Neh 4
4
A sb'uchwal paxti eb' 'ajc'ojol
1A yic xyab'n win Sanbalat to wan qui b'on muro, caw 'ix chacb' sat scot yowal, syamn 'och sb'uchwj 'ayn̈ an̈ 'aj Judá on̈ tic. 2Syamn 'och yaln b'uchwal paxti 'ayn̈ 'a sat eb' yitb'eym ajun yet'oc, yet' 'a sat eb' soldado 'aj Samaria, xyaln 'ixtic: ¿Tas wan sb'on jun tzo'n̈ israel 'a'm wejl tic? ¿Tom 'oj ya'x eb' xajmb'al jun 'ejm xo snani? ¿Tom junn̈j c'u 'oj sb'o eb' jun munljel tic snani? ¿Tzcob' sna am eb' to a 'a scal jun tzo'n̈ tz'anc q'uen tic, ata 'oj yic' 'elt eb' jun tzo'n̈ 'a't q'uen yalni? xchi eb'.
3'Ayc' pax Tobías win amonita 'a stz'ey, xyaln 'ixtic: A jun tzo'n̈ q'uen tzya'ch eb' muroal tic, q'uinloc tzq'ue lin̈n junc no wax 'a yib'an̈, yajn̈ej tz'el lan̈njoc ste'n 'el no', xchi.
Slesl Nehemías
4Xlajw cha, in leslwi 'ixtic: Ach qui Diosal on̈ 'ab' wal sb'uchwj eb' 'ayn̈ on̈. Meltzj cab' can 'at sb'uchwal paxti eb' chi 'a yib'an̈, ax eb' 'ajc'ojol, a cab' eb' tz'i'n can smasnil tastc 'ay 'a sat slum eb', 'ijxcab' can 'at eb' 'icha presoal 'a junc xo nacion̈. 5Man̈ ac' niwnc'ojlal 'a yib'n̈ smul eb', man̈ cab' 'at satc'ojlal o'oj tastc 'ix 'el sb'on eb', yujto caw 'ix cot yowl sc'ojl eb' 'ayn̈ an̈ tzqui b'o jun muro tic on̈, xin chi.
X'ec' eb' 'ajc'ojl 'a yib'an̈
6Caw xqui c'ol quip qui munlji. Yajn̈ej xpaclj jun muro chi cuj muc'uc, yujto caw wal 'ay stzaljc'ojlal eb' chon̈b' smunlji. 7Palta ax yic xyab'n Sanbalat yet' Tobías cha, yet' pax eb' árabe, eb' amonita, yet' eb' 'aj Asdod, to yelc'ojlal tzon̈ munlj qui b'on smuroal Jerusalén, tox xlaj macchj 'aj niwc yaj sjacwi, yuj cha, caw 'ix cot yowl eb'. 8Smol alj eb' smasnil to tzyac' eb' owl quet' on̈, tzma'n 'ejm lan̈chjoc eb' Jerusalén jun 'ejm xo yalni. 9Xlajw cha, on̈ leslwi 'a qui Diosal yuj eb' 'ajc'ojl cha. 'Ix ca'n 'och qui tan̈mal 'a junjn c'u on̈, 'a junjn 'ac'wal yic tzqui coln qui b'a 'a eb' on̈. 10Ax eb' 'anma 'aj Judá, xyaln eb' 'ixtic: Tox 'ix 'el yip eb' cuchm q'ue'en, caw wal niwn tas juwnac 'a jun 'ichm muro tic, ma'oj qui tza'wni qui b'on paxi, xchi eb'.
11Am wal snan eb' 'ajc'ojl yajch 'ayn̈ chi 'on̈, to ma'oj nachj 'el cu'uj, yic matz quil yoch eb' 'a qui cal yic tzon̈ smiln cham eb', ax yoch wan jun munljel tic yaln eb'. 12Palta ax x'aji, a eb' quit chon̈b'ec cajn 'a stz'ey eb', 'ix wul yal eb' jay 'ejmoc 'ayn̈ on̈, to a jun tzo'n̈ 'anma cha, to 'oj yac' eb' owl quet' on̈, yaln̈j 'aj tzon̈ munlji. 13Xlajw cha, xwalni, to a junjn macn̈ eb' yican sb'a, tzmacwj eb' 'a spatc 'el muro 'a 'aj ch'olan yet' a 'aj jacan, tzyi'n eb' yespada, lanza yet' jul-lab'. 14A yic xwilni to tzxiw eb', xin te'wtzan in b'a waln 'ixtc 'a eb' yichm wincal chon̈ab', 'a eb' yajl yaj 'a yib'n̈ eb' chon̈b' cha, yet' 'a smasnil eb' 'anma': Man̈ ex xiwoc. Nac cot qui Diosalec to caw niwn yel'chi, smoj a 'a tzon̈ xiwec. Yuj cha, qui colc qui chon̈ab', eb' cunnalec, eb' 'ix quislec, eb' 'ix quistlec yet' catutec, xin chi 'a eb'.
