Job 41
41
1An̈jtona no Leviatán,#Job 41.1 'Ilt nota 'a Job 3.8. ¿'Ojm stac' e'n q'uet no yet' q'uen lucub'? ¿'ojm stac' a jaln sti no'?
2¿Tzam stac' a'n 'ec' ch'an̈ 'a yol sn̈i no', mto tztac' a'n 'och alambre 'a sti no cha?
3¿'Oj tewoc 'och am no 'ayach, sec tz'o'ch a c'ojl 'a no'? ¿'ojm c'unnoc no 'ayach sec tz'a'l no a libre?
4¿Tzam stac' a'n trato yet' no', yic tz'och no a mosooc 'a smasnil tiempo?
5¿Tzam stac' a tajn yet' no 'icha tzac' yet' junc no ch'ic? ¿tzam stac' a'n 'och sch'an̈l no', yic tztajn eb' esl yet' no'?
6¿Tzam stac' spojn 'ec' eb' 'anma schib'jal no 'a 'a? ¿tom 'oj stac' scotc tzu'n 'at eb' no', ax schon̈n eb'?
7¿'Ojm stac' a juln 'ec' junc jul-lab' 'a yol stz'umal no'? ¿tzam stac' a juln 'ec' jun jul-lab' arpón sb'i 'a yol sjolm no'?
8Q'uinloc tzcob' a nib'c a yam no', 'oj ach spoc' 'ejm no', ma'oj 'at jun chi satc'ojlal o'oj, sec man̈x b'a'n̈ 'oj a b'o 'ixta'.
9A mach tz'iln no Leviatán cha, tzsicb' 'ejm yuj xiwlal.
10Toc 'ay mach tztac' ste'wtzan sb'a stzuntzn no', ocxom wal in an tic, toc 'ay mach tztac stewtzan sb'a sjaw 'a wojltac.
11Toc 'ay mach 'a'jnac junc tas 'ayin, yuj cha tzyaln to 'ay in b'oc 'a 'a. ¡A smasnil tas 'ay 'a yolyib'n̈q'uinl tic, wicn̈ej yaji!
12Matz wactj waln yuj no Leviatán cha, yujto caw wal 'ay yip yoc no', may tas tza'wni yip 'icha no'.
13Toc 'ay junc mach tztac' yi'n 'el stz'umal no 'aych 'a 'a, mto tztecch junc lanza 'a yol stz'umal no cha, yujto a stz'umal no', 'icha q'uen smacl sat jul-lab', 'ixta yajch 'a no'.
14¿'Aym junc mach tztac' sjacn sti no', yujto a ye no', yel xo wal 'ay smay yilxi?
15A solc'al no 'a yib'an̈, latztz'i yajch 'a yich spatc no', caw wal tzatz 'icha q'ue'en, lajn 'icha jun tzo'n̈ smacl sat jul-lab' cha.
16Chachmb'a yaj solcal no chi smasnil, toxn may 'aj tz'och jac 'ic' 'a scal.
17Junn̈j yaji, toxn may mach tztac' spojn 'ati.
18A yic tz'at'swi no', 'icha wal letz'lo'om, 'ixta chi tz'elt 'a yol sn̈i no', ax yol sat no', caw tzictzni 'icha yic tzjaw yoc c'u 'a sq'uin̈b'ial.
19A 'a yol sti no cha, ata tz'elt tz'itljoc snich c'ac'.
20Ax 'a yol sn̈i no', ata tz'elt tab', 'icha sq'ue wan xob' tas tztaj 'a yojl junc chen 'a yib'n̈ c'ac'.
21Caw xexni tz'aj stza c'ac' yuj yic' no tz'eli, ax 'a yol sti no', ata tz'elt snich c'ac'.
22A stel sjaj no', caw wal 'ay yip, smasnil 'anma', caw wal tzxiw 'a no'.
23A schib'jal no 'a sniwnal caw 'ay yip, caw tzatz 'icha q'uen hierro n̈usb'il 'a scal c'ac', wach' yaj sb'o'i.
24A spixn no', caw tzatz 'icha junc q'uen q'ue'en, lajn 'icha junc q'uen cha'.
