Sal 101
101
SALMO 101
Xyac' win rey sti 'a Dios
Sb'it David jun tic
1Mamin Jehová, tzin nib'j in b'itnoc a chamc'ojlal yet' a tojlal; tzin nib'j tzach in b'itnej yet' b'it.
2Tzin nib'j a a tojlal tzin b'eylb'ej.
¿B'a'n̈ wal tzach jaw pax 'ayn jun? Tzin nib'j may tu paxti'al tzalx 'a wib'n̈ yet' wopiso.
3May wal b'a'n̈ 'oj wa'ch in nab'en 'a tas maysch'olnil.
Matz in nib'j wil eb' tzyij 'el sb'a 'a a tz'ey, may wal junc eb' 'oj wa'ch yopiso 'a in despacho.
4A jun tzo'n̈ nab'en maysch'olnil, najt tzwijcan 'el eb' 'a in tz'ey, matz in nib'j tzwojquej 'el tas maysch'olnil.
5A eb' tzc'ultac aln tu paxti 'a yib'n̈ junc xo yit 'anma'il, 'oj in satl eb'. Ma'oj wac' sgana eb' yi'n chan̈ sb'a yet' scomn nab'en.
6'Oj wil yet' in sat, mach eb' 'anma wach' sb'eyb'al 'a sat lum lum tic, a eb' 'oj wa'ch yopiso wet'oc. A eb' tojl snab'en, a eb' chi 'oj 'och in checb'oc.
7A eb' 'ixtm 'anma', ma'oj wa' yopiso eb' wet' 'a in despacho. Eb' 'a'm 'es, may wal junc eb' 'oj 'och in checb'oc.
8Mamin Jehová, 'a junjn c'u, 'oj in satl eb' maysch'olnil snab'en 'a sat lum lum tic. 'Ixta wal 'oj wutc in satn 'el eb' tzb'on maysch'olnil 'a jun a chon̈b' tic.
Currently Selected:
Sal 101: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
