Pr 15
15
1A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.
2A yic tzpaxtin eb' 'ay snab'en, caw tzchaj eb' 'anma yab' sjelnal eb' cha; a pax yic tzpaxtin eb' may snab'en, cojn tas may yel'ch tzlaj yal eb'.
3'Ayc'n̈ej Jehová 'a smasnil lugar, q'uelnn̈ej 'och 'a eb' wach' yet' 'a eb' maysch'olnil.
4A paxti wach', tzyac' sniwnal qui c'ojlec, 'icha to tzon̈ ya'c pitzwoc; ax paxti maysch'olnil, tzon̈ yixtjec 'eli, caw wal tzyab' qui pixnec syal yu'uj.
5A eb' may snab'en, caw matz chaj eb' yab' tennb'il tzyac' smam 'a 'a, ax eb' tzchaj yab'i', wan sch'oxn 'el eb', chajtlto 'ay snab'en eb'.
6Til wal tas 'ay 'a yatut eb' wach' snab'en; ax eb' maysch'olnil sb'eyb'al, cojn somc'ojlal tzyij cot eb' 'a yib'n̈ yuj tas tzyac' ganar.
7A eb' jelan, tzyal-l eb' jelnal cha; ax eb' may snab'en, caw may yel'ch tas tzyal eb'.
8A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.
9Caw wal matz chaj sc'ojl Jehová stu b'eyb'al eb' maysch'olnil, palta 'ay schamc'ojlal 'a eb' tojl sb'eyb'al.
10A mach tz'actn can wach' b'eyb'al, yowlal tz'ajx cuenta; toto tzpatquilj can 'el tennb'il tz'ajx 'a 'a, 'oj chamoc.
11A xab'l yich sjul-l chamel checl yaj 'a sat Jehová, ocxom wal snab'en 'anma', caw wal checl yaj 'a 'a.
12A mach ch'an sc'ojlani, matz yal sc'ojl to 'ay mach tz'a'n cuenta, toxn matz c'anb'j pax jac snab'en 'a eb' jelan.
13A mach tzalji, tzewj sat, ax mach tzcusi, cusltac yilx sat cha.
14A mach 'ay snab'en, a jelnal tzsayq'ui, ax pax eb' may snab'en, caw wal tzalj eb' yet' sman̈ nab'enal cha.
15Toto 'aych junc mach 'a somc'ojlal, caw wal ya yec' junjn c'u yu'uj; ax toto tzalji, caw wach'n̈j yec' tiempo chi yu'uj.
16A junc meb'a to 'ay yel'ch Jehová 'a sat, yel xo wach' yic 'a yib'n̈ junc rico to somc'ojlaln̈ej yaji.
17Wach'xam 'itj tzqui loc yet' eb' tzon̈ mol wac yet'oc, toto 'ay chamc'ojlal 'a qui calc yet' eb', yel xo wach' quiquec 'a yib'n̈ to cob' chib'j tzqui chic yet' eb', palta owln̈ej pax cajc yet' eb'.
18Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.
19A 'a eb' 'isaj, 'icha to 'ay 'ejm q'uix 'a yol sb'e eb'; ax eb' wach' snab'en, caw tojl sb'e eb', may tas 'ay 'ejm 'a yol sb'e eb' cha.
20A eb' 'unnab'il wach' snab'en, caw tzyac' eb' tzaljb'oc sc'ojl smam snun; ax eb' may snab'en, tzpatquilj can 'el eb' smam snun cha.
21Toto may qui nab'enec, caw tzca'c tzaljb'oc qui c'ojlec yet' qui man̈ nab'enal cha; ax toto 'ay qui nab'enec, caw tzqui ya'iljec qui'n b'ey qui b'a.
22Toto matz cham wal qui c'anb'nec 'ec' junc tas, a tas tzqui na'a, caw tzjuw 'eli; ax toto tzqui chajec cab' wach' nab'enal, caw wach' tzon̈ 'ajc 'el'chi.
