Mr 4
4
A yab'xil win tzicm 'in̈at
(Mt 13.1-9; Lc 8.4-8)
1'Ix syamn 'och Jesús scuywj 'a eb' 'anma 'a sti a mar jun 'ejm xo. Til wal 'anma 'ix syam sb'a ta'. Yuj cha, 'ix 'och 'a yol jun barco 'ayc' 'a sti a', 'ix 'em wocan. Ax eb' 'anma cha, xcan eb' smasnil 'a sti a cha. 2Til wal tastc xyac' scuy eb'.
'Ix yaln jun tzo'n̈ 'ab'x 'a eb' 'ixtic: 3'Ab'ec, 'Ay jun winc 'ix 'at tzicj 'in̈at. 4Yic wan stzicx jun tzo'n̈ 'in̈t cha, 'ix tz'itj can 'at jun tzo'n̈ 'a yol b'e, ax no ch'ic x'ec' si'noc. 5'Ay jun tzo'n̈ xo xc'ochcn 'a yib'n̈ samq'ue'en 'a 'aj jab' wal slumal, yajn̈ej 'ix paq'ui, yujto jab' wal slumal. 6Palta ax yic 'ix q'uel c'u, yajn̈ej 'ix tacj cha'an̈, yujto may wal sch'an̈l yib'. 7'Ay jun tzo'n̈ xo xc'ochcn 'a scal c'ultac, ax te c'ultc cha, xwach' q'uib' te', ton̈j 'ix satl jun tzo'n̈ 'in̈t chi 'a scal te'. Yuj cha, toxn ma'ix yac' xon jac sjolom. 8Palta 'ay jun tzo'n̈ xo x'emcn 'a 'aj caw 'ay syaxil lu'um. A jun tzo'n̈ cha, 'ix paq'ui, 'ix q'uib'i, 'ix ya'n sjolom. 'Ay xyac' sat 'a treinta, 'ay xyac' 'a sesenta, 'ay pax xyac' 'a jun ciente.
9A jun tzo'n̈ tzeyab' tic, nac wal yuj si'mb'il, xchi 'a eb'.
A yopiso jun tzo'n̈ 'ab'x ya snachji
(Mt 13.10-17; Lc 8.9-10)
10A yic man̈x 'ayc 'ec' eb' 'anma chi yet' Jesús, ax eb' scuywum slajchwan̈il yet' eb' 'ayc' 'a stz'ey, 'ix sc'anb'n eb' 'ixtc 'a 'a:
—¿Tas wal tzyal 'el'ch jun 'ab'x 'ix al tic? xchi eb'. 11Yuj cha, 'ix yaln 'a eb' 'ixtic:
An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj chajtl tzex 'aj eyoch 'a yol sc'ab'.*f6* Palta ax eb' 'anma', cojxn jun tzo'n̈ 'ab'x ya snachji, a tzwal 'a eb', 12sec matz nachj 'el yuj eb'. Wach'xam tzyil eb' junc tas, ton̈j tzcann̈j eb' 'ixta', 'icha to may tas tzyil eb'; an̈jtona', wach'xam tzyab' eb', palta matz nachj xon 'el jac yuj eb'. Yuj cha, matz jel xon eb' jac snab'en, matz 'ajx lajwc can pax smul eb', xchi.