15Ax yic 'ix yab'n eb' 'ajc'ojl yajch 'ayn̈ chi 'on̈, chajtlto lista caj qui macn sjaw eb', 'ix nachj 'el yuj eb' to a Dios 'ix jun 'el smasnil tas 'ix smol alj eb' cha, 'ixtnta x'aj cochx 'a qui munljel junjn on̈. 16Atxo 'a yic jun c'ul cha, spacln̈ej eb' in munlwjum tzmunlji, ax spacl xo eb' lista yaj eb' yet' syamc'ab' yic owal, atn lanza, jul-lab', smacl sat jul-lab', yet' q'uen pichl tzya'ch eb' soldado 'a sn̈i sc'ojol. Ax eb' yajl yaj 'a scal eb' wit chon̈ab', 'ayc' eb' ya'n ste'nal eb' tzmunlj cha. 17A eb' cuchm 'icatz, x'ochx eb' cuchj 'icatz, palta ax 'a junx sc'ab' eb', ata yet' eb' syamc'ab' yic owal. 18A smasnil eb' tzmunlj 'a muro cha, t'un̈n 'och yespada junjn eb' 'a snan̈al. A 'a in tz'ey ata 'ayc' pax win tz'utz'n no cacha. 19'Ix waln 'ixtc 'a eb' niwc winac, 'a eb' yajl yaji, yet' 'a eb' chon̈ab': A jun munljel tic yel xo niwquil, may slajb' yalxi, palta an̈ec xo tic, on̈ pojxec 'ec' 'a jun muro tic, chucchc 'aj 'ayn̈ec can 'at junjn on̈ec. 20Yuj cha, a yic 'oj eyab'n yoc' no cacha 'a 'aj 'ayx 'ec' cha, tzex jaw 'a qui tz'ey on̈, ax qui Diosalec a 'oj colwjoc quet'ec 'a owal, xin chi 'a eb'.
21Yuj cha, a spacloc on̈ tzon̈ munlji, tzon̈ 'och 'a munljel yic tzsacb'i masnto tzq'uic'b'i, ax spacl xo eb' yamb'il slanza eb' yu'uj. 22An̈jtona', xwaln pax 'a eb' chon̈b' cha, junjn mach tzcan wayc yet' schecb' 'a yol chon̈b' Jerusalén tic, yic tztan̈wni eb' chon̈b' quet' 'a 'ac'wal, ax 'a c'ual tzon̈ munlji. 23An̈jtona pax an tic yet' eb' 'ayt wuj in b'a yet'oc, eb' in checab', eb' tzin tan̈wni, toxn matz quij 'el qui pichl 'a 'ac'wal, junjn on̈ yamb'il qui lanza cu'uj.
Currently Selected:
Neh 4: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Neh 4
4
A sb'uchwal paxti eb' 'ajc'ojol
1A yic xyab'n win Sanbalat to wan qui b'on muro, caw 'ix chacb' sat scot yowal, syamn 'och sb'uchwj 'ayn̈ an̈ 'aj Judá on̈ tic. 2Syamn 'och yaln b'uchwal paxti 'ayn̈ 'a sat eb' yitb'eym ajun yet'oc, yet' 'a sat eb' soldado 'aj Samaria, xyaln 'ixtic: ¿Tas wan sb'on jun tzo'n̈ israel 'a'm wejl tic? ¿Tom 'oj ya'x eb' xajmb'al jun 'ejm xo snani? ¿Tom junn̈j c'u 'oj sb'o eb' jun munljel tic snani? ¿Tzcob' sna am eb' to a 'a scal jun tzo'n̈ tz'anc q'uen tic, ata 'oj yic' 'elt eb' jun tzo'n̈ 'a't q'uen yalni? xchi eb'.
3'Ayc' pax Tobías win amonita 'a stz'ey, xyaln 'ixtic: A jun tzo'n̈ q'uen tzya'ch eb' muroal tic, q'uinloc tzq'ue lin̈n junc no wax 'a yib'an̈, yajn̈ej tz'el lan̈njoc ste'n 'el no', xchi.
Slesl Nehemías
4Xlajw cha, in leslwi 'ixtic: Ach qui Diosal on̈ 'ab' wal sb'uchwj eb' 'ayn̈ on̈. Meltzj cab' can 'at sb'uchwal paxti eb' chi 'a yib'an̈, ax eb' 'ajc'ojol, a cab' eb' tz'i'n can smasnil tastc 'ay 'a sat slum eb', 'ijxcab' can 'at eb' 'icha presoal 'a junc xo nacion̈. 5Man̈ ac' niwnc'ojlal 'a yib'n̈ smul eb', man̈ cab' 'at satc'ojlal o'oj tastc 'ix 'el sb'on eb', yujto caw 'ix cot yowl sc'ojl eb' 'ayn̈ an̈ tzqui b'o jun muro tic on̈, xin chi.
