Sal 118
118
SALMO 118
A Jehová Colwjum
1Calc yuj diosal 'a Jehová yujto wach' snab'en, a schamc'ojlal 'ayn̈ec may slajub'.
2Calc an̈ israel on̈c tic, to a schamc'ojlal Dios may slajub'.
3Yal cab' eb' yin̈tl Aarón, to a schamc'ojlal Dios may slajub'.
4Yal cab' eb' yiclum 'a Jehová, to a schamc'ojlal Dios may slajub'.
5A yic 'ayn 'och 'a in yailal, 'ix waln in b'a 'a Jehová, 'ix yab' tas xwal 'a 'a, yuj cha, in scolni.
6A 'ayc' wet'oc, yuj cha, matz in xiw yuj tas tzin yutj eb' wit 'anma'il.
7Wojtac to 'ayc' wet'oc, a tzcolwj 'ayin. 'Oj wila', tas tz'aj slajw 'el eb' 'anma tzin chacn 'eli.
8Yel xo wach' tzca'c 'och Jehová yipc qui c'ojol, 'a yib'n̈ to a eb' 'anma 'aj tzca'c 'och qui c'ojol.
9Caw wal wach' tzca'c 'och Jehová yipc qui c'ojol, 'a yib'n̈ to a eb' yajl 'aj tzca'c 'och qui c'ojol.
10'Ix 'och oyn eb' niwc nacion̈ 'ayin, palta yuj yip Jehová 'ix wa'n ganar eb' in satn 'eli.
11'Ix 'och wal oyn eb' 'ayn smasnil, palta yuj yip Jehová xwa'n ganar in satn 'el eb'.
12'Ix 'och oyn eb' 'ayn 'icha no sno'l 'acan̈, ax yowl sc'ojl eb' chi 'ayin, 'ix tup 'icha tzyac' te c'ac' 'a scal q'ui'ix; yuj scolwal Jehová 'ix wa'n ganar in satn 'el eb'.
13In cob' yec telwc eb', sec tzin 'em yuj eb' snani, palta ax Jehová in colni.
14Yuj cha, tzin b'itn 'a 'a, yujto a wip yaji. A 'in Colmal yaji.
15A b'it yic tzaljc'ojlal a chi 'ay 'a yatut eb' tojl snab'en. Yuj sjelnal Jehová 'ix ya'n ganar eb' owal.
16Caw wal niwquil spoder, yuj spoder caw satjub'tac 'ix 'aj ya'n ganar owal.
17Ma'oj in cham muc'uc, palta pitzn in to, sec 'oj wal-li to satjub'tac tas tzb'o Jehová.
18Caw niwquil in yailal 'ix ya'chi, palta ma'in schaj chamoc.
19Jacx cab' spuertail yatut Dios 'ayin, yujto tzin nib'j tzin 'och 'a yojol, yic tzwa'n yuj diosal 'a 'a.
20A 'a jun puerta cha, ata tzon̈ 'ochec yic tzon̈ c'ochc 'a yojltac; ata 'oj cochc an̈ tojl qui nab'enec.
21Mamin Jehová, 'oj wac' yuj diosal 'ayach, yujto 'ix ab' tas xwala, in Colmal pax aji.
22A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso.
23Ach 'ixta 'ix otj jun tic, caw tzsat qui c'ojl quilni.
24Atn 'a jun c'u tic 'ix 'el'ch tas nab'il oj Mamin Jehová; yuj cha, wach' quic on̈, tzon̈ tzalj o'oj.
25Tzin tew 'och 'aych Mamin to tzach colwj quet' ticnec on̈. Colwjan̈ sec wach' tzon̈ 'el'ch can on̈.
26Alx cab' wach' paxti 'a mach checb'il cot yuj Jehová. A 'a yatut Dios ata 'oj cal wach' paxti 'ayex.
27A Jehová Dios ton b'i'an, a 'ix a'n sacq'uinl 'ayn̈ec. Qui nac sq'uin̈al, tzqui'nec te sc'ab' te yet' xi'il, tzon̈ oyyec' 'a spatquil yet'l xajmb'al.
28Ach qui Diosal on̈, tzcal yuj diosal 'ayach, yujto niwn el'chi. Smoj caln qui wach' paxti 'ayach.
29¡Alx cab' wach' paxti 'a Jehová, yujto wach' snab'en! A schamc'ojlal 'ayn̈ec may slajub'.