A tas tzyal 'el'ch*r* yab'xil win tzicm 'in̈at
(Mt 13.18-23; Lc 8.11-15)
13Xyaln pax 'ixtic:
Toto man̈ eyojcoc tas tzyal 'el'ch jun 'ab'x xwal tic, ¿tas wal 'oj eyutc eyojcan 'el jun tzo'n̈ xo 'ab'x smasnil? 14A win tzicm 'in̈t cha, tzyal 'el'chi, atn junc mach tzaln 'el spaxti Dios. 15A jun tzo'n̈ 'in̈t 'ix tz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, palta ax yic tzlajw yab'n eb', tzc'och win diablo, tzyi'n 'el win spaxti Dios 'a snab'en eb'. 16Ax jun tzo'n̈ 'in̈t xc'ochcn 'a yib'n̈ q'ue'en, tzyal 'el'chi, 'ay jun tzo'n̈ xo 'anma tz'ab'n spaxti Dios, caw tzaljc'ojlal tzcob' scha eb', 17palta may ste'nal eb', 'icha junc te may sch'an̈l yib'. Caw matz b'ey tiempo yuj eb', yujto a yic tzjaw junc yailal, mto tz'ajx 'och 'a yib'n̈ eb' yuj spaxti Dios, yajn̈ej tzjuw 'el snab'en eb'. 18Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios, 19palta cojxn jun tzo'n̈ yic yolyib'n̈q'uinl tic tzna eb'. Tzjuw 'el snab'en eb' yuj snib'n 'och sricoal. Til wal jun tzo'n̈ tas tzcomn nib'j 'och eb'. An̈j 'a jun tzo'n̈ chi tzya'ch eb' snab'en; yuj cha, caw tzjuw 'el spaxti Dios 'a eb', lajn tz'aj eb' 'icha jun tzo'n̈ 'in̈t may xon jac sjolm tzyac'a. 20Palta ax jun tzo'n̈ xo 'in̈t 'ix 'emcn 'a 'aj 'ay syaxil lu'um, tzyal 'el'chi, 'ay jun tzo'n̈ xo eb' tz'ab'n spaxti Dios, tzya'ch wal eb' 'a sc'ojol. A eb' cha, lajn eb' 'icha jun tzo'n̈ 'in̈t tzyac' sat 'a treinta, 'a sesenta, yet' 'a jun ciente, xchi Jesús.
A tas c'ultac yaji, 'oj checljoc 'eli
(Lc 8.16-18)
21'Ix yaln pax Jesús 'ixtic: A yic tzca'nec 'och qui cantil, matz ca'c 'och 'a yaln̈ junc cajon, matz ca'c pax 'och 'a yaln̈ junc ch'at. A 'a yib'n̈ junc tas cha'an̈, ata tzca'c q'ue'i, sec wach' sacq'uinl tz'aj 'ejm yoc 'a yol n̈a cha. 22'Ixta pax jantcn̈ej tas c'ub'b'il 'eli, 'oj 'ilchjoc, yet' jantcn̈ej tas c'ultac yaji, c'uxn 'oj checljoc 'eli. 23A jun tzo'n̈ tzeyab' tic, nac wal yuj si'mb'il, xchi.
24Xyaln pax 'ixtc 'a 'eb': Caw tzeya'ch e chicn 'a tas tzeyab'i, yujto 'icha tzeyutj eya'n 'och e chiquin, 'ixta 'oj yutc Dios ya'n nachjc 'el eyu'uj. 'Oj swach' 'a'c nachjc 'el nan̈locx eyu'uj. 25Yujto a eb' tznib'j tznachj 'el yu'uj, 'oj wach' 'ajxoc nachjc 'el nan̈locx yuj eb'. Ax eb' matz nib'j tznachj 'el yu'uj, a jab' tas 'ijn tznachj 'el yuj eb', 'oj wach' 'ijxc 'ec' 'a eb', xchi Jesús.
A yab'xil jun tzo'n̈ 'in̈t tzpaq'ui
26'Ix yaln pax Jesús 'ixtc 'a eb':
—'Oj wal 'ayex chajtl tz'aj eb' 'anma yoch 'a yol sc'ab' Dios. Q'uinloc 'ay junc winc tzicw 'in̈t 'a junc lu'um. 27Tzlajw cha, tzway win 'a junjn 'ac'wal, tzq'uex wan win 'a junjn c'u. Ax jun tzo'n̈ 'in̈t cha, tzpaq'ui, tzq'uib'i, palta man̈ yojcoc winac tas wal tz'aj sq'uib'i. 28Yujto yujn̈ej syaxil lu'um tzq'uib'i. Tzb'ab'l q'uel xi'il, tzlajw cha, tzq'uel sjolom, tz'och sat. 29Ax yic tzc'anb'i, tzpolx 'eli, yujto tzc'och stiempoal yeli.
