Jos 15
15
A lum yic eb' yin̈tl Judá
1A lum lum 'ix yique'ej eb' yin̈tl can Judá, xc'och lum 'a smon̈jonal yic Edom, ax 'a sur, 'ix c'och lum 'a lum cusltac lum yic Zin. 2A lum cha, tz'ec' smon̈jonal lum 'a stojlal sur yic a Mar Muerto, 3tz'atx 'a jun witz tzq'ue'ch 'a sur yic Acrabim, tz'e'x 'a cusltac lum yic Zin, yet' 'a sur yic Cades-barnea; tzlajw cha, tz'atx 'a Hezrón, tzq'ue'ch 'a Adar, axta tzmeltzj 'a Carca, 4tz'elx yich ta', masnto tzc'och 'a Asmón, tz'e'x 'a sti a b'eymal a yic Egipto, axta tzlajw c'och 'a a Mar Mediterráneo. Atn tic x'ochcn smon̈jonalc lum 'ay 'a stojlal sur. 5Ax 'a stojlal 'aj tzq'uel c'u, a a Mar Muerto 'aych smon̈jonaloc, masnto tzc'och 'a 'aj tzlajw c'och a Jordán 'a a Mar Muerto cha. Ata tz'atx can smon̈jonal 'a yic norte, 6tzq'ue'ch 'a Bet-hogla, tz'e'x 'a snorteal Bet-arabá, tz'atx lum ta', masnto tzc'och 'a q'uen tenm yic Bohán. (tzyal 'el'chi yunnal Rubén) 7Tzlajw cha, tzq'uex lum 'a ya'lical yic Acor, tzc'ochx 'a Debir, axta tzmeltzj 'a Gilgal, 'a yojltac lum witz 'a Adumín, 'a stojlal sur 'a sti' a b'eymal a'. Tz'e'x jun mon̈jon chi 'a 'aj tzpac' a a yic En-semes, masnto tzc'och 'a 'aj tzpac' a a yic En-rogel; 8tz'e'x 'a ya'lical lum yic win yunnal Hinom, 'a stojlal sur yic Jebús, tzyal 'el'chi, atn Jerusalén. Tzlajw cha, tzq'uex 'a sjolm lum witz 'ay 'a stojlal 'aj tz'em c'u 'a ya'lical lum yic Hinom, yet' 'a snorteal lum ya'lical yic Refaim. 9Axta tzmeltzj 'a lum jolm witz cha, masnto 'a 'aj tzpac' a a yic Neftoa. Tzlajw cha, tz'atxi masnto 'a jun niwquil chon̈b' 'ay 'a lum witz yic Efrón, tz'e'x 'a Baala, atn jun chi tzcuch pax Quiriat-jearim. 10Ata tzmeltzj smon̈jonal 'a Baala cha, 'a stojlal 'aj tz'em c'u, masnto tzc'och 'a lum witz yic Seir, tzpaxx 'a snorteal 'a yich lum switzl Jearim, atn Quesalón. Tzlajw cha, tz'emx lu'um, masnto tz'e'mch 'a Bet-semes, tz'e'x 'a Timna, 11masnto 'a stojlal norte yic Ecrón. Tz'atxi, masnto tzc'och 'a Sicrón, tz'e'x 'a lum witz yic Baala, tz'e'x 'a Jabneel, axta tzlajw c'och lum 'a a Mar Mediterráneo. 12A a Mar Mediterráneo cha, a 'aych smon̈jonalc lum 'a stojlal 'aj tz'em c'u. Atn jun tzo'n̈ tic x'och smon̈jonalc smacl lum eb' yin̈tl Judá, 'ix pojx 'ec' lum 'a scal junjn c'aj eb'.
'Ijxnac 'ec' chon̈b' Hebrón*r* yet' Debir yuj win Caleb
(Jue 1.10-15)
13Ax Josué, a 'ix 'a'n jun macn̈ lum smacl lum eb' yin̈tl Judá 'a win Caleb yunnal Jefone. 'Icha yaj yaln Jehová, x'ajx lum Quiriat-arba 'a 'a, atn lum tzcuch pax Hebrón, atn jun chi schon̈b' eb' yin̈tl win Anac yaji. 14A 'oxwn̈ eb' yin̈tl win Anac chi spechl Caleb chi 'a lum Hebrón cha, atn Sesai, Ahimán yet' win Talmai. 15Xlajw cha, x'at ya'nc pax owl yet' eb' cajn 'a lum Debir, atn lum Quiriat-sefer sb'i 'a yic pecti'. 16'Ix yaln win Caleb 'ixtic: A mach tz'a'n owl yet' jun chon̈b' tic, toto tzyac' ganar yi'n can 'eq'ui, 'oj wac' 'ix wisl Acsa yistloc jun cha, xchi.
17Ax mach x'a'n ganar yi'n 'ec' jun chon̈b' cha, atn win Otoniel, yunnal Cenaz, win yu'tac Caleb cha. Yuj cha, xya'n Caleb 'ix yisl chi yistloc win Otoniel cha. 18Ax yic wan spax Otoniel chi yet' 'ix 'a yatut, xyaln win 'a 'ix, to tzc'an 'ix slum 'a smam. Yuj cha, x'emt 'ix 'a yib'n̈ no b'uru 'aj 'ay q'ue'i. Ax win Caleb sc'anb'n win 'ixtc 'a 'ix.
