Job 33
33
1Yuj cha, a ticnec mamin Job, maclj ab' tas 'oj wala'; tza chan pax ab'i'.
2Yujto a spac a paxti', lista xo yaj 'a yol in ti', yic tzwaln 'ayach.
3A tas 'oj wal tic, atn stojlal in nab'en, 'oj wal 'aych yet' smasnil in c'ojol.
4A Dios tztac' yuj smasnil, a b'ojnac in, a 'a'jnac 'och wic', yuj cha pitzn in.
5Toto tza nib'j a pac 'ayin, ta'wan̈ 'ayin, 'ac' lista tas tzotj a pacni.
6Lajn on̈ qui chawn̈il 'a sat Dios, yujto a pax 'a lum lum cotn̈c in.
7Yuj cha, may yuj tzach xiw wu'uj, yujto ma'oj wa'ch in b'a yajlil 'ayach.
8Coyn wal 'ixtc 'ix otj aln xwab'i:
9An tic wach' in, may xon in mul, may in paltail, toc 'ay tu tzin b'o'o.
10Palta a Dios tzsayq'ui tas tzin 'aj wajx queja, 'icha junc 'ajc'ojl yajch 'a 'a, 'ixta tzin yutej.
11'Ix ya'ch cadena 'a woc, q'uelnn̈ej 'och 'ayin 'aj tzin 'eq'ui, xa chi xwab'i.
12Palta a tas 'ix al tic, caw man̈ tojloc, yujto a Dios yel xo wal niwn yel'ch 'a quib'n̈ an̈ 'anman̈ tic.
13¿Tas yuj tzalch 'a sat, chajtlto matz pac tas tzal 'a 'a?
14A Dios, til wal nab'enal tzyutj paxtinc sb'a, palta matz nachj 'el cuj an̈ 'anman̈ec tic.
15'Ay 'aj tzpaxtin 'a waychil mto 'a 'ilwalil 'a junc mach, yic waync 'a 'ac'wal.
16A Dios tzpaxtin 'a snab'en eb' 'anma', yic tztenn 'och wan eb' 'a tas tzb'o'o, tzya'n 'och eb' 'a xiwc'ojlal.
17'Ixta tzyutj Dios eb', sec tzyij 'el sb'a eb' 'a tas maysch'olnil, yic man̈ comnoc tzyij chan̈ sb'a eb'.
18'Ixta tzyutj scoln 'el eb' 'a yol sc'ab' chamel, sec matz satl eb'.
19'Ay pax 'aj jun, a yet' yailal tzyac' cuenta Dios eb' 'anma', tzyab' wal eb' syal yet' sniwnal.
20A smasnil tas wach' cob' tz'ajx sc'uxu', ton̈j tzyajli.
21'Ipn stz'onb' chan̈ sniwnal, c'uxn tzcheclj sb'acl 'a sniwnal smasnil.
22A jun cha, 'icha to 'ayx 'ec' sniwnal 'a campusan, 'ayx 'och 'a yol sc'ab' chamel.
23Palta q'uinloc a 'a scal nan̈loc yángel Dios, ata tzcot junc tzcolwj yet' jun winc cha, tzyaln 'a Dios to wach' sb'eyb'al,
24tzyalni to tz'o'ch sc'ojl Dios chi 'a 'a, yic tzcoln 'el 'a yol sc'ab' chamel, yujto checl yaj jun mach 'oj mannc can 'eli.
25'Ixta 'oj 'aj sb'ox sc'ojol, ax sniwnal caw wal 'oj 'unnb'oc pax jun 'ejm xo, 'icha 'a yic scotch 'a quelmal.
26A yic 'oj yalnc sb'a 'a Dios, ax ya'n Dios chi swach'c'ojlal 'a yib'an̈; caw tzaljc'ojlal 'oj yil-lac 'och sat yet' Dios, ax Dios chi 'oj 'a'nc 'och 'a wach'c'ojlal yet' jun 'ejm xo.
27Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;
28a xyutej, to in scol-l 'a yol sc'ab' chamel, yuj cha, tzat wil jab'x sacq'uinl tic, 'oj xchioc.
29'Ixtnta tzyutj Dios eb' 'anma', man̈ jun cha'ejmocn̈ej tzyutj 'ixta';
30yuj scolx 'elt eb' yuj 'a yol sc'ab' chamel, tzya'n yil eb' jacx sacq'uinal.
31Mamin Job, ab' wal tas tzwala; sictac cab' 'aji yic tzin paxtini.
32Toto 'ay tas tza nib'j ala', tztac' alni; toto 'ay tas tznachj o'oj, ala, tzin nib'ej to may a mul tzcan 'a eb'an̈.
33Toto may tas jun, maclj ab' tas 'oj wala', sictacn̈ej tzach 'aji, 'oj ach in cuy 'a jelnal, xchi Eliú.
Currently Selected:
Job 33: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
