Job 5
5
1A ticnec ach Job, 'awjan̈, 'oj yal sb'a mach junc 'oj ta'wc 'ayach. 'Oj wila', mach junc eb' ángel 'oj a c'an scolwal.
2A junc 'anma may snab'en, a yowl sc'ojl chi 'oj milnoc, ax mach tznib'n 'och junc tas, 'oj c'un cham yuj schichnc'ojlal.
3'Ay 'aj wiljnac eb' tu snab'en, 'ix laj cob' niwtjoc tas 'ay 'a eb', palta yajn̈ej satx can 'ejm jun tzo'n̈ chi 'a eb' muc'uc.
4Ax yunnal eb', man̈x 'a mach tzcolwj 'a eb'; a yic tzc'och eb' 'a sat eb' yajal, caw wal man̈x 'a yel'ch tz'aj eb' ta', man̈x 'a mach tzcoln eb'.
5A sat smasnil tas cob' 'awb'il yuj eb', a yic tz'el-li, ax eb' 'anma tzcham yuj wejel, a eb' tzc'uxni, c'uxn tzlaj say 'elt eb' 'a scal q'ui'ix. Ax eb' caw may jac tas 'ay 'a 'a, a eb' tzlaj 'i'noc can 'at smasnil sricoal eb' tu snab'en cha.
6A yailal man̈ ton̈joc tzjaw 'a quib'an̈, man̈ munoc tzjaw 'ixta'.
7Mun wal tzquij cot yailal 'a quib'an̈, 'icha tz'aj stz'itj 'el snich te c'ac', 'ixta tz'aj sjaw 'ayon̈.
8Q'uinloc an 'ixta waj 'icha aj tic, yajn̈j am cha tzwaln in b'a 'a Dios.
9A Dios til wal tas satjub'tac tzb'o'o, man̈x b'ischjb'enoc tas tzb'o cha.
10A tz'a'n cot n̈ab' 'a yib'n̈ lum lum tic, sec 'ixta tz'aj yoch yalil smasnil tas 'ay 'a sat lu'um.
11A tz'i'n chan̈ eb' 'anma 'emmquilal yeq'ui, a pax tz'a'n sniwnal sc'ojl eb' 'aych 'a syailal.
12A tz'a'n juwc 'el tas tznib'j eb' jelan sec matz 'el'ch tas nab'il yuj eb'.
13A tztenn 'och wan eb' maysch'olnil snab'en cha, sec matz 'el'ch tas tznib'j eb'.
14Caw wal chimc'ual tzlaj telw 'ejm eb' 'icha to 'ac'wl xo 'ayc' eb'. Toxn̈ej tzlaj smachlc eb' tz'ec' eb'.
15A Dios, a tzcoln eb' 'oltac tz'aj yixtx yuj eb' maysch'olnil snab'en, a tzcoln 'el eb' 'a yol sc'ab' eb' 'ixtm 'anma'.
16A pax 'aych yipc sc'ojl eb' may wal ste'nal, tzmacn sti eb' maysch'olnil snab'en, sec man̈x 'a tas tztac' yaln eb'.
17Caw wach' yic junc mach tz'ajx cuenta yuj Dios. Man̈ a patquilc can 'el tas tzach yutj ach ya'n cuenta Dios to tztac' yuj smasnil.
18Toto a tz'a'n lajwc junc mach, a pax tz'an̈tni; toto a tz'a'n 'och syailal junc mach, a pax tz'a'n b'oxc sc'ojol.
19Til wal 'ejm 'oj a colx 'el yuj 'a tas 'ay smay, wach'xam junc yel xo caw tu', ma'oj scha jawc 'a eb'an̈.
20A yic 'oj laj cham 'anma yuj wejel, 'oj a colx 'el 'a yol sc'ab' chaml chi yu'uj; ax yic 'oj jawc owl 'a yib'n̈ eb' 'anma', 'oj a colx 'el yuj 'a scal owl cha.
21'Oj a colx 'el yuj 'a yol sc'ab' eb' alm peclal; ax yic 'oj jawc yailal 'a yib'n̈ smasnil 'anma', may yuj to 'oj a xiwi.
22A yic 'oj jawc wejel, owal mto yic 'oj jawc no chiwjum noc', ma'oj a xiw yuj jun tzo'n̈ cha.
23A 'a scal a munljel, may q'uen q'uen 'oj extni; ax e no calte'al noc', may 'oj yutc e no' a munljel cha, ma'oj ac' 'owl yet' e no'.
24Ax eln cot pax a b'a to 'ayx tzaljc'ojlal pax 'a atut; 'oj a b'isn pax smasnil no a cajb'en noc', ax elni to tz'acn e no'.
25Caw 'oj niwtjoc sb'isl en̈tl b'aq'uin̈, til wal 'oj 'aj eb' 'icha te c'ultc tzpac' 'a sat lu'um.
26Caw wal 'ichm achx winac, ax a chami, 'icha tzyac' 'ixm trigo caw wal c'an yic tzpolxi, 'ixta 'oj aji.
27Ach Job, a tas xwal tic, cojc si'mb'il to 'ixta yaji; yuj cha, tzcham wal a cuyn jun tzo'n̈ tic, yujto a wach'loc tz'aji, xchi win Elifaz cha.