X'ec' eb' 'ajc'ojl 'a yib'an̈
6Caw xqui c'ol quip qui munlji. Yajn̈ej xpaclj jun muro chi cuj muc'uc, yujto caw wal 'ay stzaljc'ojlal eb' chon̈b' smunlji. 7Palta ax yic xyab'n Sanbalat yet' Tobías cha, yet' pax eb' árabe, eb' amonita, yet' eb' 'aj Asdod, to yelc'ojlal tzon̈ munlj qui b'on smuroal Jerusalén, tox xlaj macchj 'aj niwc yaj sjacwi, yuj cha, caw 'ix cot yowl eb'. 8Smol alj eb' smasnil to tzyac' eb' owl quet' on̈, tzma'n 'ejm lan̈chjoc eb' Jerusalén jun 'ejm xo yalni. 9Xlajw cha, on̈ leslwi 'a qui Diosal yuj eb' 'ajc'ojl cha. 'Ix ca'n 'och qui tan̈mal 'a junjn c'u on̈, 'a junjn 'ac'wal yic tzqui coln qui b'a 'a eb' on̈. 10Ax eb' 'anma 'aj Judá, xyaln eb' 'ixtic: Tox 'ix 'el yip eb' cuchm q'ue'en, caw wal niwn tas juwnac 'a jun 'ichm muro tic, ma'oj qui tza'wni qui b'on paxi, xchi eb'.
11Am wal snan eb' 'ajc'ojl yajch 'ayn̈ chi 'on̈, to ma'oj nachj 'el cu'uj, yic matz quil yoch eb' 'a qui cal yic tzon̈ smiln cham eb', ax yoch wan jun munljel tic yaln eb'. 12Palta ax x'aji, a eb' quit chon̈b'ec cajn 'a stz'ey eb', 'ix wul yal eb' jay 'ejmoc 'ayn̈ on̈, to a jun tzo'n̈ 'anma cha, to 'oj yac' eb' owl quet' on̈, yaln̈j 'aj tzon̈ munlji. 13Xlajw cha, xwalni, to a junjn macn̈ eb' yican sb'a, tzmacwj eb' 'a spatc 'el muro 'a 'aj ch'olan yet' a 'aj jacan, tzyi'n eb' yespada, lanza yet' jul-lab'. 14A yic xwilni to tzxiw eb', xin te'wtzan in b'a waln 'ixtc 'a eb' yichm wincal chon̈ab', 'a eb' yajl yaj 'a yib'n̈ eb' chon̈b' cha, yet' 'a smasnil eb' 'anma': Man̈ ex xiwoc. Nac cot qui Diosalec to caw niwn yel'chi, smoj a 'a tzon̈ xiwec. Yuj cha, qui colc qui chon̈ab', eb' cunnalec, eb' 'ix quislec, eb' 'ix quistlec yet' catutec, xin chi 'a eb'.
15Ax yic 'ix yab'n eb' 'ajc'ojl yajch 'ayn̈ chi 'on̈, chajtlto lista caj qui macn sjaw eb', 'ix nachj 'el yuj eb' to a Dios 'ix jun 'el smasnil tas 'ix smol alj eb' cha, 'ixtnta x'aj cochx 'a qui munljel junjn on̈. 16Atxo 'a yic jun c'ul cha, spacln̈ej eb' in munlwjum tzmunlji, ax spacl xo eb' lista yaj eb' yet' syamc'ab' yic owal, atn lanza, jul-lab', smacl sat jul-lab', yet' q'uen pichl tzya'ch eb' soldado 'a sn̈i sc'ojol. Ax eb' yajl yaj 'a scal eb' wit chon̈ab', 'ayc' eb' ya'n ste'nal eb' tzmunlj cha. 17A eb' cuchm 'icatz, x'ochx eb' cuchj 'icatz, palta ax 'a junx sc'ab' eb', ata yet' eb' syamc'ab' yic owal. 18A smasnil eb' tzmunlj 'a muro cha, t'un̈n 'och yespada junjn eb' 'a snan̈al. A 'a in tz'ey ata 'ayc' pax win tz'utz'n no cacha. 19'Ix waln 'ixtc 'a eb' niwc winac, 'a eb' yajl yaji, yet' 'a eb' chon̈ab': A jun munljel tic yel xo niwquil, may slajb' yalxi, palta an̈ec xo tic, on̈ pojxec 'ec' 'a jun muro tic, chucchc 'aj 'ayn̈ec can 'at junjn on̈ec. 20Yuj cha, a yic 'oj eyab'n yoc' no cacha 'a 'aj 'ayx 'ec' cha, tzex jaw 'a qui tz'ey on̈, ax qui Diosalec a 'oj colwjoc quet'ec 'a owal, xin chi 'a eb'.
21Yuj cha, a spacloc on̈ tzon̈ munlji, tzon̈ 'och 'a munljel yic tzsacb'i masnto tzq'uic'b'i, ax spacl xo eb' yamb'il slanza eb' yu'uj. 22An̈jtona', xwaln pax 'a eb' chon̈b' cha, junjn mach tzcan wayc yet' schecb' 'a yol chon̈b' Jerusalén tic, yic tztan̈wni eb' chon̈b' quet' 'a 'ac'wal, ax 'a c'ual tzon̈ munlji. 23An̈jtona pax an tic yet' eb' 'ayt wuj in b'a yet'oc, eb' in checab', eb' tzin tan̈wni, toxn matz quij 'el qui pichl 'a 'ac'wal, junjn on̈ yamb'il qui lanza cu'uj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.