Sal 105
105
SALMO 105
Satjub'tac yilx tas sb'ojnac Jehová
(1 Cr 16.7-22)
1Calc yuj diosal 'a Jehová. Qui b'inoquec sb'i. Calc 'el yab'xil 'a smasnil eb' chon̈b' yuj tastc b'ob'il yu'uj.
2B'itn coyc yet' b'it yic tz'ijx chan̈ sb'i, calc wach' paxti 'a 'a, yujto satjub'tac yilx tastc b'ob'il yu'uj.
3Tzalj coyc yuj tas yaji, tzalj coyc yuj Jehová, yujto tzca'c 'och qui c'ojl 'a 'a.
4Ca'c 'och Jehová yipc qui c'ojol; c'och coyc 'a yojltac 'a smasnil tiempo.
5-6An̈ yin̈tl on̈ can Abraham win schecb' Dios, yet' Jacob, sic'b'iln̈ec 'el yuj Dios. Qui nac cot tas satjub'tac yilx b'ob'il yu'uj, yet' schecnb'il 'ac'b'il can 'ayn̈ec yu'uj.
7A Jehová a qui Diosalec yaji; a tz'a'n Yajlil 'a yib'n̈ lum lum tic smasnil.
8Wach'xam til wal smacn̈il eb' 'anma tz'ec' 'a sat lum lum tic, palta nann̈ej strato yu'uj.
9'Ix yac' 'el'choc strato yet' Abraham yet' sti ya'jnac 'a Isaac.
10Ley x'ajcn jun tic 'a Jacob, a jun trato tic jun 'ejmn̈ej xcan 'a qui calec,
11yic yaln can 'ixtic: 'Oj wac' lum Canaán 'ayex, a lum 'oj 'och e macloc, xchi.
12Jaywn̈ej wal nant sb'isl eb' qui mam quichmec, yic yaln can cha, ton̈j nant 'e'lb'a yec' eb' 'a sat lum lum tic.
13Tz'ec' cajn eb' 'a junc chon̈b'al jaye'oc c'u, tzlajw cha, tz'atx eb', c'uxn tz'ec' eb' 'a yol smacb'en junjn eb' rey.
14A Dios ma'ix yal sc'ojl to tz'ixtx eb', yuj cha, xya'n snab'enoc eb' rey, xyaln 'a eb' 'ixtic:
15Man̈ e tzuntzc eb' sic'b'il 'el wuj tic, man̈ eyixtc eb' in checb' tic, xchi.
16'Ix ya'n jawc wejl 'a yib'n̈ lum lum cha, c'uxn 'ix yac' sat 'ejm tas tzc'ux eb'.
17Palta 'ix ya'cn b'ab'ljoc jun win quelm yuj eb', atn win José, win chon̈b'il can 'at mosoal.
18Ata xyab' syal yoc yuj q'uen cadena; 'ix 'ajx 'och 'a preso.
19'Ix 'ajx prowal win yuj tas yaljnac can Dios 'a yib'n̈ winac, masnto 'ix 'el'ch tas alb'il can yuj José cha.
20Ax win rey 'a jun chon̈b' cha, xya'n win 'eltoc José 'a preso, 'ix 'el 'a libre.
21'Ix ya'n 'och win rey chi win José yilmalc yatut, xya'n yajlil 'a yib'n̈ smasnil tas 'ay 'a winac.
22Xlaj cuywj 'a eb' niwc yajal, 'ix jelnb'i eb' 'ichmtac winc yu'uj.
23Tza'nxoj xc'och win Israel atn Jacob, 'ix c'och 'a Egipto cha, axta xcan cajn 'a lum slum eb' yin̈tl Cam.
24Ax Dios 'ix 'a'n niwtjoc sb'isl eb' schon̈b' cha, yel xo wal jeln x'aj eb' 'a yib'n̈ eb' 'aj Egipto cha.