Currently Selected:
Job 5: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 5
5
1A ticnec ach Job, 'awjan̈, 'oj yal sb'a mach junc 'oj ta'wc 'ayach. 'Oj wila', mach junc eb' ángel 'oj a c'an scolwal.
2A junc 'anma may snab'en, a yowl sc'ojl chi 'oj milnoc, ax mach tznib'n 'och junc tas, 'oj c'un cham yuj schichnc'ojlal.
3'Ay 'aj wiljnac eb' tu snab'en, 'ix laj cob' niwtjoc tas 'ay 'a eb', palta yajn̈ej satx can 'ejm jun tzo'n̈ chi 'a eb' muc'uc.
4Ax yunnal eb', man̈x 'a mach tzcolwj 'a eb'; a yic tzc'och eb' 'a sat eb' yajal, caw wal man̈x 'a yel'ch tz'aj eb' ta', man̈x 'a mach tzcoln eb'.
5A sat smasnil tas cob' 'awb'il yuj eb', a yic tz'el-li, ax eb' 'anma tzcham yuj wejel, a eb' tzc'uxni, c'uxn tzlaj say 'elt eb' 'a scal q'ui'ix. Ax eb' caw may jac tas 'ay 'a 'a, a eb' tzlaj 'i'noc can 'at smasnil sricoal eb' tu snab'en cha.
6A yailal man̈ ton̈joc tzjaw 'a quib'an̈, man̈ munoc tzjaw 'ixta'.
7Mun wal tzquij cot yailal 'a quib'an̈, 'icha tz'aj stz'itj 'el snich te c'ac', 'ixta tz'aj sjaw 'ayon̈.
8Q'uinloc an 'ixta waj 'icha aj tic, yajn̈j am cha tzwaln in b'a 'a Dios.
9A Dios til wal tas satjub'tac tzb'o'o, man̈x b'ischjb'enoc tas tzb'o cha.
10A tz'a'n cot n̈ab' 'a yib'n̈ lum lum tic, sec 'ixta tz'aj yoch yalil smasnil tas 'ay 'a sat lu'um.
11A tz'i'n chan̈ eb' 'anma 'emmquilal yeq'ui, a pax tz'a'n sniwnal sc'ojl eb' 'aych 'a syailal.
12A tz'a'n juwc 'el tas tznib'j eb' jelan sec matz 'el'ch tas nab'il yuj eb'.
13A tztenn 'och wan eb' maysch'olnil snab'en cha, sec matz 'el'ch tas tznib'j eb'.
14Caw wal chimc'ual tzlaj telw 'ejm eb' 'icha to 'ac'wl xo 'ayc' eb'. Toxn̈ej tzlaj smachlc eb' tz'ec' eb'.
15A Dios, a tzcoln eb' 'oltac tz'aj yixtx yuj eb' maysch'olnil snab'en, a tzcoln 'el eb' 'a yol sc'ab' eb' 'ixtm 'anma'.
16A pax 'aych yipc sc'ojl eb' may wal ste'nal, tzmacn sti eb' maysch'olnil snab'en, sec man̈x 'a tas tztac' yaln eb'.
17Caw wach' yic junc mach tz'ajx cuenta yuj Dios. Man̈ a patquilc can 'el tas tzach yutj ach ya'n cuenta Dios to tztac' yuj smasnil.
18Toto a tz'a'n lajwc junc mach, a pax tz'an̈tni; toto a tz'a'n 'och syailal junc mach, a pax tz'a'n b'oxc sc'ojol.
19Til wal 'ejm 'oj a colx 'el yuj 'a tas 'ay smay, wach'xam junc yel xo caw tu', ma'oj scha jawc 'a eb'an̈.
20A yic 'oj laj cham 'anma yuj wejel, 'oj a colx 'el 'a yol sc'ab' chaml chi yu'uj; ax yic 'oj jawc owl 'a yib'n̈ eb' 'anma', 'oj a colx 'el yuj 'a scal owl cha.
21'Oj a colx 'el yuj 'a yol sc'ab' eb' alm peclal; ax yic 'oj jawc yailal 'a yib'n̈ smasnil 'anma', may yuj to 'oj a xiwi.
22A yic 'oj jawc wejel, owal mto yic 'oj jawc no chiwjum noc', ma'oj a xiw yuj jun tzo'n̈ cha.
23A 'a scal a munljel, may q'uen q'uen 'oj extni; ax e no calte'al noc', may 'oj yutc e no' a munljel cha, ma'oj ac' 'owl yet' e no'.
24Ax eln cot pax a b'a to 'ayx tzaljc'ojlal pax 'a atut; 'oj a b'isn pax smasnil no a cajb'en noc', ax elni to tz'acn e no'.
25Caw 'oj niwtjoc sb'isl en̈tl b'aq'uin̈, til wal 'oj 'aj eb' 'icha te c'ultc tzpac' 'a sat lu'um.
26Caw wal 'ichm achx winac, ax a chami, 'icha tzyac' 'ixm trigo caw wal c'an yic tzpolxi, 'ixta 'oj aji.
27Ach Job, a tas xwal tic, cojc si'mb'il to 'ixta yaji; yuj cha, tzcham wal a cuyn jun tzo'n̈ tic, yujto a wach'loc tz'aji, xchi win Elifaz cha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.