Sal 116
116
SALMO 116
Lesl yic alj yuj diosal
1Tzin chamc'ojlej Jehová, yujto xyab' tas xwal 'a in lesal.
2'Ix yab' tas xin c'an 'a 'a, yuj cha, ya' sb'a pitzn in, 'oj wal in b'a 'a 'a.
3A yailal yic chamel, in sjal 'ejm c'otan. 'Ix jaw xiwc'ojlal yic chaml chi 'a wib'an̈. A yailal yet' cusc'ojlal xin chaj in b'a yet'oc.
4Yuj cha, 'ix waln in b'a 'a Jehová 'ixtic: Mamin Jehová, coln 'el 'a scal in yailal, xin chi.
5Caw wal wach' qui Diosalec, tojl snab'en, caw wal 'ay schamc'ojlal 'ayn̈ec.
6A Jehová a tztan̈wni eb' 'emmquilal yeq'ui. A yic caw man̈x 'a wip, ax in coln 'eli.
7A ticnec b'i'an, tzalj in c'ojl tzwab'i, yujto wach' snab'en Jehová 'ayin,
8yujto in scol 'elt 'a yol sc'ab' chamel. In scoln 'elt 'a yol sc'ab' 'oq'uel, ma'in schaj telwc 'ejmi.
9Yiclum 'oj wutc in b'a 'a 'a, ya' sb'a pitzn in 'a yolyib'n̈q'uinl tic.
10'Ix wa'ch Jehová yipc in c'ojol, 'ix wal 'a 'ixtic: Caw 'ayn 'och 'a somc'ojlal, xin chi.
11Yuj cha, 'a sji'lti'al xwalni to smasnil 'anma', 'a'm 'es eb'.
12¿Tas wal 'oj wac' spacc 'a Jehová, yuj smasnil tas wach' tzb'o 'ayin?
13'Oj wi' cot yal uva wofrendaoc 'a 'a, yujto a 'in coln 'eli.
14A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'.
15A yic tzcham junc mach to yic xo Dios yaji, caw wal 'ay yel'ch 'a 'a, yujto man̈ comnoc tzchaj cham eb' yic cha.
16A Jehová, yel ton b'i'an, schecb' waji, yune 'in 'ix schecb' Dios cha. A 'in coln 'elt 'a yol sc'ab' tas jaljnac in.
17'Oj wac' in xajmb'al 'a Jehová yic alj yuj diosal, yic tzwaln in b'a 'a 'a.
18A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'
19atn 'a yamq'uil yatut, 'a yol chon̈b' Jerusalén.
¡Alx cab' wach' paxti 'a Jehová!
Currently Selected:
Sal 116: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 116
116
SALMO 116
Lesl yic alj yuj diosal
1Tzin chamc'ojlej Jehová, yujto xyab' tas xwal 'a in lesal.
2'Ix yab' tas xin c'an 'a 'a, yuj cha, ya' sb'a pitzn in, 'oj wal in b'a 'a 'a.
3A yailal yic chamel, in sjal 'ejm c'otan. 'Ix jaw xiwc'ojlal yic chaml chi 'a wib'an̈. A yailal yet' cusc'ojlal xin chaj in b'a yet'oc.
4Yuj cha, 'ix waln in b'a 'a Jehová 'ixtic: Mamin Jehová, coln 'el 'a scal in yailal, xin chi.
5Caw wal wach' qui Diosalec, tojl snab'en, caw wal 'ay schamc'ojlal 'ayn̈ec.
6A Jehová a tztan̈wni eb' 'emmquilal yeq'ui. A yic caw man̈x 'a wip, ax in coln 'eli.
7A ticnec b'i'an, tzalj in c'ojl tzwab'i, yujto wach' snab'en Jehová 'ayin,
8yujto in scol 'elt 'a yol sc'ab' chamel. In scoln 'elt 'a yol sc'ab' 'oq'uel, ma'in schaj telwc 'ejmi.
9Yiclum 'oj wutc in b'a 'a 'a, ya' sb'a pitzn in 'a yolyib'n̈q'uinl tic.
10'Ix wa'ch Jehová yipc in c'ojol, 'ix wal 'a 'ixtic: Caw 'ayn 'och 'a somc'ojlal, xin chi.
11Yuj cha, 'a sji'lti'al xwalni to smasnil 'anma', 'a'm 'es eb'.
12¿Tas wal 'oj wac' spacc 'a Jehová, yuj smasnil tas wach' tzb'o 'ayin?
13'Oj wi' cot yal uva wofrendaoc 'a 'a, yujto a 'in coln 'eli.
14A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'.
15A yic tzcham junc mach to yic xo Dios yaji, caw wal 'ay yel'ch 'a 'a, yujto man̈ comnoc tzchaj cham eb' yic cha.
16A Jehová, yel ton b'i'an, schecb' waji, yune 'in 'ix schecb' Dios cha. A 'in coln 'elt 'a yol sc'ab' tas jaljnac in.
17'Oj wac' in xajmb'al 'a Jehová yic alj yuj diosal, yic tzwaln in b'a 'a 'a.
18A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'
19atn 'a yamq'uil yatut, 'a yol chon̈b' Jerusalén.
¡Alx cab' wach' paxti 'a Jehová!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.