25Toto tzcot no 'a eb' 'anma', caw wal tzxiw chan̈ eb' tzyal jelnal sb'a yuj no', man̈xtzac yil eb' s'at 'elc yuj xiwlal.
26May mach tztac' ya'n owl yet' no', may yopiso espada mto q'uen lanza yet' jun tzo'n̈ xo jul-lab' 'a no'.
27A q'uen hierro, 'icha te 'ac 'ixta q'uen 'a no', ax q'uen bronce, 'icha junc te te c'a'el, 'ixta q'uen 'a no'.
28A junc jul-lab' tzjulx 'och 'a no', toxn matz xiw no yu'uj; a junc q'uen tzjulx 'och 'a no', lajn wal sc'och 'a no 'icha yoc trigo.
29Toto tzjab'x 'och junc te niwquil te 'a no', 'ichan̈ej qui jab'n 'och junc 'aj, 'ixta tzyab' no'. A yic tzc'an̈ q'uen jul-lab', toc tzxiw no', ton̈j tz'och q'ueln no'.
30A yic tzjucn 'at sb'a no 'a sat lu'um, 'icha sanja 'ixta tz'ajcn 'at lum 'a xab' yuj no', lajn tz'ajcn 'icha 'aj tz'ec' q'uen rastrillo.
31A xab'l yich a mar, tz'ib'x sat a yuj no' yic tzb'ey no' 'a yojl a', 'icha yic tzxej tas su'q'ui sjab' 'a yol chen, 'ixta yib'x a yuj no'.
32A a mar 'aj tz'ec' no cha, sacpolnac tz'ajcn a 'a spatquil no', lajn yilx 'icha sac lana.
33May junc xo no noc' 'a sat lum tic lajn yet' no'; a jun noc' cha, an b'ojnac yic may xon b'a'n̈ tzxiwi.
34A no sat yaj wuj 'a smasnil no noc' 'ay smay, a no 'aych sreyloc smasnil no chiwjum noc', xchi Dios 'a Job.
Currently Selected:
Job 41: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 41
41
1An̈jtona no Leviatán,#Job 41.1 'Ilt nota 'a Job 3.8. ¿'Ojm stac' e'n q'uet no yet' q'uen lucub'? ¿'ojm stac' a jaln sti no'?
2¿Tzam stac' a'n 'ec' ch'an̈ 'a yol sn̈i no', mto tztac' a'n 'och alambre 'a sti no cha?
3¿'Oj tewoc 'och am no 'ayach, sec tz'o'ch a c'ojl 'a no'? ¿'ojm c'unnoc no 'ayach sec tz'a'l no a libre?
4¿Tzam stac' a'n trato yet' no', yic tz'och no a mosooc 'a smasnil tiempo?
5¿Tzam stac' a tajn yet' no 'icha tzac' yet' junc no ch'ic? ¿tzam stac' a'n 'och sch'an̈l no', yic tztajn eb' esl yet' no'?
6¿Tzam stac' spojn 'ec' eb' 'anma schib'jal no 'a 'a? ¿tom 'oj stac' scotc tzu'n 'at eb' no', ax schon̈n eb'?
7¿'Ojm stac' a juln 'ec' junc jul-lab' 'a yol stz'umal no'? ¿tzam stac' a juln 'ec' jun jul-lab' arpón sb'i 'a yol sjolm no'?
8Q'uinloc tzcob' a nib'c a yam no', 'oj ach spoc' 'ejm no', ma'oj 'at jun chi satc'ojlal o'oj, sec man̈x b'a'n̈ 'oj a b'o 'ixta'.
9A mach tz'iln no Leviatán cha, tzsicb' 'ejm yuj xiwlal.
10Toc 'ay mach tztac' ste'wtzan sb'a stzuntzn no', ocxom wal in an tic, toc 'ay mach tztac stewtzan sb'a sjaw 'a wojltac.
11Toc 'ay mach 'a'jnac junc tas 'ayin, yuj cha tzyaln to 'ay in b'oc 'a 'a. ¡A smasnil tas 'ay 'a yolyib'n̈q'uinl tic, wicn̈ej yaji!