A yab'xil sat te rechivo
(Mt 13.31-32; Lc 13.18-19)
30¿Chajtl am tz'aj sq'uib' sb'isl eb' 'anma tz'och 'a yol sc'ab' Dios tze na'a? 'Oj wal jun 'ab'x tic eyab' nab'an, chajtl tz'aj sq'uib' sb'isl eb'. 31A eb' cha, lajn eb' 'icha junc 'in̈t rechivo tz'awx 'a junc lu'um. A jun 'in̈t cha, yel xo wal yune 'a yib'n̈ smasnil jun tzo'n̈ xo 'in̈t 'a yolyib'n̈q'uinl tic, 32palta yic tox x'awxi, tzq'uib'i, yel xo wal niwquil tz'aj 'a yib'n̈ smasnil jun tzo'n̈ xo te tz'awx 'a junjn ab'il. Caw niwc tz'aj sc'ab', tztac' tz'och wan no ch'ic 'a yen̈ul, xchi Jesús 'a eb'.
'Ab'xn̈ej yaljnac Jesús 'a eb' 'anma'
(Mt 13.34-35)
33Til wal jun tzo'n̈ 'ab'x 'icha jun tic 'ix yal Jesús 'a eb' 'anma', yic 'ix yaln 'el spaxti', cojn jun tzo'n̈ tas tznachj 'el yuj eb', a xyal-li. 34Cojxn jun tzo'n̈ 'ab'x chi 'ix sc'anlb'ej, yic xyaln 'el 'a eb' 'anma'. Ax 'a eb' scuywum, c'uxn 'ix yac' nachjc 'el jun tzo'n̈ chi yuj eb'.
Sictac 'ajnc 'ic' yet' a mar
(Mt 8.23-27; Lc 8.22-25)
35Ax yic wan sq'uic'b' 'ejm 'a jun c'u cha, 'ix yaln Jesús 'a eb' scuywum 'ixtic:
—Coyc 'a junx sc'axpil 'ec' a', xchi. 36Yuj cha, 'ix yactn can eb' jun tzo'n̈ eb' 'anma 'ayc' 'a sti a cha. 'ix 'och eb' 'a yol te barco 'aj 'aych xon Jesús, 'ix 'at eb'. 'Ix 'at pax jun tzo'n̈ xo barco yet' eb'. 37Palta 'ix jaw jun 'ic' caw ow 'a yib'n̈ a', caw x'och chel-loc a 'a yojl te yuj 'ic' cha. 'Ijn wal tz'at te 'a yich a'. 38Ax Jesús, waync 'a syop 'el'ch te barco cha, 'aych jun sc'an̈ jolom. Yuj cha, 'ix spitzn 'el eb' swayan̈.
—Mamin, ¿matz a na am jab'oc? 'Ilto, to wan qui lajwec 'eli, xchi eb' 'a 'a. 39Yuj cha, 'ix q'ue wa'an, stenn 'och wan jun 'ic' cha, 'ix yaln pax 'a a mar 'ixtic:
—Sictac tzach 'aji, xchi.
'Ixta to b'i'an, 'ix 'och wan jun 'ic' cha, caw sictac x'aj smasnil. 40Xlajw cha, xyaln 'ixtc 'a eb' scuywum cha:
—¿Tas yuj tzex caw xiwi? ¿Tas yuj matz eya'ch wal e c'ojl 'a Dios? xchi 'a eb'.
41Ax eb' ton̈j 'ix caw sat sc'ojl eb' yuj si'mb'il, 'ix laj yal-lanc eb' 'ixtic:
—¿Tas wal sb'o jun tic? 'In tzyiclj 'ic' yet' a mar tas tzyala, xchi eb'.
