Job 31
31
1An tic, ma'ix wa'ch in nab'en in nib'n 'och eb' 'ix cob'stac 'ix.
2Q'uinloc xwa'ch in nab'en 'a eb' 'ix, toto 'ixta', ¿tom ma'oj yac' Dios 'aj satcha'an̈ spac 'ayin, atn Dios tztac' yuj smasnil?
3A eb' maysch'olnil, yet' eb' may Dios 'a sat, tzjawn̈j yailal 'a yib'n̈ eb'.
4Toc matz yil Dios tas tz'el in b'oni, ¿tom matz yil 'aj tzin laj 'eq'ui?
5Tzwac' in ti', to may 'aj xwa'ch in b'a 'a scal maysch'olnil, may 'aj x'ec' 'a in nab'en wixtn junc wit 'anma'il.
6Comnoc tzin sbeyc'ojlej Dios 'a stojlal, yic tzyilni to tz'acn in wach'il.
7Q'uinloc xwij 'el in b'a 'a jun b'eyb'al yic tojlal, mto xwa't in b'a 'a scal tas nib'b'entac yochi, mto 'ay tas man̈ wico'oc x'ilchj 'ayin,
8to 'ixta', chucx cab' mach tzc'uxn tas tz'el-l 'a in munljel, sjoy cab' q'uet eb' sch'an̈l yib' tas 'awb'il wu'uj.
9Q'uinloc 'ay 'aj xwixtj paxti junc 'ix 'ix, mto 'ay 'aj xin mac yel-l yistzil junc wit wincal 'a sti yatut,
10to 'ixta', 'och cab' 'ix wistzil yac' servil junc xo mach, chucx cab' junc winc tzway yet' 'ix.
11Q'uinloc xin b'o 'ajmulal cha, smoj wal wab'n syal yuj in mul cha.
12Toto 'ixta', jaw cab' in yailal chi 'icha junc niwquil c'ac' tzsatn 'el smasnil tas, 'ixta cab' tzyutj satn 'el smasnil tas 'ay 'ayin.
13Toto a eb' in checab', 'ay junc tas xyal eb' 'ayin, 'ix in chaj wab' tas sc'an eb'.
14Q'uinloc ma'ay, ¿tas wal 'oj wutc wochch 'a yojltac Dios? ¿tas 'oj wutc walni yic 'oj sc'anb'n 'ayn yuj tas xin b'o'o?
15A eb' in checb' cha, junn̈j Dios on̈ b'onec yet' eb' yic on̈ pitzwec chan̈ 'a qui nun; a x'a'n qui q'uinlec yet' eb'.
16May 'aj ton̈j in 'och queln 'a eb' meb'a', yic 'ay tas sc'a'l tz'och yuj eb', man̈ ton̈joc xwila, x'och swejl eb' 'ix 'ix chamnc yichmil.
17A yic in wa'i, may 'aj ton̈j in 'och q'ueln 'a eb' meb'a 'unn chamnc smam, palta to xwac' tas tzc'ux eb' wet'oc.
18'Icha wal wunnal, 'ixta xwutj eb' meb'a 'unn chamnc smam, in colwjn̈ej 'a eb' 'ix 'ix chamnc yichmil.
19A yic xlaj wilni to 'ay eb' 'anma man̈x 'a spichul, mto junc meb'a toxn may jac tas 'aych spichloc,
20a xil e no 'in calnelu xwac' b'o'oc, xwa'n ya'ch eb' sq'uixnaloc; yuj cha, xlaj yalnc eb' yuj diosal 'ayin.
21Toto 'ay 'aj xwixtj junc meb'a 'unn chamnc smam, yujto wojtac an xoj tzchax 'ab'xc wic yuj eb' yajal,
22to 'ixta', ma'x cab' wecchjoc in c'ab' tic, 'el cab' jeb'an.
23An tic, caw tzin xiw yuj yailal tzyac' Dios; yujto matz tac' in te'wtzan in b'a 'a yojltac yopiso Dios.
24May 'ajtil to cojn 'a q'uen tumn xwa'ch in nab'en, ma'ix wa'ch pax q'uen oro yipc in c'ojol.
25May xon 'aj xin nib'j tzin 'och ricoal, may 'aj xin nib'j to tzniwtj in tumin.
26'Ix wil stzictznil yoc c'u, 'ix wiln pax sja'l yilx yoc 'uj 'a yic caw c'ojan,
27palta may 'aj xwac' 'ejm in b'a 'a jun tzo'n̈ cha, may 'aj xin moj q'ue in c'ab' yic xwaln in b'a 'a eb' 'a c'ultaquil.
28Q'uinloc 'ixta xwutj in b'a, smoj wal cab' sjaw yailal 'a wib'an̈; to 'ixta' yet' am chab'satl tzwutj wi'n 'ejm in b'a 'a Dios 'ay 'a satcha'an̈.
29May 'aj in tzalji yic x'och syailal eb' 'ajc'ojl yajch 'ayin, may 'aj in tzalji yic xlaj jaw syailal eb' 'a yib'an̈.
