Sal 111
111
SALMO 111
A Dios tztan̈wni schon̈ab'
1¡Alx cab' wach' paxti 'a Jehová!
Wal 'a smasnil in c'ojol, ax waln wach' paxti 'a 'a. 'Oj wal-l 'a scal syamnil eb' 'anma wach' snab'en.
2A tas b'ob'il yuj Jehová yel xo wal niwan. A eb' tzalj yet' jun tzo'n̈ tic, ya'ch cab' eb' 'a sc'ojl scuyni.
3Sja'l wal yilx tas b'ob'il yu'uj, tzwetzwni yilxi, ax stojlal 'ayc'n̈ej 'a smasnil tiempo.
4Satjub'tac yilx tas b'ob'il yu'uj, may b'a'n̈ tz'at 'a satc'ojlal. A Jehová caw wach' snab'en, 'ay schamc'ojlal.
5A tz'a'n tas tzc'ux eb' yiclum tzyutj sb'a 'a 'a, yujto tzna cot strato yet' eb'.
6'Ix sch'ox yil eb' schon̈ab' to 'ay tas tztac' yu'uj. A slum eb' chuc chon̈b'al, 'ix yac' yico'oc eb' schon̈b' cha.
7A tas tzb'o'o, yel ton b'i'an tojol. A smasnil schecnb'il alb'il can yu'uj, yel tzyal eb'.
8Jun 'ejmn̈ej wach' yaj eb' sb'o'i. Xya'cn jun tzo'n̈ tic yuj schamc'ojlal yet' stojlal.
9'Ix yac' colchjoc 'el schon̈ab', sb'on can strato yet' eb' 'a smasnil tiempo, yel xo wal 'ay smay sb'inaxi.
10Toto tzqui nib'jec to jeln tzon̈ 'ajec, yowlal tzqui yicljec tas syal Jehová. Smasnil eb' tzcuyn schecnb'il, jeln tz'aj 'el'ch eb'. Smasnil cab' tiempo tzalx wach' paxti 'a 'a.
Currently Selected:
Sal 111: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