25'Ix sjeln Dios snab'en eb' 'aj lugar cha, sec tz'och eb' 'ajc'ojlal 'a eb' schon̈b' cha, 'ixta x'aj yixtx eb' schecb' Dios chi yuj eb'.
26Yuj cha, 'ix schecn 'at eb' schecab', atn Moisés yet' Aarón, to caw a si'jnac 'el eb'.
27'Ix ya'n sjelnal eb', sec tzch'ox eb' milagro yil eb' 'anma cajn 'a lum slum eb' yin̈tl Cam.
28'Ix ya' cot Dios jun niwquil q'uic'q'uinl 'a yib'n̈ eb' 'anma smasnil, palta ma'ix schaj eb' 'aj Egipto chi yab' tas xyal cha.
29'Ix 'och a a chic'l yu'uj, 'ix cham smasnil no chay 'a yojl eb' a'.
30Xya'n pitzwc chan̈ no pajtza 'a sat lum lum cha, 'ix laj c'och no 'a sat sch'at ewin yajl cha.
31'Ix yaln paxi to tzpitzw chan̈ no 'us 'a yol smacb'en Egipto. 'Icha wal 'asun, 'ixta wal xjaw no'.
32'Ix ya'n cot q'uen niwc sacb'at sjelc n̈ab', til wal x'ec' letz'lom 'a yib'n̈ lum lum cha.
33C'uxn 'ix lajw 'ejm yawb'en uva eb' 'anma cha; 'ix lajw 'ejm te higo yet' smasnil te niwc te 'ay 'a sat lum lum cha.
34Xyaln paxi to tzpitzw chan̈ no c'ulub', no tzc'uxn 'ejm smasnil 'awb'en. 'Ix c'och secnjoc e no', man̈x 'a yalnb'il sb'isl e no'.
35'Ix sc'uxn 'ejm e no smasnil tas 'awb'il 'a sat lum lum cha, yet' smasnil te c'ultc tzpa'chan̈ 'a sat lu'um.
36'Ix smiln cham smasnil sb'ab'l 'unnal eb' 'aj Egipto cha, xcham eb' 'a junjn n̈ail.
37Xlajw xoj cha, xyi'n 'elt eb' schon̈b' cha, til wal q'uen oro yet' q'uen plata xlaj yic' eb' israel cha. May xon pax eb' xyab'ilan 'a scal eb'.
38Caw wal stzalj eb' 'aj Egipto cha, yic xyiln eb' yelt eb', yujto caw 'aych eb' 'a xiwc'ojlal yuj eb'.
39Xya'n cot Dios jun 'asn yen̈loc eb', ax 'a 'ac'wal, a jun c'ac' a tz'a'n sacq'uinl 'a yib'n̈ eb'.
40'Ix sc'an eb' tas tzc'ux 'a 'a, yuj cha, xya'n cot no chiltich schib'joc eb', ax 'a satcha'an̈, ata xcot yoch eb' swa'aj, caw wal xb'ut'j eb' si'mb'il.
41Xya'n poj snan̈l q'uen niwquil q'ue'en, axta 'ix 'elt secnjoc a a'. 'Ix b'ey a 'a lum tacn̈ lum 'icha wal sb'ey a 'elmal a',
42yujto sna cot sti yaljnac can 'a jun schecab', atn Abraham.
43'Ixtn tic 'ix yutj Dios yi'n 'elt eb' schon̈b' sic'b'il 'el yu'uj, 'a scal 'aw yet' 'a scal stzaljc'ojlal eb' x'elta.
44'Ix ya'n yico'oc eb' schon̈b' chi slum jun tzo'n̈ eb' chuc nacion̈al cha, yet' smasnil tas 'awb'il 'a sat lum lum yuj eb' 'anma cha.
45'Ixta xyutj Dios yi'n 'elt schon̈ab' sec wach' tzb'eylb'ej eb' schecnb'il, tzyiclni eb' tas tzyal sley.
¡Alx cab' wach' paxti 'a Jehová!
