Job 34
34
Schac'ajil spaxti Eliú
1'Ix yaln pax Eliú 'ixtic:
2Ax jeln ex tic, ax cuywnacx tic, macljec eyab' tas 'oj wala':
3A qui chiquin, a tzmaclni toto wach' tas tzalxi mto ma'ay, 'icha tzyutj yol qui ti' yab'lni tas tzqui c'uxu.
4An̈jtona', 'ixta yaj jun tzo'n̈ paxti tzcalc tic, qui b'eyc'ojloquec tas tzcala, ax snachj 'el cujec tas wal yaji.
5Yujto a Job 'ix yal 'ixtic: An tic toc 'ay in mul, palta a Dios matz in sb'oyaji.
6'Es tzwac'a toto tzwala to 'ay in mul. Wach'xam may in mul cha, palta matz b'ox in lajwelal tic, xchi.
7Toxn may mach lajn 'icha Job tic, caw tzb'uchwj 'a Dios, lajn wal 'icha jac a a tzcuq'uej.
8Tznib'j junn̈j tzyutj sb'a yet' eb' maysch'olnil sb'eyb'al, tznib'j jun yec' yet' eb' tu snab'en.
9Xyalni to may tas tzca'c ganar yic wach' tzcutjec qui b'a 'a sat Dios.
10Palta ax 'ay e nab'en tic, chajec eyab' tas 'oj wala'. A Dios tztac' yuj smasnil, tecn may 'aj tzb'o tas man̈ tojloc.
11A tz'a'n spac yic junjn mach, a tzyala tas tz'el sb'on junjn 'anma'; junjn mach 'oj scha spac smoj schani.
12Wal yel, a Dios tztac' yuj smasnil, may 'aj tzb'o tas man̈ tojloc.
13May mach 'ix 'a'n yopiso yic tzya'n yajlil 'a yolyib'n̈q'uinl tic smasnil.
14Q'uinloc tzyal sc'ojl Dios, tzyij pax 'ec' yic' 'ac'b'il yuj 'a 'ayn̈ qui masnil an̈ 'anman̈ec tic,
15to 'ixta', jun 'ejmn̈ej tzon̈ chamc qui masnil, tzon̈ 'ochx canec poccal.
16Mamin Job, toto ach tic caw 'ay a nab'en, chaj ab' tas 'oj wal tic; sictac tzach 'aj a maclni tas 'oj wala'.
17Q'uinloc a Dios man̈ tojloc tas tzb'o'o, to 'ixta', ¿tom tztac' ya'n yajlil? ¿Tom tza nib'j tza'ch 'a yib'n̈ Dios jun caw wal wach' snab'en?
18A eb' rey mto eb' yajal, toto man̈ wach'c tzyutj sb'a eb', matz xiw Dios yaln 'och 'a sat eb'.
19A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.
20Toto tzyal sc'ojl Dios, junn̈j wal rato tzlajw 'anma scham smasnil 'a junc 'ac'wal, yajn̈ej tzon̈ satc 'eli; ax eb' tzyal jelnal sb'a' mun 'oj cham eb' 'a 'ichn̈jta', man̈ 'anmac 'oj milnc eb'.
21A Dios yojc sb'eyb'al junjn 'anma', tzyila tas yec' junjn mach.
22A eb' maysch'olnil sb'eyb'al, matz tac' sc'ub'x 'el eb' yuj q'uic'q'uinal.
23A Dios matz yal 'a junc mach b'a'n̈ tzc'och sb'oyaj sb'a 'a yojltac.
24Man̈ yowlaloc tzc'anb'j 'ec' yab'i', tas tzyutj ya'n lajwc eb' niwc winac, sec chucx mach tz'ochx can sjelc eb' 'a yopiso.
25A Dios yojtac tas tzlaj sb'o eb', a 'a 'ac'wal tzc'och 'a eb', tzsatn can 'el eb'.
26'A sat 'anma', tz'ajx 'och syailal eb' yu'uj, 'icha tz'aj junc maysch'olnil,
27yujto matz nib'j eb' syiclc tas tzyala, matz nib'j eb' sb'eylb'oc sley.
28A eb' meb'a', yet' eb' 'ay tas 'ay sc'a'l tz'och yu'uj, 'ix c'och yel yaw eb' 'a Dios yuj eb' maysch'olnil cha. 'Ix yab'i, to caw 'oltac yel yaw eb'.
29Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.
30A tztenn 'ec' snib'b'en junc mach tu snab'en, sec matz yac' yajlil 'a yib'n̈ eb' chon̈ab', yujto ton̈j tz'ixtx eb' yu'uj.
31Ach tic mamin Job, toc 'ix al 'a Dios 'ixtic: 'Ix 'och wal in mul, ax ticnec man̈x 'oj in b'o'.
32Ch'ox cot in mul matz in na cot cha. Toto 'ay 'aj tu xlaj wutej, ax ticnec, man̈x 'oj in b'o jun 'ejm xo, comnoc xa chi.
33Toto ach tic matz a chaj ab' tas tzyal Dios, ¿tom tza na to 'oj yac' Dios spac 'aych 'icha wal tza nib'ej? Ach 'oj a na' tas tzotj a b'a, man̈oc in 'oj wal 'ayach; al cab'i', tas nab'il o'oj.
34A eb' jeln tz'ab'n tas tzwal tic, 'oj yal eb' 'ixtic:
35A Job tic, ton̈j scomn alj jun tzo'n̈ spaxti', toc 'ay xon jac yel'ch tas xyala.
36Comnoc wal tzcham sb'eyc'ojlaxi, ax cab' spac tz'ajx 'a 'a, lajn cab' 'icha yic junc mach maysch'olnil.
37A Job tic, man̈ cojnoc to 'ay smul, palta to caw tenmtac xyutj sb'a; q'ueln on̈c wal 'och 'a 'a, 'ix b'uchwj 'a Dios, 'ix sten sb'a yet'oc, 'oj schic eb', xchi Eliú 'a Job.
Currently Selected:
Job 34: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
