Job 8
8
1Xlajw cha, 'ix ta'w win Bildad 'aj Súah, 'ix yaln win 'ixtic:
2¿B'a'n̈to wal 'oj 'och wan aln jun tzo'n̈ a paxti tic? A tas wan aln tic, lajn wal 'icha jun 'ic'n̈ab' caw ow.
3A Dios tztac' yuj smasnil, may 'aj tzjelmtej tas tojol, may 'aj tzyij 'ec' smacl junc mach.
4A eb' onnal cha, tecn 'ay smul eb' x'och 'a Dios, yuj cha, xya'n jawc yailal 'a yib'n̈ eb'.
5Ach tic, comnoc wal tza'ch a b'a 'a yol sc'ab' Dios tztac' yuj smasnil, al a b'a 'a 'a, comnoc tz'o'ch sc'ojl 'ayach.
6Toto yel wach' a nab'en tzyila, tojl tzotj a b'a 'a sat, 'oj ach stan̈woc, ax ya'n pax smasnil tas ec xon yaj 'icha 'a yalan̈.
7Wach'xam 'ay tas 'aych xon 'a yic yalan̈, palta a tas 'oj 'ajxoc pax 'ayach, man̈x lajnoc yet'oc, yel xo wal niwn tas 'oj a cha'.
8C'anb'j 'ec' ab'i', tas 'e'nc eb' 'anma 'a pecti', tza cuyn jun tzo'n̈ sjelnal eb' 'anma 'e'nc 'a pecti cha.
9An̈ec tic, 'icha to 'ewt on̈ jawc 'a yolyib'n̈q'uinl tic, mant 'a jac tas cojquec; ax jab' qui q'uinlec 'a sat lum tic, lajn wal yec' 'icha wewen.
10Palta ax eb' 'anma 'e'nc 'a pecti cha, til wal tas wach' a cuyn can 'a spatc eb'.
11A te b'alal yet' te papiro, cojn 'aj 'ay a a', ata wach' sq'uib' eb' te'.
12Palta q'uinloc tztup chan̈ a a cha, ax te c'ultc cha, tztacj 'el te', wach'xam may mach tzu'n 'el te', c'un stacj 'el te 'a yib'n̈ jun tzo'n̈ xo te c'ultac.
13'Icha jun tzo'n̈ c'ultc cha, 'ixta tz'aj eb' 'anma maysch'olnil tas tzb'o'o, atn eb' tzyac' sat sc'ojl 'a Dios; ax tas cob' 'aych yipc sc'ojl eb', 'oj lajwoc 'ejmi.
14A tas cob' 'aych yipc sc'ojl eb' cha, lajn 'icha jun tzo'n̈ ch'alxim.
15Q'uinloc cob' 'ay mach tznib'j can yamn 'a junc ch'alxim cha, toc 'ay yip jun cha; q'uinloc tzon̈ can t'un̈n 'a 'a, ¿tom ma'oj t'ucchjoc?
16A eb' 'anma maysch'olnil snab'en, lajn eb' 'icha junc te snichte tzpo'chj yuj yoc c'u, chucx lum lum 'aj tzpa'x chan̈ te sat cha.
17'Ay te tzlaj 'at sch'an̈lyib' 'a slot'l q'ue'en, ax 'a yib'n̈ q'uen q'uen chi tzq'uib' cha'an̈.
18Palta q'uinloc 'ay mach tz'ec' to'nc chan̈ te', man̈x 'a mach 'oj nanc coti, toto 'e'nc te ta'.
19'Ixtnta tz'aj junc c'ultc chi sat 'ejmi, ax 'aj tzto'x q'uet cha, chucx te c'ultc chi tzpa'x chan̈ ta'.
20A Dios matz patquilj can 'el junc mach tojl snab'en, matz colwj pax 'a mach to tu tas tz'el sb'oni.
21Toto tza na a b'a, 'oj ach yac' tzewjoc pax jun 'ejm xo, ax ya'n a tzaljc'ojlal a paxtini.
22A eb' 'ajc'ojl yajch 'ayach, 'oj q'uixwc 'el eb', ax yatut eb' maysch'olnil snab'en cha, 'oj lajwoc 'ejmi, xchi Bildad 'a Job.