30May 'aj x'och in mul in c'ann cot chaml 'a yib'n̈ eb'.
31A eb' cajn wet' 'a watut, yojc eb' to a smasnil eb' ula 'anma tzlaj 'ec' 'ayin, tzwa'n̈j wa eb'.
32A eb' b'eymal 'anma', may 'aj xyal in c'ojl xcan eb' 'a yol caye wayoc, palta to jacnn̈ej watut 'a eb'.
33May 'aj xin c'ub'j 'el in mul 'icha tzyac' jun tzo'n̈ xo eb', may 'aj c'ultac yaj in mul wu'uj,
34yuj in xiw 'a junc 'anma'. May pax 'aj xin macch in b'a 'a yol watut yuj in xiwc'ojlal 'a eb' wican.
35Comnoc wal 'ay mach tz'ab'n tas wan waln tic. A jun tzo'n̈ tzwal tic, caw yel eb' smasnil. Ax ticnec, tzin tan̈wej tas spac 'oj 'ajxoc 'ayn yuj Dios tztac' yuj smasnil. Ax mach tzin 'a'n queja cha, comnoc wach' pax tzyutj stz'ib'n 'a junc un̈ yuj tas wan yaln cha.
36Tzwac' q'ue am jun tzo'n̈ spaxti chi 'a sjolm in quelab', mto tzwac' q'ue 'a in jolm 'icha junc corona. Caw am tzin b'an̈ cob' in b'a yet'oc.
37Caw am tzwal 'a Dios yuj jantcn̈ej tas tzin b'o'o, matz in q'uixw am in c'och 'a yojltac.
38Ax lum in lum 'aj tzin munlji, toto tzq'ue'ch yaln sb'a lum 'a satcha'an̈, q'uinloc tzcus pax eb' 'aj 'ic'b'il 'ec' lum chi wu'uj.
39Q'uinloc 'ay tas ton̈j in c'uxjnac 'a smunljel junc mach, man̈toc tojb'il wu'uj, toto yixtjnac sb'a jun 'ay yic lum lum chi sb'oni,
40to 'ixta', q'uib' cab' te q'uix 'a sat in lum sjelc 'ixm trigo, ax te comn c'ultc tzq'uib' sjelc 'ixm cebada, xchi Job.
Atn 'a tic xlajw c'och yaln Job jun tzo'n̈ spaxti' yic tzcoln sb'a.
Currently Selected:
Job 31: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 31
31
1An tic, ma'ix wa'ch in nab'en in nib'n 'och eb' 'ix cob'stac 'ix.
2Q'uinloc xwa'ch in nab'en 'a eb' 'ix, toto 'ixta', ¿tom ma'oj yac' Dios 'aj satcha'an̈ spac 'ayin, atn Dios tztac' yuj smasnil?
3A eb' maysch'olnil, yet' eb' may Dios 'a sat, tzjawn̈j yailal 'a yib'n̈ eb'.
4Toc matz yil Dios tas tz'el in b'oni, ¿tom matz yil 'aj tzin laj 'eq'ui?
5Tzwac' in ti', to may 'aj xwa'ch in b'a 'a scal maysch'olnil, may 'aj x'ec' 'a in nab'en wixtn junc wit 'anma'il.
6Comnoc tzin sbeyc'ojlej Dios 'a stojlal, yic tzyilni to tz'acn in wach'il.
7Q'uinloc xwij 'el in b'a 'a jun b'eyb'al yic tojlal, mto xwa't in b'a 'a scal tas nib'b'entac yochi, mto 'ay tas man̈ wico'oc x'ilchj 'ayin,
8to 'ixta', chucx cab' mach tzc'uxn tas tz'el-l 'a in munljel, sjoy cab' q'uet eb' sch'an̈l yib' tas 'awb'il wu'uj.
9Q'uinloc 'ay 'aj xwixtj paxti junc 'ix 'ix, mto 'ay 'aj xin mac yel-l yistzil junc wit wincal 'a sti yatut,
10to 'ixta', 'och cab' 'ix wistzil yac' servil junc xo mach, chucx cab' junc winc tzway yet' 'ix.
11Q'uinloc xin b'o 'ajmulal cha, smoj wal wab'n syal yuj in mul cha.
12Toto 'ixta', jaw cab' in yailal chi 'icha junc niwquil c'ac' tzsatn 'el smasnil tas, 'ixta cab' tzyutj satn 'el smasnil tas 'ay 'ayin.
13Toto a eb' in checab', 'ay junc tas xyal eb' 'ayin, 'ix in chaj wab' tas sc'an eb'.
14Q'uinloc ma'ay, ¿tas wal 'oj wutc wochch 'a yojltac Dios? ¿tas 'oj wutc walni yic 'oj sc'anb'n 'ayn yuj tas xin b'o'o?
