Job 40
40
1'Ix yaln pax Jehová 'ixtc 'a Job:
2Ach Job, xcob' a nib'c a te'wtzoc a b'a 'ayn an tztac' wuj smasnil tic, ¿tom 'ayt wal tas tza nib'j al 'ayin? Ta'wan̈ 'ayin, xchi Dios.
3Yuj cha, 'ix ta'w Job, xyaln 'ixtic:
4¿Tas wal 'oj wutc in ta'wi, toc 'ay jac xon wel'chi? Yel xo wach' to sictac tzin cani.
5Tox in paxtin cha'ox 'ejem, man̈x 'a tas wach' walni, xchi Job.
6'Ix yaln pax Jehová 'ixtc 'a 'a, yic 'ayc' 'a scal jun 'ic'n̈ab':
7Te'wtzej a b'a 'a wojltac, tzin nib'ej to 'oj a pac 'ayin yuj tas 'oj in c'anb'c tic.
8¿An̈ja am tza te'wtzej a b'a alni to man̈ tojloc tzwutj ach in b'onyaji, yujto may a mul 'a tzotj alni?
9¿Tom yel xo wal 'ec'b'al ep 'a wib'n̈ tza na'a? ¿'Icha am sc'an̈ yol in jaj tic, 'ixta am sc'an̈ pax ec cha?
10Ch'ox wila' toto yel niwn el'chi, tzam 'el tzicnjoc c'ac' 'ayach, mto tzictzni yilx a niwnal smasnil.
11Tzcham wal eln 'och eb' b'an̈quintac yeq'ui; 'ac' owl yet' eb', masnto tz'em eb' o'oj.
12A eb' tzcob' yi' chan̈ sb'a yet' eb' maysch'olnil sb'eyb'al tzlaj 'ilchjoc o'oj, tza te'cn 'ejm eb'.
13Tza muccn eb' 'a yol lu'um, tza macn can 'ejm eb' 'a yol lum 'a campusan 'a 'aj 'ay eb' chamnac.
14'Ixta 'oj wutc wilni toto yel 'ay ep, 'oj stac' a coln a b'a tzyal cha.
15'Ochn̈ q'ueln 'a no niwquil noc' behemot sb'i,#Job 40.15 Behemot, tzyal 'el'chi "niwquil noc'," palta man̈ cojcoc tas noc'al. an xin b'o no 'icha ach wutj ach in b'oni. A no tic, c'ultc tzlo no 'icha no wacax;
16caw wal 'ay yip yichspatc no', caw 'ay yip schib'jal xub' no'.
17A sn̈e no', lajn stzatzl 'icha te c'ute', ax sch'an̈l xub' no', ch'umquixtac yaji, caw 'ay yip.
18A sb'acl no', lajn 'icha q'uen bronce, ax yoc no', lajn 'icha q'uen hierro.
19A jun noc' tic, cojn yel xo wal satjub'tac yaj in b'on 'a scal smasnil jun tzo'n̈ xo no noc' in b'ojnac. Cojn in tztac' pax in satn 'eli.
20A 'a eb' lum jolmctac witz 'aj tzlaj tajn no calte'al noc', ata tzlaj say no te c'ultc slo'.
21Ax 'a yen̈l eb' te te 'ay xi'il, ata tz'em pun̈n no sicb'oc, mto a 'a scal eb' te b'alal 'a yaxlu'um, ata tzc'ub'j 'el sb'a no'.
22A eb' te te 'ay yen̈l cha, ata tzsicb' no 'a yich eb' te', ax eb' te sauce sb'i 'a stitc a', a eb' te tzc'ub'n 'el no'.
23Wach'xam tzq'uib' a a 'a yol sb'e no', palta matz xiw no', toxn̈ej tz'och chel-loc a 'a sn̈i no', toc 'ay tzna no'.
24¿Mach wal junc tztac' syamn no', yic tzc'oln 'elt yol sat no', mto yic tzya'n 'ec' ch'an̈ 'a yol sn̈i no cha?
Currently Selected:
Job 40: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
