Sal 24
24
SALMO 24
Jun Rey niwn yel'chi
Sb'it David jun tic
1A Jehová a 'ay yic yolyib'n̈q'uinl tic yet' smasnil tas 'ay 'a sat, yet' smasnil eb' cajn 'a 'a.
2Yujto a xb'on 'ejm sb'achnub'al yaln̈ lum lum tic 'a yojl eb' a mar, yet' 'a eb' a niwc a'.
3¿Mach eb' tztac' sq'ue'ch 'a jun tzaln to yicn̈ej Jehová yaji? ¿Mach pax eb' tztac' yaj cajn 'a jun lugar to yic 'emmquilal yaji?
4Atn eb' may tas tu tzb'o'o, eb' wach' pax tas tzna'a; eb' matz yac' 'emmquilal 'a jun tzo'n̈ comn dios; eb' matz yac' sti 'a junc tas man̈ yeloc.
5A eb' cha, 'oj scha eb' syaxilal Jehová Dios, ax schan pax eb' scolnb'il 'a 'a.
6Yowlal 'ixta 'oj sb'o eb' nab'il Dios yu'uj, atn eb' tznib'j tzc'och 'a yojltac qui Diosalec an̈ yin̈tl on̈c Jacob tic.
7Jacw cab' jun tzo'n̈ puerta 'ayc' 'a jun 'ejmn̈ej. Jacw cab' 'a schapaq'uil, sec 'oj 'och jun Rey caw niwn yel'ch yet' stzictznial.
8¿Mach jun Rey caw niwn yel'ch cha? Atn Jehová caw 'ay spoder, caw jeln ya'n owal.
9Jacw cab' jun tzo'n̈ puerta 'ayc' 'a jun 'ejmn̈ej. Jacw cab' schapaq'uil, sec 'oj 'och jun Rey caw niwn yel'ch yet' stzictznial.
10¿Mach jun Rey caw niwn yel'ch cha? Atn Jehová tzta'n̈j yuj smasnil, atn jun Rey tic caw niwn yel'chi.
Currently Selected:
Sal 24: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
