Sal 21
21
SALMO 21
B'it yic tz'ajx ganar owal
Sb'it David jun tic tzc'an junc mach tzjucb'tzan b'it
1Mamin Jehová, a jun rey tic caw tzaljc'ojlal yaji, yujto ach 'ix ac' yip, 'ix 'a'n yac' ganar owal.
2'Ix ac' 'el'choc tas tznib'ej, ma'ix a tenc' tas 'ix sc'ana.
3Til wal yaxilal 'ix ac' 'a 'a, 'ix a'n q'ue jun corona to nab'a oro 'a sjolom.
4'Ix sc'an najtxb'oc sq'uinl 'ayach, 'ix a'n jun q'uinl 'ay 'a jun 'ejmn̈ej 'a 'a.
5Caw wal niwn yel'ch winac, yujto 'ix ya' ganar yuj a colwal; caw wal b'inab'il yuj yopiso 'ix ac'a.
6Caw 'ix ac' 'a yaxilal 'a yib'n̈ 'a smasnil tiempo; yuj cha, til wal stzaljc'ojlal 'a ojltac.
7Mamin Jehová caw niwn el'chi. A 'a chamc'ojlal a 'aych yipc sc'ojl jun rey tic, yuj cha, may xon b'a'n̈ 'oj 'emoc.
8Mamin rey, 'oj a yam cot smasnil eb' 'ajc'ojl yajch 'ayach. A yet' a wach' c'ab' 'oj a'ch syailal eb' matz ach nib'ni.
9A yic 'oj a ch'oxn a b'a 'a scal eb', ax a satn can 'el eb', ata tza'ch eb' 'a junc jorna 'aych sc'aq'uil. Yuj yowl sc'ojl Jehová 'oj a satl eb' 'icha tz'aj stz'a junc tas yuj c'ac'.
10'Oj a satcn 'el yunnal eb' 'a sat lum lum tic, ax a satn can pax 'el yin̈tl eb' 'a scal eb' 'anma'.
11Wach'xam tznib'j eb' tzach yixtej, tzsayn wal eb' tas tzach 'aj 'ejmi, palta matz tac' xon yuj eb'.
12A yic tza tojlb'tzan 'och a jul-lab' 'a eb', tza xib'tn can 'at eb'.
13Mamin Jehová tztac' oj smasnil, 'oj ach qui b'itnoc on̈, yujto caw niwn a poder, tzcaln pax wach' paxti 'ayach.
Currently Selected:
Sal 21: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