23Caw wach' tzcab'ec toto wach' tzcutjec qui pacn junc paxti', man̈x jantcoc swach'il, toto tzchaj sb'a qui paxtinec.
24A jun b'e yic q'uinal, 'ixtc tzq'ue'i, yuj cha, a eb' jelan, matz 'ejm eb' 'a jun b'e yic chamel.
25A Jehová a tz'a'n lajwc 'ejm tas 'ay 'a eb' tzyij chan̈ sb'a; palta tzcol tas 'ay 'a eb' 'ix 'ix chamnc yichmil.
26Matz chaj sc'ojl Jehová tas nab'il yuj eb' maysch'olnil sb'eyb'al, ax jun tzo'n̈ wach' paxti', caw tzchaj sc'ojol.
27A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.
28A mach tojl snab'en, tzna wal si'mb'il tas tzyutj ta'wc sb'a; ax junc tu snab'en, caw matz na sb'a yaln jun tzo'n̈ tu paxti'.
29Caw najt yajl Jehová 'a stz'ey junc maysch'olnil sb'eyb'al, palta toto tojl snab'en, caw chab'il slesl yu'uj.
30A mach tzewji, tzon̈ tzaljec chan̈ yu'uj; a junc wach' 'ab'ix, caw tz'och quipc yuj tzcab'i.
31A mach tzchaj tennb'il to yic q'uinl yaji, 'ay yaln yic sc'och 'a scal eb' jeln snab'en.
32Toto 'ay mach matz chaj 'ajxoc cuenta sb'a, mun tzpatquilj can 'el sb'a; ax toto tzchaj 'ajxoc cuenta sb'a, caw 'oj yic' sjelnal.
33A mach 'ay yel'ch Jehová 'a sat, caw tzq'uib' sjelnal; toto tznib'j to niwn yel'chi, yowlal 'emmquilal tzyutj sb'a b'ab'el.
Currently Selected:
Pr 15: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Pr 15
15
1A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.
2A yic tzpaxtin eb' 'ay snab'en, caw tzchaj eb' 'anma yab' sjelnal eb' cha; a pax yic tzpaxtin eb' may snab'en, cojn tas may yel'ch tzlaj yal eb'.
3'Ayc'n̈ej Jehová 'a smasnil lugar, q'uelnn̈ej 'och 'a eb' wach' yet' 'a eb' maysch'olnil.
4A paxti wach', tzyac' sniwnal qui c'ojlec, 'icha to tzon̈ ya'c pitzwoc; ax paxti maysch'olnil, tzon̈ yixtjec 'eli, caw wal tzyab' qui pixnec syal yu'uj.
5A eb' may snab'en, caw matz chaj eb' yab' tennb'il tzyac' smam 'a 'a, ax eb' tzchaj yab'i', wan sch'oxn 'el eb', chajtlto 'ay snab'en eb'.
6Til wal tas 'ay 'a yatut eb' wach' snab'en; ax eb' maysch'olnil sb'eyb'al, cojn somc'ojlal tzyij cot eb' 'a yib'n̈ yuj tas tzyac' ganar.
7A eb' jelan, tzyal-l eb' jelnal cha; ax eb' may snab'en, caw may yel'ch tas tzyal eb'.
8A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.
9Caw wal matz chaj sc'ojl Jehová stu b'eyb'al eb' maysch'olnil, palta 'ay schamc'ojlal 'a eb' tojl sb'eyb'al.
10A mach tz'actn can wach' b'eyb'al, yowlal tz'ajx cuenta; toto tzpatquilj can 'el tennb'il tz'ajx 'a 'a, 'oj chamoc.
11A xab'l yich sjul-l chamel checl yaj 'a sat Jehová, ocxom wal snab'en 'anma', caw wal checl yaj 'a 'a.