Currently Selected:
Sal 105: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 105
105
SALMO 105
Satjub'tac yilx tas sb'ojnac Jehová
(1 Cr 16.7-22)
1Calc yuj diosal 'a Jehová. Qui b'inoquec sb'i. Calc 'el yab'xil 'a smasnil eb' chon̈b' yuj tastc b'ob'il yu'uj.
2B'itn coyc yet' b'it yic tz'ijx chan̈ sb'i, calc wach' paxti 'a 'a, yujto satjub'tac yilx tastc b'ob'il yu'uj.
3Tzalj coyc yuj tas yaji, tzalj coyc yuj Jehová, yujto tzca'c 'och qui c'ojl 'a 'a.
4Ca'c 'och Jehová yipc qui c'ojol; c'och coyc 'a yojltac 'a smasnil tiempo.
5-6An̈ yin̈tl on̈ can Abraham win schecb' Dios, yet' Jacob, sic'b'iln̈ec 'el yuj Dios. Qui nac cot tas satjub'tac yilx b'ob'il yu'uj, yet' schecnb'il 'ac'b'il can 'ayn̈ec yu'uj.
7A Jehová a qui Diosalec yaji; a tz'a'n Yajlil 'a yib'n̈ lum lum tic smasnil.
8Wach'xam til wal smacn̈il eb' 'anma tz'ec' 'a sat lum lum tic, palta nann̈ej strato yu'uj.
9'Ix yac' 'el'choc strato yet' Abraham yet' sti ya'jnac 'a Isaac.
10Ley x'ajcn jun tic 'a Jacob, a jun trato tic jun 'ejmn̈ej xcan 'a qui calec,
11yic yaln can 'ixtic: 'Oj wac' lum Canaán 'ayex, a lum 'oj 'och e macloc, xchi.
12Jaywn̈ej wal nant sb'isl eb' qui mam quichmec, yic yaln can cha, ton̈j nant 'e'lb'a yec' eb' 'a sat lum lum tic.
13Tz'ec' cajn eb' 'a junc chon̈b'al jaye'oc c'u, tzlajw cha, tz'atx eb', c'uxn tz'ec' eb' 'a yol smacb'en junjn eb' rey.
14A Dios ma'ix yal sc'ojl to tz'ixtx eb', yuj cha, xya'n snab'enoc eb' rey, xyaln 'a eb' 'ixtic:
15Man̈ e tzuntzc eb' sic'b'il 'el wuj tic, man̈ eyixtc eb' in checb' tic, xchi.
16'Ix ya'n jawc wejl 'a yib'n̈ lum lum cha, c'uxn 'ix yac' sat 'ejm tas tzc'ux eb'.
17Palta 'ix ya'cn b'ab'ljoc jun win quelm yuj eb', atn win José, win chon̈b'il can 'at mosoal.
18Ata xyab' syal yoc yuj q'uen cadena; 'ix 'ajx 'och 'a preso.
19'Ix 'ajx prowal win yuj tas yaljnac can Dios 'a yib'n̈ winac, masnto 'ix 'el'ch tas alb'il can yuj José cha.
20Ax win rey 'a jun chon̈b' cha, xya'n win 'eltoc José 'a preso, 'ix 'el 'a libre.
21'Ix ya'n 'och win rey chi win José yilmalc yatut, xya'n yajlil 'a yib'n̈ smasnil tas 'ay 'a winac.
22Xlaj cuywj 'a eb' niwc yajal, 'ix jelnb'i eb' 'ichmtac winc yu'uj.
23Tza'nxoj xc'och win Israel atn Jacob, 'ix c'och 'a Egipto cha, axta xcan cajn 'a lum slum eb' yin̈tl Cam.
24Ax Dios 'ix 'a'n niwtjoc sb'isl eb' schon̈b' cha, yel xo wal jeln x'aj eb' 'a yib'n̈ eb' 'aj Egipto cha.
