Lv 3
3
A jun tzo'n̈ xajmb'al yic junc'ojlal
1Xyaln pax Dios 'ixtc 'a Moisés: Toto 'ay mach tz'a'n junc no nun wacax, mto junc quelm wacx xajmb'al-l yic junc'ojlal#Lv 3.1 A jun xajmb'al yic junc'ojlal, jab' wal no tz'ajx tz'a'oc, ax jacx no', a win ya'mal 'och sti eb' 'anma 'a Dios, a win tzchin no yet' jun mach tz'a'n jun xajmb'al cha, yet' eb' cajn 'a yol yatut eb'. 'a wojltac an Jehová in, a no noc' cha, yowlal may spaltail no'. 2A mach tz'a'n jun xajmb'al cha, tzyij cot 'a yamq'uil Mantiado 'a 'aj tzin chaj in b'a eyet'oc. Tzyac' q'ue sc'ab' 'a sjolm no', tzlajw cha, tzmiln cham no'. Ax junc eb' yunnal Aarón, a tzicn 'och schic'l no 'a schan̈paq'uil jun yet'l xajmb'al cha.
3A mach tz'a'n jun xajmb'al cha, yowlal tzyij 'el jun tzo'n̈ tic 'a no' yic tzya'n tz'a 'a wojltac: Smasnil xepual no yol sc'ojol, 4no stut schab'il yet' smasnil xepual 'aych 'a spatquil, yet' pax c'axp seyb' no yet' xepual. 5Ax win ya'mal 'och sti eb' 'anma cha, a win tz'a'n tz'a smasnil 'a yib'n̈ yet'l xajmb'al, junn̈j tz'aj stz'a yet' no xajmb'al wan stz'a 'a yib'n̈ te c'atztz cha. A jun xajmb'al cha, caw wach' sjab' tzwab' an Jehová in.
6Toto 'ay mach tz'a'n junc no calnelu, mto junc no chiwo xajmb'al-l yic junc'ojlal 'ayin, tztac' ya'n junc no smam mto junc no snun, cojn to may spaltail no'. 7Toto a junc no calnelu tz'ajx xajmb'al-l 'a wojltac, 8a mach tz'a'n jun xajmb'al cha, tzyac' q'ue sc'ab' 'a sjolm no', tzlajw cha, tzmiln cham no 'a yamq'uil Mantiado cha. Ax junc eb' yunnal Aarón cha, a tzicn 'och schic'l no 'a schan̈paq'uil jun yet'l xajmb'al cha.
9A mach tz'a'n jun xajmb'al cha, yowlal tzyij 'el jun tzo'n̈ tic 'a no' yic tzya'n tz'a 'a wojltac: No sn̈e smasnil, xepual no yol sc'ojl smasnil, 10no stut schab'il yet' smasnil xepual 'aych 'a spatquil, yet' pax c'axp seyb' no yet' xepual. 11Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.
12Toto chiwo junc no tz'ajx xajmb'al-l 'a wojltac cha, 13a mach tz'a'n jun xajmb'al cha, tzyac' q'ue sc'ab' 'a sjolm no', tzlajw cha, tzmiln cham no 'a yamq'uil Mantiado. Ax junc eb' ya'mal 'och sti eb' 'anma cha, a tzicn 'och schic'l no 'a schan̈paq'uil jun yet'l cha.
14A mach tz'a'n no xajmb'al chi 'ayn an Jehová in, yowlal tzyij 'el jun tzo'n̈ tic 'a no' yic tzya'n tz'a 'a wojltac: Smasnil xepual no yol sc'ojol, 15no stut schab'il yet' smasnil xepual 'aych 'a spatquil, yet' pax c'axp seyb' no yet' xepual. 16Tzlajw cha, ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxxi to tz'ajx tz'a 'a wojltac an Jehová in. An tic, wicn̈ej yaj smasnil xepual no noc' tz'ajx xajmb'alil.
17Man̈ e chi xepual no noc' yet' schic'l no'. A jun tic ley tz'ajcn 'ayex yet' 'a eb' eyin̈til, yaln̈j 'ajtil 'ayx 'eq'ui, xchi Dios 'a Moisés.
Currently Selected:
Lv 3: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
