Sal 126
126
SALMO 126
Lesl yuj sjelmj snab'en Dios 'a yib'n̈ schon̈ab'
B'it yic sc'ochx eb' israel 'a Jerusalén
1A yic sjeln Jehová snab'en 'a yib'n̈ Sión yuj tas 'aych 'a yib'an̈, 'icha ton̈j on̈ waychniec xquila.
2Xlajw cha, 'ix ca'nec wal qui gana qui tzewji, 'ix 'el wal cawc qui b'itnec yuj tzaljc'ojlal; ax eb' chuc chon̈b'al, xlaj yal eb' 'ixtic: A Jehová, caw niwn swach'c'ojlal xyac' 'a eb', xchi eb'.
3Yel toni, caw niwn swach'c'ojlal Jehová xyac' 'ayn̈ec, yuj cha, 'ayn̈ec 'ec' 'a tzaljc'ojlal.
4Mamin Jehová, 'a'x a wach'c'ojlal 'a quib'n̈ on̈ 'icha xon caj 'a pecti 'on̈. 'Icha tz'aj syaxb' pax sat lum cusltac lum yuj n̈ab' 'a lum Neguev, 'ixta cab' tzon̈ otj on̈.
5A eb' tz'aw yet' scusc'ojlal, ax yic 'oj smolnoc chan̈ eb' sat yawb'en cha, caw 'oj tzaljoc eb'.
6Wach'xam caw tz'oc' eb' yic tzya'n 'ejm eb' yin̈t cha, palta ax yic tzpolw trigo eb', caw wal tzb'itn eb' 'a tzaljc'ojlal yic mec'b'ilx 'ixm trigo chi yuj eb'.
Currently Selected:
Sal 126: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