Currently Selected:
Sal 118: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 118
118
SALMO 118
A Jehová Colwjum
1Calc yuj diosal 'a Jehová yujto wach' snab'en, a schamc'ojlal 'ayn̈ec may slajub'.
2Calc an̈ israel on̈c tic, to a schamc'ojlal Dios may slajub'.
3Yal cab' eb' yin̈tl Aarón, to a schamc'ojlal Dios may slajub'.
4Yal cab' eb' yiclum 'a Jehová, to a schamc'ojlal Dios may slajub'.
5A yic 'ayn 'och 'a in yailal, 'ix waln in b'a 'a Jehová, 'ix yab' tas xwal 'a 'a, yuj cha, in scolni.
6A 'ayc' wet'oc, yuj cha, matz in xiw yuj tas tzin yutj eb' wit 'anma'il.
7Wojtac to 'ayc' wet'oc, a tzcolwj 'ayin. 'Oj wila', tas tz'aj slajw 'el eb' 'anma tzin chacn 'eli.
8Yel xo wach' tzca'c 'och Jehová yipc qui c'ojol, 'a yib'n̈ to a eb' 'anma 'aj tzca'c 'och qui c'ojol.
9Caw wal wach' tzca'c 'och Jehová yipc qui c'ojol, 'a yib'n̈ to a eb' yajl 'aj tzca'c 'och qui c'ojol.
10'Ix 'och oyn eb' niwc nacion̈ 'ayin, palta yuj yip Jehová 'ix wa'n ganar eb' in satn 'eli.
11'Ix 'och wal oyn eb' 'ayn smasnil, palta yuj yip Jehová xwa'n ganar in satn 'el eb'.
12'Ix 'och oyn eb' 'ayn 'icha no sno'l 'acan̈, ax yowl sc'ojl eb' chi 'ayin, 'ix tup 'icha tzyac' te c'ac' 'a scal q'ui'ix; yuj scolwal Jehová 'ix wa'n ganar in satn 'el eb'.
13In cob' yec telwc eb', sec tzin 'em yuj eb' snani, palta ax Jehová in colni.
14Yuj cha, tzin b'itn 'a 'a, yujto a wip yaji. A 'in Colmal yaji.
15A b'it yic tzaljc'ojlal a chi 'ay 'a yatut eb' tojl snab'en. Yuj sjelnal Jehová 'ix ya'n ganar eb' owal.
16Caw wal niwquil spoder, yuj spoder caw satjub'tac 'ix 'aj ya'n ganar owal.
17Ma'oj in cham muc'uc, palta pitzn in to, sec 'oj wal-li to satjub'tac tas tzb'o Jehová.
18Caw niwquil in yailal 'ix ya'chi, palta ma'in schaj chamoc.
19Jacx cab' spuertail yatut Dios 'ayin, yujto tzin nib'j tzin 'och 'a yojol, yic tzwa'n yuj diosal 'a 'a.
20A 'a jun puerta cha, ata tzon̈ 'ochec yic tzon̈ c'ochc 'a yojltac; ata 'oj cochc an̈ tojl qui nab'enec.
21Mamin Jehová, 'oj wac' yuj diosal 'ayach, yujto 'ix ab' tas xwala, in Colmal pax aji.
22A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso.
23Ach 'ixta 'ix otj jun tic, caw tzsat qui c'ojl quilni.
24Atn 'a jun c'u tic 'ix 'el'ch tas nab'il oj Mamin Jehová; yuj cha, wach' quic on̈, tzon̈ tzalj o'oj.
25Tzin tew 'och 'aych Mamin to tzach colwj quet' ticnec on̈. Colwjan̈ sec wach' tzon̈ 'el'ch can on̈.
26Alx cab' wach' paxti 'a mach checb'il cot yuj Jehová. A 'a yatut Dios ata 'oj cal wach' paxti 'ayex.
27A Jehová Dios ton b'i'an, a 'ix a'n sacq'uinl 'ayn̈ec. Qui nac sq'uin̈al, tzqui'nec te sc'ab' te yet' xi'il, tzon̈ oyyec' 'a spatquil yet'l xajmb'al.
28Ach qui Diosal on̈, tzcal yuj diosal 'ayach, yujto niwn el'chi. Smoj caln qui wach' paxti 'ayach.
29¡Alx cab' wach' paxti 'a Jehová, yujto wach' snab'en! A schamc'ojlal 'ayn̈ec may slajub'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.