Job 35
35
Yoxc'ajil spaxti Eliú
1'Ix yaln pax Eliú 'ixtc 'a Job:
2¿Tom wach' tza na'a, yic cob' 'ix alni to may a mul, sec tzyal am Dios chi a nani to may a mul cha?
3Wach'xam 'ix al 'a Dios 'ixtic: ¿Tas aln eco wach'xam tz'och in mul? ¿Tom 'ay jac 'oj wic' 'a spatic yic matz 'och in mul 'ayach? xa chi.
4An tic, 'oj wac' spac a paxti chi 'a sat eb' 'a wach'c'ojl tic.
5Tzcham wal a q'ue q'ueln 'a satcha'an̈, ax elni chajtlto a 'asun, caw wal chan̈ yajb't 'a eb'an̈.
6Toto tza'ch a mul, toc 'ay 'oj 'aj Dios o'oj; wach'xam caw wal niwn tzotj a sayn a muloc, toc 'ay 'oj 'ajoc.
7Toxn̈ej caw wach' pax tas tza b'o'o, toc 'ay pax tz'aji; toc 'ay jac 'oj yic' Dios 'a a patquil.
8A eb' quit 'anma'il, a eb' tz'ixtx 'el yuj a mul; a pax eb', wach' tz'el'ch yuj tas wach' tza b'o'o.
9A eb' 'anma til wal tz'aj yixtxi, til wal sc'acw eb', tzlaj 'el yaw eb' yic tzlaj sayn eb' mach tzcoln 'el 'a yol sc'ab' eb' tz'ixtn cha.
10Palta man̈oc Dios tzsayc' eb', atn jun b'ojnac eb', a pax tz'a'n yip eb', yic tzb'itnan eb' 'a yic 'ac'wal.
11'Ec'b'al wal yaj on̈ scuynec Dios 'a yib'n̈ no noc' cajn 'a sat lum tic, yel xo wal jeln cajc yuj 'a yib'n̈ smasnil no ch'ic.
12Tzcob' yal sb'a eb' tz'ixtx chi 'a Dios, palta matz ta'w 'a eb', yujto caw wal tu sb'eyb'al eb', b'an̈quintac pax eb'.
13A Dios tztac' yuj smasnil, matz chaj yab' paxti may yel'chi.
14¿Tas wal 'oj 'aj sta'w 'ayach yic tzalni to matz el Dios? A paxti tzalx 'a spatic 'ayx ec' 'a yojltac, yuj cha, to tza tan̈wej tas 'oj yutc sb'onyaji.
15Yujto cob' tzal 'ixtic: A Dios matz ya'ch wal schicn 'a tas tz'och smulc 'anma', toc tzcot yowal, toc tzya'ch syailal junc mach, xa chi.
16Palta ach tic mamin Job, a jun tzo'n̈ a paxti cha, toxn may jac tzyal 'el'chi, til wal tas tzcob' ala', palta toxn may jac a nab'en yic tzach paxtin cha, xchi Eliú 'a Job.
Currently Selected:
Job 35: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 35
35
Yoxc'ajil spaxti Eliú
1'Ix yaln pax Eliú 'ixtc 'a Job:
2¿Tom wach' tza na'a, yic cob' 'ix alni to may a mul, sec tzyal am Dios chi a nani to may a mul cha?
3Wach'xam 'ix al 'a Dios 'ixtic: ¿Tas aln eco wach'xam tz'och in mul? ¿Tom 'ay jac 'oj wic' 'a spatic yic matz 'och in mul 'ayach? xa chi.
4An tic, 'oj wac' spac a paxti chi 'a sat eb' 'a wach'c'ojl tic.
5Tzcham wal a q'ue q'ueln 'a satcha'an̈, ax elni chajtlto a 'asun, caw wal chan̈ yajb't 'a eb'an̈.
6Toto tza'ch a mul, toc 'ay 'oj 'aj Dios o'oj; wach'xam caw wal niwn tzotj a sayn a muloc, toc 'ay 'oj 'ajoc.
7Toxn̈ej caw wach' pax tas tza b'o'o, toc 'ay pax tz'aji; toc 'ay jac 'oj yic' Dios 'a a patquil.
8A eb' quit 'anma'il, a eb' tz'ixtx 'el yuj a mul; a pax eb', wach' tz'el'ch yuj tas wach' tza b'o'o.
9A eb' 'anma til wal tz'aj yixtxi, til wal sc'acw eb', tzlaj 'el yaw eb' yic tzlaj sayn eb' mach tzcoln 'el 'a yol sc'ab' eb' tz'ixtn cha.
10Palta man̈oc Dios tzsayc' eb', atn jun b'ojnac eb', a pax tz'a'n yip eb', yic tzb'itnan eb' 'a yic 'ac'wal.
11'Ec'b'al wal yaj on̈ scuynec Dios 'a yib'n̈ no noc' cajn 'a sat lum tic, yel xo wal jeln cajc yuj 'a yib'n̈ smasnil no ch'ic.
12Tzcob' yal sb'a eb' tz'ixtx chi 'a Dios, palta matz ta'w 'a eb', yujto caw wal tu sb'eyb'al eb', b'an̈quintac pax eb'.
13A Dios tztac' yuj smasnil, matz chaj yab' paxti may yel'chi.
14¿Tas wal 'oj 'aj sta'w 'ayach yic tzalni to matz el Dios? A paxti tzalx 'a spatic 'ayx ec' 'a yojltac, yuj cha, to tza tan̈wej tas 'oj yutc sb'onyaji.
15Yujto cob' tzal 'ixtic: A Dios matz ya'ch wal schicn 'a tas tz'och smulc 'anma', toc tzcot yowal, toc tzya'ch syailal junc mach, xa chi.
16Palta ach tic mamin Job, a jun tzo'n̈ a paxti cha, toxn may jac tzyal 'el'chi, til wal tas tzcob' ala', palta toxn may jac a nab'en yic tzach paxtin cha, xchi Eliú 'a Job.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.