Currently Selected:
Mr 4: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Mr 4
4
A yab'xil win tzicm 'in̈at
(Mt 13.1-9; Lc 8.4-8)
1'Ix syamn 'och Jesús scuywj 'a eb' 'anma 'a sti a mar jun 'ejm xo. Til wal 'anma 'ix syam sb'a ta'. Yuj cha, 'ix 'och 'a yol jun barco 'ayc' 'a sti a', 'ix 'em wocan. Ax eb' 'anma cha, xcan eb' smasnil 'a sti a cha. 2Til wal tastc xyac' scuy eb'.
'Ix yaln jun tzo'n̈ 'ab'x 'a eb' 'ixtic: 3'Ab'ec, 'Ay jun winc 'ix 'at tzicj 'in̈at. 4Yic wan stzicx jun tzo'n̈ 'in̈t cha, 'ix tz'itj can 'at jun tzo'n̈ 'a yol b'e, ax no ch'ic x'ec' si'noc. 5'Ay jun tzo'n̈ xo xc'ochcn 'a yib'n̈ samq'ue'en 'a 'aj jab' wal slumal, yajn̈ej 'ix paq'ui, yujto jab' wal slumal. 6Palta ax yic 'ix q'uel c'u, yajn̈ej 'ix tacj cha'an̈, yujto may wal sch'an̈l yib'. 7'Ay jun tzo'n̈ xo xc'ochcn 'a scal c'ultac, ax te c'ultc cha, xwach' q'uib' te', ton̈j 'ix satl jun tzo'n̈ 'in̈t chi 'a scal te'. Yuj cha, toxn ma'ix yac' xon jac sjolom. 8Palta 'ay jun tzo'n̈ xo x'emcn 'a 'aj caw 'ay syaxil lu'um. A jun tzo'n̈ cha, 'ix paq'ui, 'ix q'uib'i, 'ix ya'n sjolom. 'Ay xyac' sat 'a treinta, 'ay xyac' 'a sesenta, 'ay pax xyac' 'a jun ciente.
9A jun tzo'n̈ tzeyab' tic, nac wal yuj si'mb'il, xchi 'a eb'.
A yopiso jun tzo'n̈ 'ab'x ya snachji
(Mt 13.10-17; Lc 8.9-10)
10A yic man̈x 'ayc 'ec' eb' 'anma chi yet' Jesús, ax eb' scuywum slajchwan̈il yet' eb' 'ayc' 'a stz'ey, 'ix sc'anb'n eb' 'ixtc 'a 'a:
—¿Tas wal tzyal 'el'ch jun 'ab'x 'ix al tic? xchi eb'. 11Yuj cha, 'ix yaln 'a eb' 'ixtic:
An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj chajtl tzex 'aj eyoch 'a yol sc'ab'.*f6* Palta ax eb' 'anma', cojxn jun tzo'n̈ 'ab'x ya snachji, a tzwal 'a eb', 12sec matz nachj 'el yuj eb'. Wach'xam tzyil eb' junc tas, ton̈j tzcann̈j eb' 'ixta', 'icha to may tas tzyil eb'; an̈jtona', wach'xam tzyab' eb', palta matz nachj xon 'el jac yuj eb'. Yuj cha, matz jel xon eb' jac snab'en, matz 'ajx lajwc can pax smul eb', xchi.
