Jer 50
50
'Emnc chon̈b' Babilonia
1A tas alb'il 'a yib'n̈ Babilonia, atn schon̈b' eb' caldeo. 'Ix yaln Jehová 'ixtc 'ayn an Jeremías in tic, schecb' in Dios:
2Alc 'el jun 'ab'x tic, 'a'c yojcoc 'el eb' nacion̈. 'Ijec chan̈ e bandera, tzeyaln 'eli, man̈ e c'ub'c 'eli, alc 'ixtic: A Babilonia caw 'oj lajwc 'eli. A jun dios tzcuch Bel, 'oj 'el sq'uixwel, ax jun dios tzcuch Marduc, 'oj xiwoc. A sdiosal eb' 'aj Babilonia cha, caw 'oj can eb' 'a q'uixwc'ojlal. A jun tzo'n̈ yechl cha, 'oj ma'xoc poj eb', xe chi.
3A 'a stojlal norte, ata 'oj cot jun nacion̈ 'oj wul 'a'nc owl yet'oc. A 'oj 'a'noc can 'och 'a cusltaquil. Man̈x 'a 'anma 'oj can cajn 'a 'a, man̈x 'a pax no noc'. 'Oj 'at 'elc smasnil, xchi Dios.
'Oj meltzjoc pax eb' israel
4'Ix yaln Jehová 'ixtic: A 'a yic b'aq'uin̈, a eb' 'aj Israel, yet' eb' 'aj Judá, caw 'oj 'oc' eb', ax ya'n 'och sb'a eb' 'a yol in c'ab'. 5'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.
6A wal eb' in chon̈b' tic, lajn wal eb' 'icha e no calnelu satnc can 'ati, yujto man̈ wach'c tz'aj stan̈wx yuj yilmal, yuj cha, tzsatcn 'at e no 'a eb' lum jolmctac witz. Axn̈ejta tz'ec' e no 'a eb' lu'um, jun xo tzsat sc'ojl e no 'a scolal. 7Ax yic tzchan sb'a e no yet' junc 'ajc'ojl yajch 'a 'a, tzmilx cham e no yu'uj. 'Ixtnta pax yaj eb' in chon̈ab', tzyaln eb' 'ajc'ojl chi yuj eb' 'ixtic: An̈ tic, matz 'och jun tic qui muloc, yujto a eb' x'och smul 'a Jehová, atn jun tz'a'n tas tzc'ux eb', jun ya'jnac 'och eb' smam yichm eb' yipc sc'ojol, 'oj schic eb'.
8Ex in chon̈ab', 'eln̈ec 'a Babilonia, atn schon̈b' eb' caldeo, b'ab'ljan̈c 'icha tz'aj sb'ab'lj e no mam chiwo tz'i'n b'ey e no calnelu.
9Yujto 'oj wi' cot jun b'uln̈ eb' chon̈b' 'ay 'a stojlal norte, yic tzwul ya'nc eb' owl yet' Babilonia. Caw jun jit'n̈ 'oj yutc sb'a eb', 'oj 'ejmc yuj eb', yujto caw jeln eb' ya'n owal. A yic 'oj julwjc eb', may junc sjul-lab' eb' chi ton̈j 'oj 'ec'oc.
10An Jehová in, an tzwala, a tas 'ay 'a eb' 'aj Babilonia cha, 'oj 'elc'xoc 'at yuj eb'. 'Oj yelc' 'at eb' smasnil tas tznib'ej.
'Emnc chon̈b' Babilonia
11Ax wal ax tic ex 'aj Babilonia, caw ex tzalji yic xeyelc'n 'at smasnil tas 'ay 'a eb' in chon̈ab'. Caw ex b'atj chan̈ 'icha junc no quelm wacx tzte'w trigo, tzeya'n 'el eyaw 'icha yoc' no chej.
12Yuj cha, a e chon̈b' 'aj 'aljnac ex, caw q'uixweltac 'oj 'ajcni. Slajb'xoj 'oj 'ajcn 'a yib'n̈ jun tzo'n̈ xo nacion̈. Tacn̈ lum 'oj 'ajcni, man̈x 'a tas 'oj can 'a 'a.