25'Ix sjeln Dios snab'en eb' 'aj lugar cha, sec tz'och eb' 'ajc'ojlal 'a eb' schon̈b' cha, 'ixta x'aj yixtx eb' schecb' Dios chi yuj eb'.
26Yuj cha, 'ix schecn 'at eb' schecab', atn Moisés yet' Aarón, to caw a si'jnac 'el eb'.
27'Ix ya'n sjelnal eb', sec tzch'ox eb' milagro yil eb' 'anma cajn 'a lum slum eb' yin̈tl Cam.
28'Ix ya' cot Dios jun niwquil q'uic'q'uinl 'a yib'n̈ eb' 'anma smasnil, palta ma'ix schaj eb' 'aj Egipto chi yab' tas xyal cha.
29'Ix 'och a a chic'l yu'uj, 'ix cham smasnil no chay 'a yojl eb' a'.
30Xya'n pitzwc chan̈ no pajtza 'a sat lum lum cha, 'ix laj c'och no 'a sat sch'at ewin yajl cha.
31'Ix yaln paxi to tzpitzw chan̈ no 'us 'a yol smacb'en Egipto. 'Icha wal 'asun, 'ixta wal xjaw no'.
32'Ix ya'n cot q'uen niwc sacb'at sjelc n̈ab', til wal x'ec' letz'lom 'a yib'n̈ lum lum cha.
33C'uxn 'ix lajw 'ejm yawb'en uva eb' 'anma cha; 'ix lajw 'ejm te higo yet' smasnil te niwc te 'ay 'a sat lum lum cha.
34Xyaln paxi to tzpitzw chan̈ no c'ulub', no tzc'uxn 'ejm smasnil 'awb'en. 'Ix c'och secnjoc e no', man̈x 'a yalnb'il sb'isl e no'.
35'Ix sc'uxn 'ejm e no smasnil tas 'awb'il 'a sat lum lum cha, yet' smasnil te c'ultc tzpa'chan̈ 'a sat lu'um.
36'Ix smiln cham smasnil sb'ab'l 'unnal eb' 'aj Egipto cha, xcham eb' 'a junjn n̈ail.
37Xlajw xoj cha, xyi'n 'elt eb' schon̈b' cha, til wal q'uen oro yet' q'uen plata xlaj yic' eb' israel cha. May xon pax eb' xyab'ilan 'a scal eb'.
38Caw wal stzalj eb' 'aj Egipto cha, yic xyiln eb' yelt eb', yujto caw 'aych eb' 'a xiwc'ojlal yuj eb'.
39Xya'n cot Dios jun 'asn yen̈loc eb', ax 'a 'ac'wal, a jun c'ac' a tz'a'n sacq'uinl 'a yib'n̈ eb'.
40'Ix sc'an eb' tas tzc'ux 'a 'a, yuj cha, xya'n cot no chiltich schib'joc eb', ax 'a satcha'an̈, ata xcot yoch eb' swa'aj, caw wal xb'ut'j eb' si'mb'il.
41Xya'n poj snan̈l q'uen niwquil q'ue'en, axta 'ix 'elt secnjoc a a'. 'Ix b'ey a 'a lum tacn̈ lum 'icha wal sb'ey a 'elmal a',
42yujto sna cot sti yaljnac can 'a jun schecab', atn Abraham.
43'Ixtn tic 'ix yutj Dios yi'n 'elt eb' schon̈b' sic'b'il 'el yu'uj, 'a scal 'aw yet' 'a scal stzaljc'ojlal eb' x'elta.
44'Ix ya'n yico'oc eb' schon̈b' chi slum jun tzo'n̈ eb' chuc nacion̈al cha, yet' smasnil tas 'awb'il 'a sat lum lum yuj eb' 'anma cha.
45'Ixta xyutj Dios yi'n 'elt schon̈ab' sec wach' tzb'eylb'ej eb' schecnb'il, tzyiclni eb' tas tzyal sley.
¡Alx cab' wach' paxti 'a Jehová!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.