Sal 122
122
SALMO 122
Lesl yuj junc'ojlal 'a Jerusalén
A jun tic sb'it David yic sc'ochx eb' israel 'a Jerusalén
1Til wal sja'l xwab'i yic xyaln eb' 'ayn 'ixtic: Coyc 'a yatut Jehová, xchi eb'.
2Ax ticnec, 'ayn̈ xo 'ec' 'a yol chon̈b' Jerusalén tic.
3A Jerusalén wach' yaj sb'o'i, junn̈j chon̈b'al yaji sec a 'a tic 'oj syam sb'a smasnil 'anma'.
4A 'a jun chon̈b' tic 'oj jawc eb' schon̈b' Jehová, ax wul yalnc eb' swach' paxti 'a 'a, 'icha yutjnac yaln can 'a eb' quit israelalec 'a pecti'.
5A 'a jun chon̈b' tic 'ay yatutal b'eyc'ojlal, atn 'a tic 'oj b'eyc'ojlwoc eb' yin̈tl rey David 'a stojlal.
6Alc 'ixtic: 'Ay cab' junc'ojlal 'a chon̈b' Jerusalén, ax eb' cajn 'a jun chon̈b' tic, may cab' tas tzna eb'.
7'Ay cab' junc'ojlal 'a yol chon̈ab', may cab' tas tzna eb' soldado 'ayc' 'a scuartel.
8Yuj eb' wit chon̈ab' yet' eb' in wach'c'ojol, yuj cha, ax waln 'ixtic: 'Ay cab' junc'ojlal 'a jun chon̈b' tic, xin chi.
9Yuj in chamc'ojlal 'a yatut Jehová qui Diosalec, yuj cha, 'oj wac' 'ip in sayn 'ec' tas tz'aj yochx Jerusalén 'a wach'il.
Currently Selected:
Sal 122: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
