Pr 29
29
1A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.
2A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.
3A junc 'unnab'il wach', tzyac' tzaljoc sc'ojl smam. Ax junc to a yet' eb' 'ix 'ajmul 'ix 'aj tz'och tzac'an, caw wal tzlajw 'ejm stumin.
4A junc yajl wach' tzyutj sb'eyc'ojlwi, caw wach' yaj schon̈b' cha; palta a junc yajl cojn c'anj 'el tumn tzb'o'o, caw wal tzlajw 'ejm jun chon̈b' chi yu'uj.
5A mach ton̈j tz'ac yal wach' paxti 'a junc yit 'anma'il, wan ya'n 'ejm ch'an̈ yal 'a yojltac jun cha.
6A mach maysch'olnil sb'eyb'al, a smul cha, 'icha ch'an̈ yal yajch 'a 'a; ax pax mach to wach' snab'en, caw junc'ojlal yaji, tzaljc'ojlaln̈ej yico'.
7A junc yajl tojl snab'en, wach' tzyutj sb'onyaj eb' meb'a', ax pax junc maysch'olnil snab'en, toc 'ay yel'ch junc chi 'a 'a.
8A eb' ch'a'an, ton̈j tzuntzj chan̈ somnjoc eb' junc chon̈b'al 'anma'; a pax eb' jelan, yojc eb' stenn 'ejm junc owl cha.
9Toto a junc jeln tztej sb'a yet' junc may snab'en 'a yojltac eb' yajal, a jun may snab'en cha, tzcot yowal mto ton̈j tzb'uchwji, may tas tzb'o yu'uj.
10A eb' milm 'anma', tzpatquilx can 'el eb' wach' snab'en yuj eb', tznib'j eb' smil cham eb' wach' cha.
11A mach may snab'en, a yic 'ay cot yowal, tojln̈ej sb'on 'icha tas nab'il yu'uj, palta a mach 'ay snab'en, tztac' syamn 'och wan sb'a yet' yowl sc'ojl cha.
12Q'uinloc a junc yajal tzchaj yab' 'es paxti', ax eb' 'aych yet' 'a yopiso cha, tz'och eb' 'a'm 'esal smasnil.
13A junc meb'a' yet' junc tz'ixtxi, lajnn̈ej yel'ch eb'; a Jehová a x'a'n sat eb', yuj cha wach' yiln eb'.
14A junc yajl wach' tzyutj sb'onyaj eb' meb'a', caw wach' yaj 'a yopiso chi 'a smasnil tiempo.
15A mach tzyab' syail yic tz'ajx cuenta, 'oj jawc snab'en, ax junc 'unnab'il matz 'ajx cuenta, tzyac' sq'uixwloc snun.
16A yic tzniwtj chan̈ eb' 'anma maysch'olnil sb'eyb'al, caw tzniwtj chan̈ 'ajmulal; ax eb' wach' snab'en, q'ueln 'och wal eb', ax satl eb' maysch'olnil cha.
17'A'c cuenta eb' eyunnal, sec 'ay e junc'ojlal yuj eb', to 'ixta', tzaljc'ojlaln̈ej eyico'.
18A 'aj matz 'ab'x spaxtin eb' schecb' Dios, tzb'on̈j eb' 'anma smasnil maysch'olnilal, palta ax eb' yiclum 'a sley Dios, caw wach' yic eb'.
19A mach ton̈j tzyal yet' sti 'a junc schecab', matz yac' cuenta, wach'xam tznachj 'el yu'uj, palta matz yiclj jun checb' cha.
20A junc may snab'en, wach' to yic 'a yib'n̈ junc amancotn spaxtini.
21A mach matz tzcuy junc schecb' 'a yic yune'al, ax 'a slajub' 'oj yab' syal yu'uj.
22A mach ow tzyutj sb'a, tzyij chan̈ owl 'a scal 'anma'; a mach c'un scot yowal, 'ay tas man̈ wach'c tzb'o 'a scal 'anma'.
23A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.
24A mach tzya'ch sb'a yet' eb' 'elc'um, mun tzyij cot 'a yib'an̈, yujto tzyac' sti yaln junc chi 'a stojlal 'a sat eb' yajal, palta matz yal pax 'icha tzyutj ya'n sti cha.
25Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.
26Til wal 'anma tzsayn 'ec' swach'c'ojlal eb' yajal, palta cojn Jehová tzb'onyaj junc mach 'a wach'il.
27A eb' 'anma wach' snab'en, matz nib'j eb' yil eb' maysch'olnil snab'en; an̈jtona eb' maysch'olnil snab'en cha, matz nib'j eb' yil eb' wach' snab'en cha.
Currently Selected:
Pr 29: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