13Yujto 'oj cot wal wowal, man̈x 'a xon junc mach 'oj cancn cajn 'a jun chon̈b' cha. Cusltac lum 'oj 'ajcni. Smasnil mach 'oj b'ey ta', caw 'oj xiw eb' yiln yuj jantc yailal 'oj jawc 'a yib'an̈.
14Smasnil eb' 'et'jnac sjul-lab', 'och cab' oyn eb' 'a Babilonia. Julwj cab' eb' 'a 'a, man̈ 'och wan cab' sjulxi, yujto x'och smul 'ayn an Jehová in.
15'A'c 'el eyaw yic owl 'a smasnil spatquil 'el chon̈ab': Wan yejm Babilonia, wan stelw jun tzo'n̈ storreal, wan sma'x 'ejm lan̈chjoc smuroal, xe chi. An Jehová in tic, stiempoal xo in pacn in b'a 'a Babilonia. Pacc e b'a pax 'a ax tic, 'icha wal x'aj jun tzo'n̈ xo nacion̈ yu'uj, 'ixta wal pax tzeyutej.
16Man̈x 'a junc mach tzeyactj can 'a Babilonia, man̈ eyactc can eb' tz'awi, yet' eb' tzmoln chan̈ sat 'awb'en. A wal yic 'oj yilnc eb' yoch jun owl cha, a eb' chuc chon̈b'al 'ayc' ta', 'oj meltzjoc eb' 'a schon̈ab'. Junjn eb', 'oj meltzjoc eb' 'a slu'um, xchi Dios.
Meltzjnac eb' israel
17'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'. 18Yuj cha, an Jehová in, tztac' wuj smasnil, sDiosal in Israel, an tzwala: 'Oj wa'ch syailal win sreyl Babilonia yet' smasnil eb' schon̈ab', 'icha wal wutjnac sreyl Asiria. 19'Oj wi'x meltzjoc eb' israel 'a slum jun 'ejm xo. 'Oj sc'ux eb' smasnil tas wach' tzc'uxxi, atn tas tzpac' 'a lum Carmelo, yet' 'a Basán. 'Oj sc'ux eb' jantc tas tznib'ej, atn tas tzpac' 'a lum jolmctac witz 'a yol yic Efraín, yet' 'a Galaad. 20An Jehová in, an tzwala: To a 'a yic jun tiempoal cha, 'oj in col 'elt jaywn̈ocx eb' 'aj Israel, yet' eb' 'aj Judá. 'Oj wi'l smasnil smul eb', yuj cha, man̈x 'a 'aj 'oj 'ilchjoc, 'oj wac' sat smasnil smul eb' cha, xchi Dios.
Yailal 'a yib'n̈ Babilonia
21'Ix yaln pax Jehová 'ixtic: An tzex in checa, 'at 'a'c owl 'a yol yic Merataim, yet' 'a smasnil eb' cajn 'a Pecod. Pechc b'eyc'oc eb', milc cham eb', masnto tzsatl eb' smasnil. Yicljec smasnil in checnb'il tic.
22Caw tz'ab'x sc'an̈ yoch owl 'a jun nacion̈ cha, yel xo niwquil tz'aj slajw 'eli.
23A Babilonia, mac'b'il poj smasnil yolyib'n̈q'uinl yu'uj. Ax ticnec, a 'oj ma'xoc pojoc, choc' 'oj 'ajcni. Caw tu 'oj yab' smasnil eb' nacion̈ yic 'oj yilnc 'och eb' yuj tas 'oj 'ajcn Babilonia cha.
24An Jehová in, an in b'ojnac 'ejm jun yal Babilonia. Ma'ix yil tas x'aj scan 'a jun ch'an̈ yal cha, yujto pit 'ix yutj sb'a 'ayin.
25'Ix in jac 'elt smasnil in yamc'ab' yic owl 'a yet'l 'aj molb'il wu'uj, yuj sch'oxn 'el yowl in c'ojol, yujto 'ay wal jun in munljel yowlal 'oj 'el'choc 'a schon̈b' eb' 'aj Babilonia.
26Tzanxn̈ej cab' 'aj tzex 'och eyac' owl yet' eb', jacc yet'l 'aj molb'il tas tzc'ux eb'. Molb'tzejc tastc 'ay 'a eb', tzlajw cha, tze satn can 'eli. Man̈x 'a jac tas tzcani.
