Sal 144
144
SALMO 144
Swach' paxti jun win rey 'a Dios
Sb'it David jun tic
1¡Alx cab' wach' paxti 'a Jehová, yujto a 'aj tzin col in b'a! A tzin cuyni, tzya'n in jelnal sec tztechj wa'n owal.
2In wach'c'ojl yaji, a 'aych wen̈loc, a 'aych wipoc, a colwjum yaj 'ayin; a tzin c'ub'n 'eli, a tzwa'ch yipc in c'ojol. A pax tz'a'n 'och jun tzo'n̈ chon̈b' 'a yaln̈ in checnb'il.
3Mamin Jehová, ¿tas wal quel'ch an̈ 'anman̈ tic 'ayach, yuj cha, tzon̈ a nani? ¿Tas wal qui wach'il, yuj cha, ya'ilb'iln̈ o'oj?
4An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.
5Mamin, jacw cab' satcha'an̈, tzlajw cha, tzach 'emta. 'Emn̈ wul 'a eb' lum jolmctac witz, ax sq'ue wan stab'l eb' lum o'oj.
6Jul cot a jul-lab', atn raya, sec 'oj somchjoc eb' 'ajc'ojl yajch 'ayach, ax s'at eb' 'eloc.
7'A' cot a c'ab' 'a satcha'an̈, tzin a coln 'a jun 'icha mar tic, atn eb' chuc chon̈b'al 'ajc'ojl yajch 'ayin,
8eb' tzaln tas man̈ yeloc, eb' tzyac' sti' yic tzya'n eb' 'es.
9Ach in Diosal, 'oj in b'itnoc jun 'ac' b'it 'ayach; 'oj in b'itn yet' in salterio.
10-11Ach wal tzac' sjelnal eb' rey, yic tzya'n ganar eb' owal. Ach in a col an a checb' David in tic 'a q'uen espada tzmilwji. Coln 'a yol sc'ab' eb' chuc chon̈b'al, atn eb' tzlaj aln junc tas man̈ yeloc, eb' tzya'cn sti 'a junc tas yic tzya'n 'es.
12A eb' cunnal on̈, q'uib' cab' eb' 'icha junc te 'awb'ente'. Ax eb' 'ix quisl on̈, lajn cab' eb' 'ix 'icha spiralil atut, atn jun tzo'n̈ wach' yilxi.
13A qui c'un̈a on̈, b'ut'j cab' yet' sb'a'al, 'ay cab' tas wach' sc'uxx molb'il 'a yojol. Ax qui cajb'en noc' on̈, niwtj cab' sb'isl e no', smil-l xo cab' tz'aj e no 'a 'aj 'ay.
14Ax e no qui wacx on̈, 'unewoc cab' e no smasnil. May cab' no ton̈j tz'ec' yune'. May cab' pax mach tzcomn 'el yaw 'a yol caye xib'tn sb'a yuj owal.
15Caw wach' yic junc chon̈b' 'ixta yaji, caw wach' yic jun chon̈b' to a Jehová 'aych sDiosaloc.
Currently Selected:
Sal 144: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
