Job 36
36
Schan̈c'ajil spaxti Eliú
1'Ix yaln pax Eliú 'ixtic:
2'Ac' wal niwnc'ojlal, a ticnec to 'oj ach in cuyu', yujto 'ayt tas wach' walni yic tzin coln Dios 'ayach.
3'Oj in c'anlb'oc jun tzo'n̈ in jelnal caw wal yel xo niwan, yic tzin ch'oxn 'eli, to tojl tas tzb'o Dios, atn jun b'ojnac in.
4'Ojquej 'eli to a tas 'oj wal 'ayach, man̈ 'esoc, an wan in paxtin 'aych tic, tz'acn yaj jelnal 'ayin.
5A Dios caw wal niwquil yet' spoder, toc 'ay yalnb'il sjelnal, palta may junc mach tzpatquilj can 'eli.
6A eb' 'anma maysch'olnil tzyutj sb'a, yajn̈ej tz'ijx 'ec' sq'uinl eb' yu'uj, ax eb' tz'ixtxi, a tzb'onyaj eb'.
7A tztan̈wni eb' 'anma wach' sb'eyb'al, a tz'a'n 'och eb' yajlil sec tzb'inax eb' 'a smasnil tiempo.
8Toto tzjalx eb' maysch'olnil yet' cadena, caw wal tzyab' eb' syail.
9A Dios a tzch'oxn yil eb', 'aj tzlaj 'och smul eb' cha, yujto tzlaj 'ec' eb' 'a yib'an̈.
10Tzpaxtin 'a eb' yic tz'ajx cuenta eb' yu'uj; tzyaln pax 'a eb' to tzyactj can eb' maysch'olnil cha.
11Toto tzchaj eb' yab'i', tzya'n 'och sb'a eb' 'a yol sc'ab', caw tzaljc'ojlal 'oj 'ec' eb', a tzyal jantc to sq'uinl eb' tz'ajxi.
12Palta toto ma'oj scha eb' yab'i', 'oj tzu'xoc cham eb'; may xon jac tas tzyojquej can 'el eb', ax s'atcn eb' 'a chamel.
13A eb' tu snab'en cha, caw wal tzowxn̈ej eb', wach'xam tz'ajx 'och syailal eb' yuj Dios, palta matz yal sb'a eb' 'a 'a, yic tzc'ann eb' scolwal.
14Caw quelmtac winc eb', tzlaj cham eb', q'uixweltac tz'aj eb' slajw 'eli.
15A 'a scal syailal junc mach, a Dios tz'a'n nachjc 'el smul yu'uj sec tzcolchj can 'el 'a syailal.
16'Ixta ach yutj ach tic, ach scoln 'el 'a tas 'ay smay, 'ix ya'n smasnil tas 'a yol a c'ab', 'ix cot wal ch'ucn tas wach' sc'uxx 'a sat a mexa.
17Palta ax ticnec, wan a b'eyc'ojlax yuj Dios, a yailal smoj yajx 'a eb' 'anma tu snab'en, a chi wan a chani.
18Yuj cha, tan̈wj wal a b'a, sec ma'oj a satx'el yuj Dios mu'c yuj yowl sc'ojol; ma'oj stac' a'n niwn tumn 'a 'a, yic tzach colchj can 'el 'a yaln̈ yowl sc'ojl cha.
19Toc 'ay yel'ch a ricoal 'a sat. Toc 'ay yel'ch pax a b'inab'ilal 'a 'a.
20Tan̈wj a b'a yic wach' matz ej cot q'uic'q'uinl 'a eb'an̈, tzyal 'el'chi atn yowl sc'ojl Dios tzsatn 'el jun tzo'n̈ chon̈ab'.
21Tan̈wj a b'a, sec matz ach 'atx can 'a scal maysch'olnil, 'ix 'ajx cot jun yailal tic 'a eb'an̈ sec man̈xtzac a b'o maysch'olnil cha.
22Tzcham wal eln spoder Dios. May junc cuywjum tztac' slab'tzan sb'a yet'oc.
23May junc mach tztac' yaln 'a 'a tas yowlal 'oj sb'o', matz tac' yaln pax 'a 'ixtic, maysch'olnil tzotej, man̈ xchic 'a 'a.
24Smasnil 'anma', tzbitnej swach'l Dios yuj tas b'ob'il yu'uj; an̈jtona pax ach tic, al a wach' paxti 'a jun xo.
25Wach'xam caw najt 'ay tas b'ob'il yu'uj, palta tztechj yiln eb' 'anma smasnil.
26A Dios caw wal niwn yel'ch yet' spoder, an̈ec xo tic, matz tac' cojcanec tas wal yaji, matz tac' pax calnec jantc yaj sq'uinal.
27A tz'i'n q'ue junjn t'ujn̈ a a' 'a cha'an̈, tzmeltztan 'och n̈ab'il.
28A 'a scal 'asun, ata tz'och a a chi n̈ab'il, tzlajw cha, tzcot tzicnjoc n̈ab' 'a quib'n̈ec.
29¿Mach wal junc tztac' yojcan 'eli tas tz'aj spucn sb'a 'asn yu'uj, mto tzyojquej 'eli tas tz'aj sc'an̈ c'u 'a satcha'an̈?
30A Dios cha, a tz'a'n q'ue wan letz'lom 'a yib'n̈ a mar, yuj cha, tzcheclj tas 'ay 'a xab'l yich a'.
31'Ixta tzyutj Dios sb'eyc'ojlan eb' 'anma', tztac' pax ya'n tas tzc'ux eb'.
32A yamjnac raya, tzjuln 'at 'a 'aj tznib'j tzjulb'ti, tojln̈ej sc'och jun raya chi 'a 'aj tznib'ej.
33Toto tzc'an̈ c'u, tzyal 'el'chi to wan ya'n n̈ab', 'intax no cajb'en noc', yojc no' to jab'xoj ya'n n̈ab' cha.
Currently Selected:
Job 36: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
