Sal 124
124
SALMO 124
A Dios scolmal chon̈b' Israel
Sb'it David jun tic yic scolchj eb' israel 'a yol sc'ab eb' 'ajc'ojol
1Q'uinloc man̈toc x'och Jehová quet'ec, ¿tasm on̈ 'ajec? Ax ticnec ex wit israelal calc 'ixtic:
2Q'uinloc man̈ 'ayc 'och Jehová quet'ec, to 'ixta ax yic xq'ue wan eb' 'anma yac' owl quet'ec,
3ton̈j am on̈ spitzn b'u'j 'ejm eb', yujto 'ay cot wal yowl eb' 'ayn̈ec.
4Lajn am on̈ yutjec eb' 'icha tzyac' junc a 'elmal a tzon̈ 'i'nec 'ati; tz'ec' a 'a quib'n̈ec.
5'Icha a 'elmal a cha, 'ixta am x'aj eb' yec' 'a quib'n̈ec, xqui chiec.
6¡Calc wach' paxti 'a Jehová! Yujto ma'on̈ ya'c 'a yol sc'ab' eb' 'ajc'ojol yic on̈ satnec 'el eb'.
7Ma'on̈ ya'c ganar eb' qui canc 'a sya'al. On̈ colchjec 'el 'a yol sc'ab' eb', 'icha tzyac' junc no ch'ic tz'el 'a junc ya'al, 'ixta 'on̈ 'ajec.
8A jun qui colnb'ilec tic, ata tzcot 'a Jehová qui Diosalec, atn jun b'ojnac satcha'an̈ yet' lum lum tic.
Currently Selected:
Sal 124: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
