'c'ojl a b'a yet'oc, atn eb' 'ay xiwc'ojlal 'ayach, tzac' pax 'el'choc a trato 'a eb'.
15Q'ueln in 'ochn̈ej 'ayach, yujto ach tzin a col 'a tas 'ay smay.
16'Ilt in cot Mamin, 'o'ch cab' a c'ojl 'ayin, yujto a in ch'ocoj, caw 'ay in somc'ojlal.
17Caw 'ix niwtj in yailal, coln 'el 'a in somc'ojlal tic.
18'Ilt cot in cusc'ojlal yet' in yailal, tza'n niwnc'ojlal 'ayn yuj smasnil in maysch'olnilal.
19Caw wal tzniwtj eb' 'ajc'ojl yajch 'ayin, tznib'j eb' tzin smil chamoc.
20Tan̈wj in, man̈ in a cha chamoc, man̈ a cha wac' in q'uixwloc, yujto a 'aych tzin col in b'a.
21Coln 'el yuj in wach' b'eyb'al yujto may in mul, cojn ach tzach wa'ch yipc in c'ojol.
22Ach qui Diosal on̈, coln̈ 'el an̈ israel on̈ tic 'a yaln̈ smasnil qui yailal.
Currently Selected:
Sal 25: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