12A mach ch'an sc'ojlani, matz yal sc'ojl to 'ay mach tz'a'n cuenta, toxn matz c'anb'j pax jac snab'en 'a eb' jelan.
13A mach tzalji, tzewj sat, ax mach tzcusi, cusltac yilx sat cha.
14A mach 'ay snab'en, a jelnal tzsayq'ui, ax pax eb' may snab'en, caw wal tzalj eb' yet' sman̈ nab'enal cha.
15Toto 'aych junc mach 'a somc'ojlal, caw wal ya yec' junjn c'u yu'uj; ax toto tzalji, caw wach'n̈j yec' tiempo chi yu'uj.
16A junc meb'a to 'ay yel'ch Jehová 'a sat, yel xo wach' yic 'a yib'n̈ junc rico to somc'ojlaln̈ej yaji.
17Wach'xam 'itj tzqui loc yet' eb' tzon̈ mol wac yet'oc, toto 'ay chamc'ojlal 'a qui calc yet' eb', yel xo wach' quiquec 'a yib'n̈ to cob' chib'j tzqui chic yet' eb', palta owln̈ej pax cajc yet' eb'.
18Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.
19A 'a eb' 'isaj, 'icha to 'ay 'ejm q'uix 'a yol sb'e eb'; ax eb' wach' snab'en, caw tojl sb'e eb', may tas 'ay 'ejm 'a yol sb'e eb' cha.
20A eb' 'unnab'il wach' snab'en, caw tzyac' eb' tzaljb'oc sc'ojl smam snun; ax eb' may snab'en, tzpatquilj can 'el eb' smam snun cha.
21Toto may qui nab'enec, caw tzca'c tzaljb'oc qui c'ojlec yet' qui man̈ nab'enal cha; ax toto 'ay qui nab'enec, caw tzqui ya'iljec qui'n b'ey qui b'a.
22Toto matz cham wal qui c'anb'nec 'ec' junc tas, a tas tzqui na'a, caw tzjuw 'eli; ax toto tzqui chajec cab' wach' nab'enal, caw wach' tzon̈ 'ajc 'el'chi.
23Caw wach' tzcab'ec toto wach' tzcutjec qui pacn junc paxti', man̈x jantcoc swach'il, toto tzchaj sb'a qui paxtinec.
24A jun b'e yic q'uinal, 'ixtc tzq'ue'i, yuj cha, a eb' jelan, matz 'ejm eb' 'a jun b'e yic chamel.
25A Jehová a tz'a'n lajwc 'ejm tas 'ay 'a eb' tzyij chan̈ sb'a; palta tzcol tas 'ay 'a eb' 'ix 'ix chamnc yichmil.
26Matz chaj sc'ojl Jehová tas nab'il yuj eb' maysch'olnil sb'eyb'al, ax jun tzo'n̈ wach' paxti', caw tzchaj sc'ojol.
27A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.
28A mach tojl snab'en, tzna wal si'mb'il tas tzyutj ta'wc sb'a; ax junc tu snab'en, caw matz na sb'a yaln jun tzo'n̈ tu paxti'.
29Caw najt yajl Jehová 'a stz'ey junc maysch'olnil sb'eyb'al, palta toto tojl snab'en, caw chab'il slesl yu'uj.
30A mach tzewji, tzon̈ tzaljec chan̈ yu'uj; a junc wach' 'ab'ix, caw tz'och quipc yuj tzcab'i.
31A mach tzchaj tennb'il to yic q'uinl yaji, 'ay yaln yic sc'och 'a scal eb' jeln snab'en.
32Toto 'ay mach matz chaj 'ajxoc cuenta sb'a, mun tzpatquilj can 'el sb'a; ax toto tzchaj 'ajxoc cuenta sb'a, caw 'oj yic' sjelnal.
33A mach 'ay yel'ch Jehová 'a sat, caw tzq'uib' sjelnal; toto tznib'j to niwn yel'chi, yowlal 'emmquilal tzyutj sb'a b'ab'el.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.