A tas tzyal 'el'ch*r* yab'xil win tzicm 'in̈at
(Mt 13.18-23; Lc 8.11-15)
13Xyaln pax 'ixtic:
Toto man̈ eyojcoc tas tzyal 'el'ch jun 'ab'x xwal tic, ¿tas wal 'oj eyutc eyojcan 'el jun tzo'n̈ xo 'ab'x smasnil? 14A win tzicm 'in̈t cha, tzyal 'el'chi, atn junc mach tzaln 'el spaxti Dios. 15A jun tzo'n̈ 'in̈t 'ix tz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, palta ax yic tzlajw yab'n eb', tzc'och win diablo, tzyi'n 'el win spaxti Dios 'a snab'en eb'. 16Ax jun tzo'n̈ 'in̈t xc'ochcn 'a yib'n̈ q'ue'en, tzyal 'el'chi, 'ay jun tzo'n̈ xo 'anma tz'ab'n spaxti Dios, caw tzaljc'ojlal tzcob' scha eb', 17palta may ste'nal eb', 'icha junc te may sch'an̈l yib'. Caw matz b'ey tiempo yuj eb', yujto a yic tzjaw junc yailal, mto tz'ajx 'och 'a yib'n̈ eb' yuj spaxti Dios, yajn̈ej tzjuw 'el snab'en eb'. 18Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios, 19palta cojxn jun tzo'n̈ yic yolyib'n̈q'uinl tic tzna eb'. Tzjuw 'el snab'en eb' yuj snib'n 'och sricoal. Til wal jun tzo'n̈ tas tzcomn nib'j 'och eb'. An̈j 'a jun tzo'n̈ chi tzya'ch eb' snab'en; yuj cha, caw tzjuw 'el spaxti Dios 'a eb', lajn tz'aj eb' 'icha jun tzo'n̈ 'in̈t may xon jac sjolm tzyac'a. 20Palta ax jun tzo'n̈ xo 'in̈t 'ix 'emcn 'a 'aj 'ay syaxil lu'um, tzyal 'el'chi, 'ay jun tzo'n̈ xo eb' tz'ab'n spaxti Dios, tzya'ch wal eb' 'a sc'ojol. A eb' cha, lajn eb' 'icha jun tzo'n̈ 'in̈t tzyac' sat 'a treinta, 'a sesenta, yet' 'a jun ciente, xchi Jesús.
A tas c'ultac yaji, 'oj checljoc 'eli
(Lc 8.16-18)
21'Ix yaln pax Jesús 'ixtic: A yic tzca'nec 'och qui cantil, matz ca'c 'och 'a yaln̈ junc cajon, matz ca'c pax 'och 'a yaln̈ junc ch'at. A 'a yib'n̈ junc tas cha'an̈, ata tzca'c q'ue'i, sec wach' sacq'uinl tz'aj 'ejm yoc 'a yol n̈a cha. 22'Ixta pax jantcn̈ej tas c'ub'b'il 'eli, 'oj 'ilchjoc, yet' jantcn̈ej tas c'ultac yaji, c'uxn 'oj checljoc 'eli. 23A jun tzo'n̈ tzeyab' tic, nac wal yuj si'mb'il, xchi.
24Xyaln pax 'ixtc 'a 'eb': Caw tzeya'ch e chicn 'a tas tzeyab'i, yujto 'icha tzeyutj eya'n 'och e chiquin, 'ixta 'oj yutc Dios ya'n nachjc 'el eyu'uj. 'Oj swach' 'a'c nachjc 'el nan̈locx eyu'uj. 25Yujto a eb' tznib'j tznachj 'el yu'uj, 'oj wach' 'ajxoc nachjc 'el nan̈locx yuj eb'. Ax eb' matz nib'j tznachj 'el yu'uj, a jab' tas 'ijn tznachj 'el yuj eb', 'oj wach' 'ijxc 'ec' 'a eb', xchi Jesús.
A yab'xil jun tzo'n̈ 'in̈t tzpaq'ui
26'Ix yaln pax Jesús 'ixtc 'a eb':
—'Oj wal 'ayex chajtl tz'aj eb' 'anma yoch 'a yol sc'ab' Dios. Q'uinloc 'ay junc winc tzicw 'in̈t 'a junc lu'um. 27Tzlajw cha, tzway win 'a junjn 'ac'wal, tzq'uex wan win 'a junjn c'u. Ax jun tzo'n̈ 'in̈t cha, tzpaq'ui, tzq'uib'i, palta man̈ yojcoc winac tas wal tz'aj sq'uib'i. 28Yujto yujn̈ej syaxil lu'um tzq'uib'i. Tzb'ab'l q'uel xi'il, tzlajw cha, tzq'uel sjolom, tz'och sat. 29Ax yic tzc'anb'i, tzpolx 'eli, yujto tzc'och stiempoal yeli.
