Sal 114
114
SALMO 114
Snanb'il cot yelt eb' israel 'a Egipto
1A yic x'elt eb' israel 'a Egipto, atn eb' yin̈tl Jacob cajn 'ec' 'a scal eb' chuc chon̈b'al cha,
2a 'a chon̈b' Judá, ata tzyal sb'a eb' 'anma 'a Jehová, atn tz'a'n yajlil 'a yol smacb'en Israel.
3A yic xch'oxn sb'a Jehová 'a eb' israel, ax a mar 'ix 'at a 'elc yu'uj; 'ix 'och wan a Jordán sb'eyi.
4Ax eb' lum niwc witz yet' eb' lum tzalan, 'icha to 'ix laj q'ue b'atnjoc eb' lum 'icha mam calnelu, mto 'icha no nene calnelu.
5¿Tas yuj 'ix 'at a mar chi 'eloc? ¿Tas yuj 'ix 'och wan a Jordán sb'eyi?
6¿Tas yuj 'icha to 'ix b'atjchan̈ eb' lum witz yet' eb' lum tzalan, 'icha sb'atjchan̈ no mam calnelu, mto 'icha no nene calnelu, 'ixta x'aj eb' lu'um?
7'Ib'x cab' chan̈ lum lum 'a yojltac Dios Yajl yaj 'a smasnil, atn qui Diosalec an̈ yin̈tl on̈c Jacob tic.
8A 'a sat q'uen q'ue'en, ata xlaj pac' 'elt eb' a a', xlaj 'och eb' a pama'il.
Currently Selected:
Sal 114: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