—¿Tas tza nib'ej? xchi winac.
19'Ix ta'w 'ix 'ixtic:
—Tzin tew 'ayach, 'in tox 'ix ac' lum cusltac lum 'a Neguev 'ayin, ax ticnec, 'el cab' wal 'a a c'ojol, to tzac' pax junc in lum to 'ay yalil sat, 'ay cab' a tzpac' 'a 'a, xchi 'ix.
Yuj cha, xya'n win junx lum 'a 'ix, lum 'aj 'ay a a 'a sjolmtacq'ue'i, yet' 'a yoct 'emt lu'um.
A schon̈b' eb' yin̈tl Judá
20Atn lum smacl lum eb' yin̈tl Judá tic, 'ix pojx can 'ec' lum 'a eb', a tzyal jayc'aj eb' 'a yin̈tl cha. 21-32A eb' lum b'ab'l tic 'ay 29 chon̈b' chi 'a smasnil yet' yaldeail, atn lum tzcan 'a stojlal sur, 'a smon̈jonal yic Edom: Atn Cabseel, Edar, Jagur, Cina, Dimona, Adada, Cedes, Hazor, Itnán, Zif, Telem, Bealot, Hazor-hadata, Queriot, Hezrón (atn jun tic tzcuch pax Hazor), Amam, Sema, Molada, Hazar-gada, Hesmón, Bet-pelet, Hazar-sual, Beerseba, Biziotia, Baala, Iim, Esem, Eltolad, Quesil, Horma, Siclag, Madmana, Sansana, Lebaot, Silhim, Aín yet' Rimón.
33-36Lum schac'ajil, 'ay chan̈lajn̈e chon̈b' yet' yaldeail, lum tzcan 'a yich witz 'a stojlal norte: Atn Estaol, Zora, Asena, Zanoa, En-ganim, Tapúa, Enam, Jarmut, Adulam, Soco, Azeca, Saaraim, Aditaim, Gedera atn Gederotaim.
37-41Lum yoxc'ajil, 'ay waclajn̈e chon̈b' yet' yaldeail. Zenán, Hadasa, Migdal-gad, Dileán, Mizpa, Jocteel, Laquis, Boscat, Eglón, Cabón, Lahmam, Quitlís, Gederot, Bet-dagón, Naama, yet' Maceda.
42-44Lum schan̈c'ajil, 'ay b'aln̈e chon̈b' yet' yaldeail. Atn Libna, Eter, Asán, Jifta, Asena, Nezib, Keila, Aczib yet' Maresa.
45-47Lum yoc'ajil atn eb' lum chon̈b' 'ay 'a sti a Mar Mediterráneo yet' yaldeail: Atn chon̈b' Ecrón, yet' pax jun tzo'n̈ xo chon̈b' 'ayc' 'a tz'ey. Chon̈b' Asdod yet' jun tzon̈ xo chon̈b' 'ayc' 'a tz'ey. Chon̈b' Gaza yet' jun tzon̈ xo chon̈b' 'ay 'a sti' a Mar Mediterráneo masnto tzc'och 'a smon̈jonal Egipto.
48-51Lum swacc'ajil 'ay uxlche chon̈b' yet' yaldeail, atn eb' lum chon̈b' 'ay 'a jolmctac witz 'a stojlal sur: Atn Samir, Jatir, Soco, Dana, Quiriat-sana (atn pax tzcuch Debir), Anab, Estemoa, Anim, Gosén, Holón, yet' Gilo.
52-54Lum yucc'ajil 'ay b'aln̈e chon̈b' yet' yaldeail: Atn Arab, Duma, Esán, Janum, Bet-tapúah, Afeca, Humta, Quiriat-arba (atn pax tzcuch Hebrón) yet' Sior.
55-57Lum swajxc'ajil 'ay lajn̈e chon̈b' yet' yaldeail: Atn Maón, Carmel, Zif, Juta, Jezreel, Jocdeam, Zanoa, Caín, Gabaa yet' Timna.
58-59Lum sb'aln̈c'ajil 'ay waque chon̈b' yet' yaldeail: Atn Halhul, Bet-sur, Gedor, Maarat, Bet-anot yet' Eltecón.
60Lum slajn̈c'ajil 'ay chab' chon̈b' yet' yaldeail, eb' lum 'ay 'a jolmtac witz: Atn Quiriat-baal, (atn pax tzcuch Quiriat-jearim) yet' Rabá.
61-62Lum yuxlchc'ajil 'ay waque chon̈b' yet' yaldeail, ata 'ay eb' 'a cusltac lum 'a stz'ey a Mar Muerto: Atn Bet-arabá, Midín, Secaca, Nibsán, Schon̈b'al 'Atz'am, yet' En-gadi.
63Ax eb' yin̈tl Judá, ma'ix stac' spechx 'el eb' jebuseo cajn 'a Jerusalén yuj eb', yuj cha, an̈j 'ijnoc 'ayt eb' cajnn̈ej 'ec' 'a scal eb'.
Currently Selected:
Jos 15: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
