Sal 20
20
SALMO 20
Lesl yuj yajx ganar owal
Sb'it David jun tic tzc'an junc mach tzjucb'tzan b'it
1Mamin rey, yab' cab' Jehová a lesal yic 'aych 'och 'a somc'ojlal; a cab' qui Diosal an̈ yin̈tl on̈ Jacob tic tzach colni.
2A 'a scajnub' 'a Sión, ata cab' tzya' cot scolwal 'ayach,
3sna cab' cot smasnil ofrenda, scha cab' sc'ojl a xajmb'al tzac' tz'a'oc.
4Ya' cab' 'el'choc smasnil tas tza nib'ej, scha cab' pax sc'ojl a b'on smasnil tas tza nalb'ej a b'oni.
5'Oj qui tzalji yic 'oj 'ejmc eb' 'ajc'ojl o'oj, ax qui'n chan̈ qui bandera 'a sb'i qui Diosal. Ya' cab' Jehová smasnil tas tza c'an 'a 'a, xchi eb' chon̈ab'.
6A ticnec xwojquej 'eli, to a Jehová tzcolwj wet' an reyn sic'b'iln 'el yuj tic. A 'a satcha'an̈ ata 'oj ta'wc cot 'ayin, yuj spoder ax wa'n ganar jun tzo'n̈ niwc owal.
7-8'Ay jun tzo'n̈ eb', a scaruaje eb' yet' schej eb' yic owal a tzya'ch eb' yipc sc'ojol. A eb' cha, tz'el yip yoc eb', tztelw can 'ejm eb'. Palta an̈ec xo pax tic, a Jehová qui Diosalec, a tzca'c 'och yipc qui c'ojol, yuj cha, te'tec' cajec, lin̈n on̈c cha'an̈, xchi win rey cha.
9Xyaln pax eb' chon̈b' chi 'ixtic: Mamin Jehová, colwjan̈ yet' jun qui reyl tic on̈, ta'wj on̈ 'a yic tzcaln qui b'a 'ayach, xchi eb'.
Currently Selected:
Sal 20: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
