Sal 102
102
SALMO 102
Slesl jun mach 'ay scusc'ojlal
A jun mach 'aych syailal, tzyal sb'a 'a Jehová
1Mamin Jehová, chaj wal in lesl tic, comnoc wal tzc'och yel waw 'ayach.
2Man̈ e'l a sat 'ayin, yic 'ayn 'och 'a in cusc'ojlal. Comnoc tz'el 'a a c'ojl ab'n tas tzwala. A yic tzach wawtni, tza pacn pax 'ayn muc'uc.
3Yujto lajn yec' in q'uinl 'icha tz'aj satchan̈ te tab', ax in b'aquil, caw wal tzn̈ilchj chan̈ sc'a'l tzwab'i, 'icha to wan stz'a'i.
4Caw wal tztac in c'ojl tzwab'i, man̈xtzac yal in c'ojl tzin wa'i; 'icha tz'aj stacj te c'ultac, 'ixta tzin 'aj tzwab'i.
5Tox 'ix tacj 'och in tz'umal 'a spatq'uil in b'aquil, yujto til wal yel waw woq'ui.
6Lajn in 'icha no tonton tz'oc' 'a scalte', 'icha no chulpop tz'oc' 'a cusltac lum 'aj may 'anma'.
7Matz in way xoni. Lajn in wal 'icha junc no ch'ic sch'ocj tz'ec' 'a sjolmctac n̈a.
8A eb' 'ajc'ojl yajch 'ayin, 'a junjn c'u tzyac' cus eb' in c'ojol, tzc'anlb'an eb' in b'i yic tzcatb'tzan can eb'.
9A stan̈il c'ac' 'ay q'ue 'a in jolom, a chi tz'em 'a scal tas tzin c'uxu, ax tas tzwuq'uej, caln yaj yet' yal in sat.
10Yuj wal yowl a c'ojl 'a wib'an̈, yet' a c'a'lc'ojlal, yuj cha, in a tzicncha'an̈, in e'n 'el 'a ojltac.
11A 'in q'uinal, lajn wal yec' 'icha junc wewen, wan in tacj chan̈ 'icha te c'ultac.
12Ach xo pax Mamin Jehová, yajl ach 'a jun 'ejmn̈ej. 'Oj naxoc cot a b'i yuj junjn c'aj eb' 'anma tz'ec' 'a sat lum lum tic.
13Cotan̈, stiempoal xo yo'ch a c'ojl 'a Sión, smoj xo a'n niwnc'ojlal 'a yib'an̈, yujto xc'och sc'ual.
14A eb' a checb' tic, caw 'ay schamc'ojlal eb' 'a eb' q'uen q'uen yic Sión; yuj cha, caw ya tzyab' eb' yujto tz'ixtx 'eli.
15Smasnil lum nacion̈ yet' eb' rey 'ay 'a sat lum lum tic, 'oj xiw chan̈ eb', ax yi'n chan̈ eb' a b'i Mamin Jehová.
16A yic 'oj a b'onc pax chan̈ Sión jun 'ejm xo, 'oj a ch'ox a b'a yet' a tzictznial.
17'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.
18Tz'ib'x cab' can jun tzo'n̈ tic 'a ch'an̈ libro, sec a eb' 'unn tot 'oj 'aljoc, 'oj yal eb' swach' paxti 'ayach.
19Mamin Jehová, 'aych 'ec' 'a a cajnub' 'a satcha'an̈, ata tzel cot lum lum tic.
20Ach tza b'oyaj scusc'ojlal eb' 'icha preso yaji. Tzwul a coln 'el eb' 'ayx 'och chaml 'a yib'an̈,
21sec wach' tzalx 'el ab'xil 'a Sión, atn 'a Jerusalén. Ata 'oj alxoc wach' paxti 'ayach,
22a yic 'oj syam sb'a eb' 'anma 'oj cot 'a junjn nacion̈, ax ya'n eb' 'emmquilal 'aych Mamin Jehová.
23A yic spacl to yaj in q'uinal, 'ix e'n can 'el wip, xa'n can c'ochnb'oc in q'uinl tic.
24Yuj cha, xwaln 'aych 'ixtic: Ach in Diosal, man̈ in e'l muc'uc, 'a yic to mantzac paclj in q'uinal, xin chi.
A 'a q'uinl ach tic Mamin, may b'a'n̈ 'ay slajub'.
25A 'a yictax yel yich, ach a b'ojnac lum lum tic, a b'on pax satcha'an̈.
26Smasnil jun tzo'n̈ tic, 'oj lajwc 'eq'ui, palta ach xo tic, 'aychn̈ej 'eq'ui. Smasnil jun tzo'n̈ tic, 'oj 'ichmaxc eb' 'icha te pichul. Ach 'oj a satli. 'Icha tzyac' junc mach tzjul-l junc spichul, 'ixta wal 'oj otoc.
27Ach tic Mamin, an̈j 'ijnoc achn̈ej, may xon wal b'a'n̈ 'ay slajb' a q'uinal.
28A eb' cunnal an̈ a checb' on̈ tic on̈, 'oj a tan̈wc eb' b'aq'uin̈. Yuj a colwal 'a eb', yuj cha, may tas 'oj 'i'nc eb' 'a ojltac.
