Sal 19
19
SALMO 19
Niwn yel'ch Dios yuj tas sb'ojnac
Sb'it David jun tic tzc'an junc mach tzjucb'tzan b'it
1A satcha'an̈ yet' smasnil tas 'ay 'a 'a, a tzch'oxn 'eli to niwn yel'ch Dios; a tzch'oxn pax 'eli tas yilx smunljel sb'ojnac.
2Junjn c'u, junjn 'ac'wal tzch'oxn 'el satchan̈ sjelnal Dios.
3Wach'xam may junc paxti tz'ab'xi, may junc 'aw tz'ab'x yochi,
4palta c'uxn tzpucb't yab'xil 'a smasnil chon̈ab', masnto tzc'och 'a 'aj tzlajw c'och yolyib'n̈q'uinl tic.
A 'a satcha'an̈, ata b'ob'il can 'och c'u yu'uj.
5A jun c'u cha, lajn 'icha junc quelm tot nupnac tz'elt 'a yol scuarto, lajn pax 'icha junc winc caw 'ay yip, caw tzalj s'at yac' carela.
6A jun c'u cha, tzq'uel 'a yib'cha'an̈, tzlajw cha, tz'ejm can pax 'a junx yib'cha'an̈. May wal junc tas tztac' scoln sb'a 'a sc'aq'uil.
A sley Dios
7A sley Jehová may wal jac spaltail, yujto caw tz'a'tb'i qui nab'enec yu'uj. A schecnb'il caw yel, tzyac' sjelnal eb' may xon jac tas tztac' yu'uj.
8A tas tzyala caw wach'n̈j smasnil, yujto tzyij cot tzaljc'ojlal 'a qui pixnec. A sley caw tojln̈ej yaji, tzjaw qui nab'enec yu'uj.
9A 'emmquilal 'a Jehová, caw wach' tz'el'chi, 'ayc'n̈ej 'a smasnil tiempo. A sley Jehová caw tojln̈ej smasnil, yeln̈j pax tas tzyala.
10Yel xo wal caw nib'jub'tac 'a yib'n̈ q'uen oro caw wach'. Yel xo wal caw chi' 'a yib'n̈ no yal chab' tzat 'elt 'a sc'ate'.
11A tzon̈ tennec 'och wan 'a maysch'olnil; toto yiclum tzcutjec qui b'a 'a 'a, 'oj yac' pax spac 'ayn̈ec.
12May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.
13Man̈ in a cha wa'ch in b'a 'a scal maysch'olnil, man̈ in a cha 'ajxoc mandar yu'uj, sec matz 'och in mul 'ayach. Toto 'ixta', may in paltail 'a a sat.
14Mamin Jehová chab'il cab' in paxti', yet' in nab'en o'oj. In Colmal aji, o'oj colchjnacn xo ticnec.
Currently Selected:
Sal 19: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