A yab'xil sat te rechivo
(Mt 13.31-32; Lc 13.18-19)
30¿Chajtl am tz'aj sq'uib' sb'isl eb' 'anma tz'och 'a yol sc'ab' Dios tze na'a? 'Oj wal jun 'ab'x tic eyab' nab'an, chajtl tz'aj sq'uib' sb'isl eb'. 31A eb' cha, lajn eb' 'icha junc 'in̈t rechivo tz'awx 'a junc lu'um. A jun 'in̈t cha, yel xo wal yune 'a yib'n̈ smasnil jun tzo'n̈ xo 'in̈t 'a yolyib'n̈q'uinl tic, 32palta yic tox x'awxi, tzq'uib'i, yel xo wal niwquil tz'aj 'a yib'n̈ smasnil jun tzo'n̈ xo te tz'awx 'a junjn ab'il. Caw niwc tz'aj sc'ab', tztac' tz'och wan no ch'ic 'a yen̈ul, xchi Jesús 'a eb'.
'Ab'xn̈ej yaljnac Jesús 'a eb' 'anma'
(Mt 13.34-35)
33Til wal jun tzo'n̈ 'ab'x 'icha jun tic 'ix yal Jesús 'a eb' 'anma', yic 'ix yaln 'el spaxti', cojn jun tzo'n̈ tas tznachj 'el yuj eb', a xyal-li. 34Cojxn jun tzo'n̈ 'ab'x chi 'ix sc'anlb'ej, yic xyaln 'el 'a eb' 'anma'. Ax 'a eb' scuywum, c'uxn 'ix yac' nachjc 'el jun tzo'n̈ chi yuj eb'.
Sictac 'ajnc 'ic' yet' a mar
(Mt 8.23-27; Lc 8.22-25)
35Ax yic wan sq'uic'b' 'ejm 'a jun c'u cha, 'ix yaln Jesús 'a eb' scuywum 'ixtic:
—Coyc 'a junx sc'axpil 'ec' a', xchi. 36Yuj cha, 'ix yactn can eb' jun tzo'n̈ eb' 'anma 'ayc' 'a sti a cha. 'ix 'och eb' 'a yol te barco 'aj 'aych xon Jesús, 'ix 'at eb'. 'Ix 'at pax jun tzo'n̈ xo barco yet' eb'. 37Palta 'ix jaw jun 'ic' caw ow 'a yib'n̈ a', caw x'och chel-loc a 'a yojl te yuj 'ic' cha. 'Ijn wal tz'at te 'a yich a'. 38Ax Jesús, waync 'a syop 'el'ch te barco cha, 'aych jun sc'an̈ jolom. Yuj cha, 'ix spitzn 'el eb' swayan̈.
—Mamin, ¿matz a na am jab'oc? 'Ilto, to wan qui lajwec 'eli, xchi eb' 'a 'a. 39Yuj cha, 'ix q'ue wa'an, stenn 'och wan jun 'ic' cha, 'ix yaln pax 'a a mar 'ixtic:
—Sictac tzach 'aji, xchi.
'Ixta to b'i'an, 'ix 'och wan jun 'ic' cha, caw sictac x'aj smasnil. 40Xlajw cha, xyaln 'ixtc 'a eb' scuywum cha:
—¿Tas yuj tzex caw xiwi? ¿Tas yuj matz eya'ch wal e c'ojl 'a Dios? xchi 'a eb'.
41Ax eb' ton̈j 'ix caw sat sc'ojl eb' yuj si'mb'il, 'ix laj yal-lanc eb' 'ixtic:
—¿Tas wal sb'o jun tic? 'In tzyiclj 'ic' yet' a mar tas tzyala, xchi eb'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.