Sal 140
140
SALMO 140
Lesl yic tzc'anx scolwal Dios
A jun tic sb'it David tzc'anlb'ej junc mach tzjucb'tzan b'it
1Mamin Jehová, coln 'el 'a yol sc'ab' eb' 'anma maysch'olnil snab'en. C'ub'j in 'el 'a eb' 'anma tu snab'en cha,
2atn eb' nab'il maysch'olnil yu'uj. Cojn owl tzsay eb' sb'o 'a junjn c'u.
3A spaxti eb', lajn wal 'icha sti no chan, lajn pax 'icha svenenoal sti no q'uex.
4Mamin Jehová, coln 'a yol sc'ab' eb' maysch'olnil snab'en, coln 'a yol sc'ab' eb' 'anma caw tu', atn eb' tznib'n to tzin yac' telwc 'ejmi.
5A jun tzo'n̈ b'an̈quintac 'anma cha, 'ix sc'ultac 'a'j 'ejm eb' syal 'a yol in b'e. 'Ix yac' 'ejm eb' ch'an̈ ya'al yet' jun tzo'n̈ 'icha chim 'a yol in b'e cha.
6Yuj cha, 'ix waln 'aych 'ixtic: Mamin in Diosal ach, 'ab' wal yel waw waln in b'a 'ayach.
7Wajlil ach, in Colmal pax aji to tztac' oj smasnil. Ach tzin a col 'a scal owal, xin chi.
8-9Mamin Jehová, man̈ ac' tas 'icha tznib'j eb' 'anma maysch'olnil snab'en; man̈ ac' 'el'choc 'icha tas nab'il yuj eb', sec matz yij chan̈ sb'a eb'. Tzann̈j lugaril 'aj tzlaj 'och oyn eb' 'ayin, a tas tu tzlaj sna eb' 'a in patic. Cot cab' can 'a yib'n̈ eb'.
10Cot cab' stzac'ac' 'a yib'n̈ eb', 'ajx cab' 'at eb' a scal c'ac'. Julx cab' 'at eb' 'a yich junc xab' olan, 'a 'aj man̈xtzac stac' sq'uet eb'.
11A eb' alm peclal, sat cab' 'el eb' 'a sat lum lum tic, a cab' maysch'olnil chi tzsatn 'el eb' tu snab'en cha.
12Mamin Jehová, wojtac to ach tza b'oyaj eb' meb'a', tza col pax eb' 'aych 'a somc'ojlal.
13A eb' 'anma tojl snab'en, 'oj yal eb' wach' paxti 'ayach; a eb' tojl sb'eyb'al cha, 'oj cann̈j eb' 'a ojltac.
Currently Selected:
Sal 140: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