Currently Selected:
Job 8: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 8
8
1Xlajw cha, 'ix ta'w win Bildad 'aj Súah, 'ix yaln win 'ixtic:
2¿B'a'n̈to wal 'oj 'och wan aln jun tzo'n̈ a paxti tic? A tas wan aln tic, lajn wal 'icha jun 'ic'n̈ab' caw ow.
3A Dios tztac' yuj smasnil, may 'aj tzjelmtej tas tojol, may 'aj tzyij 'ec' smacl junc mach.
4A eb' onnal cha, tecn 'ay smul eb' x'och 'a Dios, yuj cha, xya'n jawc yailal 'a yib'n̈ eb'.
5Ach tic, comnoc wal tza'ch a b'a 'a yol sc'ab' Dios tztac' yuj smasnil, al a b'a 'a 'a, comnoc tz'o'ch sc'ojl 'ayach.
6Toto yel wach' a nab'en tzyila, tojl tzotj a b'a 'a sat, 'oj ach stan̈woc, ax ya'n pax smasnil tas ec xon yaj 'icha 'a yalan̈.
7Wach'xam 'ay tas 'aych xon 'a yic yalan̈, palta a tas 'oj 'ajxoc pax 'ayach, man̈x lajnoc yet'oc, yel xo wal niwn tas 'oj a cha'.
8C'anb'j 'ec' ab'i', tas 'e'nc eb' 'anma 'a pecti', tza cuyn jun tzo'n̈ sjelnal eb' 'anma 'e'nc 'a pecti cha.
9An̈ec tic, 'icha to 'ewt on̈ jawc 'a yolyib'n̈q'uinl tic, mant 'a jac tas cojquec; ax jab' qui q'uinlec 'a sat lum tic, lajn wal yec' 'icha wewen.
10Palta ax eb' 'anma 'e'nc 'a pecti cha, til wal tas wach' a cuyn can 'a spatc eb'.
11A te b'alal yet' te papiro, cojn 'aj 'ay a a', ata wach' sq'uib' eb' te'.
12Palta q'uinloc tztup chan̈ a a cha, ax te c'ultc cha, tztacj 'el te', wach'xam may mach tzu'n 'el te', c'un stacj 'el te 'a yib'n̈ jun tzo'n̈ xo te c'ultac.
13'Icha jun tzo'n̈ c'ultc cha, 'ixta tz'aj eb' 'anma maysch'olnil tas tzb'o'o, atn eb' tzyac' sat sc'ojl 'a Dios; ax tas cob' 'aych yipc sc'ojl eb', 'oj lajwoc 'ejmi.
14A tas cob' 'aych yipc sc'ojl eb' cha, lajn 'icha jun tzo'n̈ ch'alxim.
15Q'uinloc cob' 'ay mach tznib'j can yamn 'a junc ch'alxim cha, toc 'ay yip jun cha; q'uinloc tzon̈ can t'un̈n 'a 'a, ¿tom ma'oj t'ucchjoc?
16A eb' 'anma maysch'olnil snab'en, lajn eb' 'icha junc te snichte tzpo'chj yuj yoc c'u, chucx lum lum 'aj tzpa'x chan̈ te sat cha.
17'Ay te tzlaj 'at sch'an̈lyib' 'a slot'l q'ue'en, ax 'a yib'n̈ q'uen q'uen chi tzq'uib' cha'an̈.
18Palta q'uinloc 'ay mach tz'ec' to'nc chan̈ te', man̈x 'a mach 'oj nanc coti, toto 'e'nc te ta'.
19'Ixtnta tz'aj junc c'ultc chi sat 'ejmi, ax 'aj tzto'x q'uet cha, chucx te c'ultc chi tzpa'x chan̈ ta'.
20A Dios matz patquilj can 'el junc mach tojl snab'en, matz colwj pax 'a mach to tu tas tz'el sb'oni.
21Toto tza na a b'a, 'oj ach yac' tzewjoc pax jun 'ejm xo, ax ya'n a tzaljc'ojlal a paxtini.
22A eb' 'ajc'ojl yajch 'ayach, 'oj q'uixwc 'el eb', ax yatut eb' maysch'olnil snab'en cha, 'oj lajwoc 'ejmi, xchi Bildad 'a Job.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.