Sal 132
132
SALMO 132
A spaxti Dios 'ac'b'il 'a David
B'it yic sc'ochx eb' israel 'a Jerusalén
1-2Mamin Jehová, ach 'aych 'och quipc an̈ yin̈tl on̈ Jacob tic, na cot David yet' smasnil syailal, na cot wal sti ya'jnac 'ayach yic yaln 'ixtic:
3Ma'oj woch xon 'a yol watut, ma'oj wec' xon c'otn in way 'a sat in ch'at,
4ma'oj in mutz' xon jac in sat, ma'oj in way xon jab'oc,
5ya' sb'a mantzac in b'o scajnub' Jehová 'aj tz'aj cajan, atn jun mach tz'a'n yipl eb' yin̈tl Jacob, xchi.
6A 'a Efrata, ata xcab' yab'xil te scaxail trato, yuj cha, 'ix 'at quilnoc te 'on̈, ax 'a yol yic Jáar ata x'ilchj te cuj on̈.
7'Och coyc 'a yol scajnub' Jehová, axta tzon̈ 'emc cumn 'a yojltac.
8Mamin Jehová, cotn̈ mu'c yet' scaxail a trato tzch'oxn 'el a poder, tzach 'at yet' 'a jun lugar 'aj tzb'o et'l 'aj 'oj a cani.
9Ax eb' ya'mal 'och qui ti 'aych on̈, sb'eylb'oc cab' eb' tojlal, an̈ xo a chon̈b' on̈ tic, 'el cab' caw yuj tzaljc'ojlal.
10Yuj a chamc'ojlal 'a a checb' David, yuj cha, man̈ cab' e'l a sat 'a win rey sic'b'il 'el o'oj.
11Wal yel aljnac 'a David 'ixtic: Ma'oj in jel tas waljnac, a junc onnal a 'oj wa'cn 'och 'a a despacho.
12Toto yiclum tzyutj sb'a eb' onnal 'a in trato, yet' smasnil tas 'oj wal 'a eb', toto 'ixta', a junc eb' en̈tl 'oj 'ochx can a jelc 'a opiso, ax sb'ey jun 'opiso chi 'a yib'n̈ yunnal eb' b'aq'uin̈.
13An Jehová in, an xin si'l lum tzaln Sión wico'oc, yujto ata tzin nib'j tzin 'aj cajan.
14Atn wal 'a jun lugar chi 'aj 'oj in can cajan, 'oj in cann̈j ta 'a smasnil tiempo.
15'Oj wac' in yaxilal 'a yib'n̈ eb' 'anma', caw 'oj yac' sobra tas 'oj sc'ux eb'. A eb' meb'a 'a scal eb', 'oj b'ut'joc eb' si'mb'il.
16Ax in coln pax eb' ya'mal 'och sti eb' 'anma 'ayin. A eb' yiclum tzyutj sb'a 'ayin, 'oj b'itn eb' yuj tzaljc'ojlal.
17Ata 'oj wac' checljoc pax chan̈ junc en̈til, checl xo mach 'oj ya'x yajlil 'a yin̈tl win sic'b'il 'el wu'uj.
18Ax eb' 'ajc'ojl yajch 'a 'a, 'oj 'el sq'uixwel eb', yujto 'oj wac' q'ue'ch 'a yopiso, xa chi can 'a 'a.
Currently Selected:
Sal 132: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 132
132
SALMO 132
A spaxti Dios 'ac'b'il 'a David
B'it yic sc'ochx eb' israel 'a Jerusalén
1-2Mamin Jehová, ach 'aych 'och quipc an̈ yin̈tl on̈ Jacob tic, na cot David yet' smasnil syailal, na cot wal sti ya'jnac 'ayach yic yaln 'ixtic:
3Ma'oj woch xon 'a yol watut, ma'oj wec' xon c'otn in way 'a sat in ch'at,
4ma'oj in mutz' xon jac in sat, ma'oj in way xon jab'oc,
5ya' sb'a mantzac in b'o scajnub' Jehová 'aj tz'aj cajan, atn jun mach tz'a'n yipl eb' yin̈tl Jacob, xchi.
6A 'a Efrata, ata xcab' yab'xil te scaxail trato, yuj cha, 'ix 'at quilnoc te 'on̈, ax 'a yol yic Jáar ata x'ilchj te cuj on̈.
7'Och coyc 'a yol scajnub' Jehová, axta tzon̈ 'emc cumn 'a yojltac.
8Mamin Jehová, cotn̈ mu'c yet' scaxail a trato tzch'oxn 'el a poder, tzach 'at yet' 'a jun lugar 'aj tzb'o et'l 'aj 'oj a cani.
9Ax eb' ya'mal 'och qui ti 'aych on̈, sb'eylb'oc cab' eb' tojlal, an̈ xo a chon̈b' on̈ tic, 'el cab' caw yuj tzaljc'ojlal.
10Yuj a chamc'ojlal 'a a checb' David, yuj cha, man̈ cab' e'l a sat 'a win rey sic'b'il 'el o'oj.
11Wal yel aljnac 'a David 'ixtic: Ma'oj in jel tas waljnac, a junc onnal a 'oj wa'cn 'och 'a a despacho.
12Toto yiclum tzyutj sb'a eb' onnal 'a in trato, yet' smasnil tas 'oj wal 'a eb', toto 'ixta', a junc eb' en̈tl 'oj 'ochx can a jelc 'a opiso, ax sb'ey jun 'opiso chi 'a yib'n̈ yunnal eb' b'aq'uin̈.
13An Jehová in, an xin si'l lum tzaln Sión wico'oc, yujto ata tzin nib'j tzin 'aj cajan.
14Atn wal 'a jun lugar chi 'aj 'oj in can cajan, 'oj in cann̈j ta 'a smasnil tiempo.
15'Oj wac' in yaxilal 'a yib'n̈ eb' 'anma', caw 'oj yac' sobra tas 'oj sc'ux eb'. A eb' meb'a 'a scal eb', 'oj b'ut'joc eb' si'mb'il.
16Ax in coln pax eb' ya'mal 'och sti eb' 'anma 'ayin. A eb' yiclum tzyutj sb'a 'ayin, 'oj b'itn eb' yuj tzaljc'ojlal.
17Ata 'oj wac' checljoc pax chan̈ junc en̈til, checl xo mach 'oj ya'x yajlil 'a yin̈tl win sic'b'il 'el wu'uj.
18Ax eb' 'ajc'ojl yajch 'a 'a, 'oj 'el sq'uixwel eb', yujto 'oj wac' q'ue'ch 'a yopiso, xa chi can 'a 'a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.