12Matz wactj waln yuj no Leviatán cha, yujto caw wal 'ay yip yoc no', may tas tza'wni yip 'icha no'.
13Toc 'ay junc mach tztac' yi'n 'el stz'umal no 'aych 'a 'a, mto tztecch junc lanza 'a yol stz'umal no cha, yujto a stz'umal no', 'icha q'uen smacl sat jul-lab', 'ixta yajch 'a no'.
14¿'Aym junc mach tztac' sjacn sti no', yujto a ye no', yel xo wal 'ay smay yilxi?
15A solc'al no 'a yib'an̈, latztz'i yajch 'a yich spatc no', caw wal tzatz 'icha q'ue'en, lajn 'icha jun tzo'n̈ smacl sat jul-lab' cha.
16Chachmb'a yaj solcal no chi smasnil, toxn may 'aj tz'och jac 'ic' 'a scal.
17Junn̈j yaji, toxn may mach tztac' spojn 'ati.
18A yic tz'at'swi no', 'icha wal letz'lo'om, 'ixta chi tz'elt 'a yol sn̈i no', ax yol sat no', caw tzictzni 'icha yic tzjaw yoc c'u 'a sq'uin̈b'ial.
19A 'a yol sti no cha, ata tz'elt tz'itljoc snich c'ac'.
20Ax 'a yol sn̈i no', ata tz'elt tab', 'icha sq'ue wan xob' tas tztaj 'a yojl junc chen 'a yib'n̈ c'ac'.
21Caw xexni tz'aj stza c'ac' yuj yic' no tz'eli, ax 'a yol sti no', ata tz'elt snich c'ac'.
22A stel sjaj no', caw wal 'ay yip, smasnil 'anma', caw wal tzxiw 'a no'.
23A schib'jal no 'a sniwnal caw 'ay yip, caw tzatz 'icha q'uen hierro n̈usb'il 'a scal c'ac', wach' yaj sb'o'i.
24A spixn no', caw tzatz 'icha junc q'uen q'ue'en, lajn 'icha junc q'uen cha'.
25Toto tzcot no 'a eb' 'anma', caw wal tzxiw chan̈ eb' tzyal jelnal sb'a yuj no', man̈xtzac yil eb' s'at 'elc yuj xiwlal.
26May mach tztac' ya'n owl yet' no', may yopiso espada mto q'uen lanza yet' jun tzo'n̈ xo jul-lab' 'a no'.
27A q'uen hierro, 'icha te 'ac 'ixta q'uen 'a no', ax q'uen bronce, 'icha junc te te c'a'el, 'ixta q'uen 'a no'.
28A junc jul-lab' tzjulx 'och 'a no', toxn matz xiw no yu'uj; a junc q'uen tzjulx 'och 'a no', lajn wal sc'och 'a no 'icha yoc trigo.
29Toto tzjab'x 'och junc te niwquil te 'a no', 'ichan̈ej qui jab'n 'och junc 'aj, 'ixta tzyab' no'. A yic tzc'an̈ q'uen jul-lab', toc tzxiw no', ton̈j tz'och q'ueln no'.
30A yic tzjucn 'at sb'a no 'a sat lu'um, 'icha sanja 'ixta tz'ajcn 'at lum 'a xab' yuj no', lajn tz'ajcn 'icha 'aj tz'ec' q'uen rastrillo.
31A xab'l yich a mar, tz'ib'x sat a yuj no' yic tzb'ey no' 'a yojl a', 'icha yic tzxej tas su'q'ui sjab' 'a yol chen, 'ixta yib'x a yuj no'.
32A a mar 'aj tz'ec' no cha, sacpolnac tz'ajcn a 'a spatquil no', lajn yilx 'icha sac lana.
33May junc xo no noc' 'a sat lum tic lajn yet' no'; a jun noc' cha, an b'ojnac yic may xon b'a'n̈ tzxiwi.
34A no sat yaj wuj 'a smasnil no noc' 'ay smay, a no 'aych sreyloc smasnil no chiwjum noc', xchi Dios 'a Job.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.