Sal 23
23
SALMO 23
A Jehová Wilmal yaji
Sb'it David jun tic
1Mamin Jehová Wilmal aji. 'Icha junc 'ilm calnelu 'ixta aj 'ayin, yuj cha, may tas tzyac' palta 'ayin.
2'Icha junc 'ilm calnelu tzyac' 'iljoc scalnelu 'a junc 'a'lic 'ay syaxil sat, tzyi'n 'at e no 'a 'aj caw wach' sb'ey lab'b'oc a a', 'ixta waj o'oj.
3Ach tza'x wip. Tzin e'n b'ey pax 'a jun b'e caw tojol, 'icha wal yaj aln cani.
4Wach'xam tzin 'ec' 'a junc lugar 'aj caw q'uic'q'uinal, 'a 'aj 'ay smay in chami, palta matz in xiw yuj junc tas, yujto 'aych 'ec' wet'oc. 'Icha junc 'ilm calnelu tztan̈wj scalnelu yet' sc'ococh yet' pax sjixc'ab'te', 'ixta tzin otj in a tan̈wni.
5Lajn ach 'icha junc mach tz'a'n 'och sq'uin̈. A tas yel xo wach' a tzyac' sc'ux junc swach'c'ojol. Tzch'oxn 'eli to niwn yel'ch jun swach'c'ojl chi 'a 'a. Tzya'n sobra tas tzyac' yuc'. 'Icha jun swach'c'ojl cha, 'ixta tzin otj 'a yojltac eb 'ajc'ojl yajch 'ayin. Til wal a yaxilal tzac' 'a wib'an̈.
6Ya' sb'a 'aynto 'ec' 'a yolyib'n̈q'uinl tic, 'oj ac' a wach'c'ojlal yet' a chamc'ojlal 'ayin. Mamin Jehová, 'oj in can cajn 'a atut 'a smasnil tiempo.
Currently Selected:
Sal 23: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
