Sal 121
121
SALMO 121
A Jehová in tan̈mal yaji
B'it yic sc'ochx eb' israel 'a Jerusalén
1A yic tzin laj 'at q'ueln 'a lum jolmctac witz, tzwaln 'ixtic: ¿'Aj wal 'oj cot mach tzin colni? xin chi.
2A 'in colnb'il cha, ata tzcot 'a Jehová. A b'ojnac satcha'an̈ yet' lum lum tic.
3Ma'oj on̈ scha telwoquec; ma'oj cot pax swayn̈ on̈ stan̈wniec.
4May xon wal b'a'n̈ 'ay swayan̈, a tzon̈ tan̈wni an̈ israel on̈c tic.
5A Jehová qui tan̈malec yaji, a 'a yen̈ul ata 'ayn̈ec 'eq'ui, yic tzon̈ scolnec.
6A 'a c'ual, ma'oj qui tz'ac yuj yoc c'u, ax 'a 'ac'wal, may 'oj cajc yuj yoc 'uj.
7'Oj on̈ scolc 'a yol sc'ab' maysch'olnil, ax on̈ scolnec 'a yol sc'ab' chamel.
8A Jehová a tzon̈ tan̈wni 'aj tzon̈ 'atec yet' pax yic tzon̈ japxec. Tzon̈ stan̈wniec 'a smasnil tiempo.
Currently Selected:
Sal 121: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
