Job 18
18
1Ax Bildad win 'aj Súah, xyaln win 'ixtic:
2¿B'a'n̈ 'oj ochwan a paxtini? Toto 'oj nachjoc 'el o'oj, an̈ xo tic on̈, 'oj calx quic on̈.
3¿Tas yuj tzon̈ al noc'l on̈, 'icha wal to man̈x jac qui nab'en 'a a sat?
4¿Tas yuj tza chal lajwc a b'a yuj a chichnc'ojlal? Am wal a nani to yuj 'ixta tzotj a b'a cha, ax scan lum lum tic 'a sictaquil, mto 'oj jelmjoc q'uen niwc q'uen 'a yet'ul.
5A tas 'aych yipc sc'ojl junc mach tu sb'eyb'al, 'oj satcn 'ejm 'icha tzyac' junc cantil tztup sc'aq'uil, man̈xtzac chacb'i.
6'Oj tup pax scantil chi 'a yol yatut; man̈x 'a sacq'uinl 'ayc' 'a 'a.
7A yoc caw 'ay yip ticnec, 'oj 'el yip, ax jun tzo'n̈ nab'en cob' tzyala, a 'oj sutmjoc 'och 'a 'a.
8'Oj 'ajxoc 'ejm ch'an̈yal 'a yol sb'e, ax scan sut'n jun yal chi 'a 'a.
9'Oj b'o 'ejm junc lasu sot'snub'l tz'aj 'a yol sb'e, ax jun sot'snub'l chi 'oj can 'a sjaj yoc.
10A jun ch'an̈yal cha, c'ultac 'oj 'aj 'ejm 'a yol sb'e, ax yic 'oj 'ec' ta', ax scan sut'n 'a 'a.
11Tzanxn̈ej 'aj 'oj 'ec'oc, 'ay xoj smay schami, tza'n 'och eb' tzpechn b'ey chi yuj tzyab'i.
12Caw 'oj 'el yip yuj wejel, ax yailal, q'ueln xo 'och 'a 'a, yic tzjaw 'a yib'an̈.
13A yailal, a tzc'anlb'ej chamel, jab'jnal tzlajw 'ejm sniwnal junc maysch'olnil chi yu'uj.
14'Oj 'ijxoc 'el 'a scal sjunc'ojlal 'a yol yatut, ax sjucx 'at 'a yojltac xiwc'ojlal, atn chamel.
15A yatut cha, chucx mach 'oj cajnoc. Ax smasnil tas 'ay 'a 'a, 'oj tzicxoc can 'och azufre#Job 18.15 A azufre tzsecx can 'ejm 'a yojl junc cuarto 'aj tzcham junc 'anma'. 'a 'a.
16Lajn 'oj 'aj 'icha junc te te tacn̈ xo sch'an̈lyib', tacn̈ xo pax sc'ab'.
17Ax sat 'ejm yalx snanb'il cot 'a sat lum tic, man̈x b'a'n̈ 'oj b'inaxc sb'i.
18'Oj 'ijxoc 'el 'a scal sacq'uinal, ax sjulx can 'at 'a scal q'uic'q'uinal, 'oj 'ijxoc 'el 'a yolyib'n̈q'uinl tic.
19Man̈x 'a yin̈tl 'oj can 'a scal eb' yit chon̈ab', man̈x 'a junc yin̈tl chi 'oj can sjelc 'a yatut cha.
20A yic 'oj 'ab'xoc yab'xil yuj eb' 'anma', 'oj xiw chan̈ eb' cajn 'a stojlal 'aj tzq'uel c'u, yet' eb' cajn 'a stojlal 'aj tz'em c'u.
21'Ixta wal 'oj 'aj slajw 'ec' sq'uinl junc mach to maysch'olnil tzyutj sb'a, atn junc mach may yel'ch Dios 'a sat, xchi Bildad.
Currently Selected:
Job 18: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 18
18
1Ax Bildad win 'aj Súah, xyaln win 'ixtic:
2¿B'a'n̈ 'oj ochwan a paxtini? Toto 'oj nachjoc 'el o'oj, an̈ xo tic on̈, 'oj calx quic on̈.
3¿Tas yuj tzon̈ al noc'l on̈, 'icha wal to man̈x jac qui nab'en 'a a sat?
4¿Tas yuj tza chal lajwc a b'a yuj a chichnc'ojlal? Am wal a nani to yuj 'ixta tzotj a b'a cha, ax scan lum lum tic 'a sictaquil, mto 'oj jelmjoc q'uen niwc q'uen 'a yet'ul.
5A tas 'aych yipc sc'ojl junc mach tu sb'eyb'al, 'oj satcn 'ejm 'icha tzyac' junc cantil tztup sc'aq'uil, man̈xtzac chacb'i.
6'Oj tup pax scantil chi 'a yol yatut; man̈x 'a sacq'uinl 'ayc' 'a 'a.
7A yoc caw 'ay yip ticnec, 'oj 'el yip, ax jun tzo'n̈ nab'en cob' tzyala, a 'oj sutmjoc 'och 'a 'a.
8'Oj 'ajxoc 'ejm ch'an̈yal 'a yol sb'e, ax scan sut'n jun yal chi 'a 'a.
9'Oj b'o 'ejm junc lasu sot'snub'l tz'aj 'a yol sb'e, ax jun sot'snub'l chi 'oj can 'a sjaj yoc.
10A jun ch'an̈yal cha, c'ultac 'oj 'aj 'ejm 'a yol sb'e, ax yic 'oj 'ec' ta', ax scan sut'n 'a 'a.
11Tzanxn̈ej 'aj 'oj 'ec'oc, 'ay xoj smay schami, tza'n 'och eb' tzpechn b'ey chi yuj tzyab'i.
12Caw 'oj 'el yip yuj wejel, ax yailal, q'ueln xo 'och 'a 'a, yic tzjaw 'a yib'an̈.
13A yailal, a tzc'anlb'ej chamel, jab'jnal tzlajw 'ejm sniwnal junc maysch'olnil chi yu'uj.
14'Oj 'ijxoc 'el 'a scal sjunc'ojlal 'a yol yatut, ax sjucx 'at 'a yojltac xiwc'ojlal, atn chamel.
15A yatut cha, chucx mach 'oj cajnoc. Ax smasnil tas 'ay 'a 'a, 'oj tzicxoc can 'och azufre#Job 18.15 A azufre tzsecx can 'ejm 'a yojl junc cuarto 'aj tzcham junc 'anma'. 'a 'a.
16Lajn 'oj 'aj 'icha junc te te tacn̈ xo sch'an̈lyib', tacn̈ xo pax sc'ab'.
17Ax sat 'ejm yalx snanb'il cot 'a sat lum tic, man̈x b'a'n̈ 'oj b'inaxc sb'i.
18'Oj 'ijxoc 'el 'a scal sacq'uinal, ax sjulx can 'at 'a scal q'uic'q'uinal, 'oj 'ijxoc 'el 'a yolyib'n̈q'uinl tic.
19Man̈x 'a yin̈tl 'oj can 'a scal eb' yit chon̈ab', man̈x 'a junc yin̈tl chi 'oj can sjelc 'a yatut cha.
20A yic 'oj 'ab'xoc yab'xil yuj eb' 'anma', 'oj xiw chan̈ eb' cajn 'a stojlal 'aj tzq'uel c'u, yet' eb' cajn 'a stojlal 'aj tz'em c'u.
21'Ixta wal 'oj 'aj slajw 'ec' sq'uinl junc mach to maysch'olnil tzyutj sb'a, atn junc mach may yel'ch Dios 'a sat, xchi Bildad.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.