Sal 16

SALMO 16

Sic'b'il can 'el smacl junc 'anma'

Sb'it David jun tic

1Ach in Diosal caw tan̈wj in, yujto cojxn ach tzach wa'ch yipc in c'ojol.

2Tox 'ix wal 'aych Mamin Jehová to Wajlil aji, a smasnil tas wach' 'ay 'ayin, a 'aych tzcoti.

3A eb' yiclum tzyutj sb'a 'a scal eb' a chon̈ab', caw wach' yic eb'. Tzin nib'j tzin 'aj 'a scal eb'.

4'Oj niwtjoc syailal eb' tz'a'n servil junc xo comn dios. Ma'oj wa'ch in b'a wa'n schic'l no xajmb'al yet' eb'. May xon b'a'n̈ 'oj in b'inoc sb'i sdiosal eb' cha.

5Mamin Jehová ach tzac' smasnil tas wach' 'ay tz'och wu'uj. Ach ton tzac' smasnil tas tznib'j in c'ojol. A 'a yol a c'ab' 'ay in q'uinal.

6Wach'n̈j tas x'ilchj wu'uj, caw wach' tas 'ix ac' in macloc yic tzwica'ani.

7Mamin Jehová, caw tzwal wach' paxti 'ayach, yujto ach tzac' in nab'en, tzin a cuyn pax 'a junjn 'ac'wal.

8Smasnil tiempo caw nab'ilchn̈ej wu'uj. 'Aych 'ec'n̈ej 'a in wach' c'ab', yuj cha matz somchj 'el in nab'en.

9Caw wal tzalj in c'ojol, tzach in b'itnan 'a tzaljc'ojlal. Wach'xam 'oj cham in niwnal tic, palta wojtac to 'oj pitzwc paxi.

10Yujto ma'oj actc can in pixn 'a scal eb' chamnac, ma'oj a cha c'a in niwnal an sic'b'iln 'el oj tic.

11'Ix ac' wojcoc 'el jun b'e yic q'uinl 'a jun 'ejmn̈ej. Caw niwn tzaljc'ojlal 'oj ac' 'ayin, yic 'oj in c'och 'a ojltac. 'Ay tzaljc'ojlal 'a a tz'ey 'a jun 'ejmn̈ej.

Currently Selected:

Sal 16: CSS

Highlight

Copy