Currently Selected:
Sal 102: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 102
102
SALMO 102
Slesl jun mach 'ay scusc'ojlal
A jun mach 'aych syailal, tzyal sb'a 'a Jehová
1Mamin Jehová, chaj wal in lesl tic, comnoc wal tzc'och yel waw 'ayach.
2Man̈ e'l a sat 'ayin, yic 'ayn 'och 'a in cusc'ojlal. Comnoc tz'el 'a a c'ojl ab'n tas tzwala. A yic tzach wawtni, tza pacn pax 'ayn muc'uc.
3Yujto lajn yec' in q'uinl 'icha tz'aj satchan̈ te tab', ax in b'aquil, caw wal tzn̈ilchj chan̈ sc'a'l tzwab'i, 'icha to wan stz'a'i.
4Caw wal tztac in c'ojl tzwab'i, man̈xtzac yal in c'ojl tzin wa'i; 'icha tz'aj stacj te c'ultac, 'ixta tzin 'aj tzwab'i.
5Tox 'ix tacj 'och in tz'umal 'a spatq'uil in b'aquil, yujto til wal yel waw woq'ui.
6Lajn in 'icha no tonton tz'oc' 'a scalte', 'icha no chulpop tz'oc' 'a cusltac lum 'aj may 'anma'.
7Matz in way xoni. Lajn in wal 'icha junc no ch'ic sch'ocj tz'ec' 'a sjolmctac n̈a.
8A eb' 'ajc'ojl yajch 'ayin, 'a junjn c'u tzyac' cus eb' in c'ojol, tzc'anlb'an eb' in b'i yic tzcatb'tzan can eb'.
9A stan̈il c'ac' 'ay q'ue 'a in jolom, a chi tz'em 'a scal tas tzin c'uxu, ax tas tzwuq'uej, caln yaj yet' yal in sat.
10Yuj wal yowl a c'ojl 'a wib'an̈, yet' a c'a'lc'ojlal, yuj cha, in a tzicncha'an̈, in e'n 'el 'a ojltac.
11A 'in q'uinal, lajn wal yec' 'icha junc wewen, wan in tacj chan̈ 'icha te c'ultac.
12Ach xo pax Mamin Jehová, yajl ach 'a jun 'ejmn̈ej. 'Oj naxoc cot a b'i yuj junjn c'aj eb' 'anma tz'ec' 'a sat lum lum tic.
13Cotan̈, stiempoal xo yo'ch a c'ojl 'a Sión, smoj xo a'n niwnc'ojlal 'a yib'an̈, yujto xc'och sc'ual.
14A eb' a checb' tic, caw 'ay schamc'ojlal eb' 'a eb' q'uen q'uen yic Sión; yuj cha, caw ya tzyab' eb' yujto tz'ixtx 'eli.
15Smasnil lum nacion̈ yet' eb' rey 'ay 'a sat lum lum tic, 'oj xiw chan̈ eb', ax yi'n chan̈ eb' a b'i Mamin Jehová.
16A yic 'oj a b'onc pax chan̈ Sión jun 'ejm xo, 'oj a ch'ox a b'a yet' a tzictznial.
17'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.
18Tz'ib'x cab' can jun tzo'n̈ tic 'a ch'an̈ libro, sec a eb' 'unn tot 'oj 'aljoc, 'oj yal eb' swach' paxti 'ayach.
19Mamin Jehová, 'aych 'ec' 'a a cajnub' 'a satcha'an̈, ata tzel cot lum lum tic.
20Ach tza b'oyaj scusc'ojlal eb' 'icha preso yaji. Tzwul a coln 'el eb' 'ayx 'och chaml 'a yib'an̈,
21sec wach' tzalx 'el ab'xil 'a Sión, atn 'a Jerusalén. Ata 'oj alxoc wach' paxti 'ayach,
22a yic 'oj syam sb'a eb' 'anma 'oj cot 'a junjn nacion̈, ax ya'n eb' 'emmquilal 'aych Mamin Jehová.
23A yic spacl to yaj in q'uinal, 'ix e'n can 'el wip, xa'n can c'ochnb'oc in q'uinl tic.
24Yuj cha, xwaln 'aych 'ixtic: Ach in Diosal, man̈ in e'l muc'uc, 'a yic to mantzac paclj in q'uinal, xin chi.
A 'a q'uinl ach tic Mamin, may b'a'n̈ 'ay slajub'.
25A 'a yictax yel yich, ach a b'ojnac lum lum tic, a b'on pax satcha'an̈.
26Smasnil jun tzo'n̈ tic, 'oj lajwc 'eq'ui, palta ach xo tic, 'aychn̈ej 'eq'ui. Smasnil jun tzo'n̈ tic, 'oj 'ichmaxc eb' 'icha te pichul. Ach 'oj a satli. 'Icha tzyac' junc mach tzjul-l junc spichul, 'ixta wal 'oj otoc.
27Ach tic Mamin, an̈j 'ijnoc achn̈ej, may xon wal b'a'n̈ 'ay slajb' a q'uinal.
28A eb' cunnal an̈ a checb' on̈ tic on̈, 'oj a tan̈wc eb' b'aq'uin̈. Yuj a colwal 'a eb', yuj cha, may tas 'oj 'i'nc eb' 'a ojltac.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.