15A eb' in checb' cha, junn̈j Dios on̈ b'onec yet' eb' yic on̈ pitzwec chan̈ 'a qui nun; a x'a'n qui q'uinlec yet' eb'.
16May 'aj ton̈j in 'och queln 'a eb' meb'a', yic 'ay tas sc'a'l tz'och yuj eb', man̈ ton̈joc xwila, x'och swejl eb' 'ix 'ix chamnc yichmil.
17A yic in wa'i, may 'aj ton̈j in 'och q'ueln 'a eb' meb'a 'unn chamnc smam, palta to xwac' tas tzc'ux eb' wet'oc.
18'Icha wal wunnal, 'ixta xwutj eb' meb'a 'unn chamnc smam, in colwjn̈ej 'a eb' 'ix 'ix chamnc yichmil.
19A yic xlaj wilni to 'ay eb' 'anma man̈x 'a spichul, mto junc meb'a toxn may jac tas 'aych spichloc,
20a xil e no 'in calnelu xwac' b'o'oc, xwa'n ya'ch eb' sq'uixnaloc; yuj cha, xlaj yalnc eb' yuj diosal 'ayin.
21Toto 'ay 'aj xwixtj junc meb'a 'unn chamnc smam, yujto wojtac an xoj tzchax 'ab'xc wic yuj eb' yajal,
22to 'ixta', ma'x cab' wecchjoc in c'ab' tic, 'el cab' jeb'an.
23An tic, caw tzin xiw yuj yailal tzyac' Dios; yujto matz tac' in te'wtzan in b'a 'a yojltac yopiso Dios.
24May 'ajtil to cojn 'a q'uen tumn xwa'ch in nab'en, ma'ix wa'ch pax q'uen oro yipc in c'ojol.
25May xon 'aj xin nib'j tzin 'och ricoal, may 'aj xin nib'j to tzniwtj in tumin.
26'Ix wil stzictznil yoc c'u, 'ix wiln pax sja'l yilx yoc 'uj 'a yic caw c'ojan,
27palta may 'aj xwac' 'ejm in b'a 'a jun tzo'n̈ cha, may 'aj xin moj q'ue in c'ab' yic xwaln in b'a 'a eb' 'a c'ultaquil.
28Q'uinloc 'ixta xwutj in b'a, smoj wal cab' sjaw yailal 'a wib'an̈; to 'ixta' yet' am chab'satl tzwutj wi'n 'ejm in b'a 'a Dios 'ay 'a satcha'an̈.
29May 'aj in tzalji yic x'och syailal eb' 'ajc'ojl yajch 'ayin, may 'aj in tzalji yic xlaj jaw syailal eb' 'a yib'an̈.
30May 'aj x'och in mul in c'ann cot chaml 'a yib'n̈ eb'.
31A eb' cajn wet' 'a watut, yojc eb' to a smasnil eb' ula 'anma tzlaj 'ec' 'ayin, tzwa'n̈j wa eb'.
32A eb' b'eymal 'anma', may 'aj xyal in c'ojl xcan eb' 'a yol caye wayoc, palta to jacnn̈ej watut 'a eb'.
33May 'aj xin c'ub'j 'el in mul 'icha tzyac' jun tzo'n̈ xo eb', may 'aj c'ultac yaj in mul wu'uj,
34yuj in xiw 'a junc 'anma'. May pax 'aj xin macch in b'a 'a yol watut yuj in xiwc'ojlal 'a eb' wican.
35Comnoc wal 'ay mach tz'ab'n tas wan waln tic. A jun tzo'n̈ tzwal tic, caw yel eb' smasnil. Ax ticnec, tzin tan̈wej tas spac 'oj 'ajxoc 'ayn yuj Dios tztac' yuj smasnil. Ax mach tzin 'a'n queja cha, comnoc wach' pax tzyutj stz'ib'n 'a junc un̈ yuj tas wan yaln cha.
36Tzwac' q'ue am jun tzo'n̈ spaxti chi 'a sjolm in quelab', mto tzwac' q'ue 'a in jolm 'icha junc corona. Caw am tzin b'an̈ cob' in b'a yet'oc.
37Caw am tzwal 'a Dios yuj jantcn̈ej tas tzin b'o'o, matz in q'uixw am in c'och 'a yojltac.
38Ax lum in lum 'aj tzin munlji, toto tzq'ue'ch yaln sb'a lum 'a satcha'an̈, q'uinloc tzcus pax eb' 'aj 'ic'b'il 'ec' lum chi wu'uj.
39Q'uinloc 'ay tas ton̈j in c'uxjnac 'a smunljel junc mach, man̈toc tojb'il wu'uj, toto yixtjnac sb'a jun 'ay yic lum lum chi sb'oni,
40to 'ixta', q'uib' cab' te q'uix 'a sat in lum sjelc 'ixm trigo, ax te comn c'ultc tzq'uib' sjelc 'ixm cebada, xchi Job.
Atn 'a tic xlajw c'och yaln Job jun tzo'n̈ spaxti' yic tzcoln sb'a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.