27Milc cham eb' soldado eb', man̈x 'a cab' e niwnc'ojlal 'a eb'. 'Oltac wal eb', caw 'ix jaw stiempoal schan eb' syailal, xchi Jehová.
28('Ay eb' quit israelal tzyac' ganar yelt 'a Babilonia, ax 'a Sión tzjaw eb'. Tzyaln eb' yuj jantc wal tzyutj spacn sb'a Jehová qui Diosalec 'a eb' 'aj Babilonia cha, yuj tas sb'ojnac eb' 'a yatut Dios.)
29Tzyaln Dios 'ixtic: 'Awtjec cot smasnil eb' julwjum, 'och cab' eb' julwjoc 'a Babilonia. 'Ochn̈ec oyn 'a spatquil chon̈ab', sec may junc mach tz'at 'eloc. Pactzejc 'a 'icha wal smoj schani. 'Icha wal tas x'el sb'oni, 'ixta pax tzeyutej. Yujto jun 'ejmn̈ej ch'an xyutj sb'a eb' 'ayn an Jehová in, sDiosal in Israel, to Cojxn in.
30Yuj cha, an Jehová in, an tzwala, to a wal eb' quelm 'aj Babilonia, b'ulctac 'oj 'ajcn eb' scham 'a yoltc caye. 'Oj milxoc cham smasnil eb' soldado 'a jun c'ul cha.
31An Jehová in, tztac' wuj smasnil, an tzwal 'ixtic: Ex 'aj Babilonia, caw 'ajc'ojl wajch 'ayx ticnec, yujto caw b'an̈quintac tzeyutj e b'a. A ticnec, 'ix c'och sc'ul sjaw yailal 'a eyib'an̈.
32Ex 'anma to cob' tzeyij chan̈ e b'a, 'oj e telwi. Man̈x 'a mach 'oj e si'n cha'an̈. 'Oj in n̈us smasnil e chon̈ab', ax jun c'ac' chi 'oj n̈usnc smasnil tas 'ay 'a spatquil 'eli, xchi Dios.
33A Jehová tztac' yuj smasnil, a tzaln 'ixtic: A eb' 'aj chon̈b' Israel, yet' eb' 'aj Judá, wan yab'n eb' syal yuj tas tz'aj yixtx ticnec. 'Aych eb' 'a preso yuj eb' 'ajc'ojl yajch 'a 'a, matz 'actx 'el eb' yuj eb'. 34Palta an Jehová in, tztac' wuj smasnil, an 'oj in colcn 'el eb'. 'Oj in b'eyc'ojloc eb' wal 'a stojlal. 'Oj wac' junc'ojlal 'a in chon̈b' tic, ax pax 'a eb' 'aj Babilonia, cojn xiwc'ojlal 'oj wac' 'a eb', xchi.
35Tzyaln pax Jehová 'ixtic: 'Och cab' owl 'a Babilonia yet' 'a smasnil eb' cajn 'a 'a, yet' 'a eb' yajl yaj 'a scal eb', yet' 'a eb' tzyal jelnal sb'a.
36Milc cham eb' tztac' snan 'el paxti yalni, may snab'en eb'. Milc cham eb' soldado, 'in caw xiwc'ojlal xoj yaj eb'.
37Milc cham eb' soldado to tz'ib'x yuj xiwlal. Milc cham no chej to'jnac caruaje. Milc cham eb' soldado manb'il coti, atn eb' 'ayc' 'a scal eb', lajn xoj cab' tz'ajcn eb' 'icha eb' 'ix 'ix. 'Ijc 'at sricoal eb', 'elc'x cab' 'ati.
38Tup cab' 'ejm yal eb', tacj cab' chan̈ yet'l a', yujto a Babilonia, schon̈b'al jun tzo'n̈ comn dios yajb'entac yilxi. Yuj jun tzo'n̈ cha, tzsucb'i 'el snab'en eb'.
39Yuj cha, a chon̈b' Babilonia 'oj 'och yet'loc no calte'al noc', atn no 'oques yet' no avestruz. Man̈x 'a 'oxlajn̈b'a'n̈ 'oj 'aj cajn 'anma 'a 'a. 40An Jehová in, an tzwala, to lajn 'oj wutc can Babilonia 'icha Sodoma yet' Gomorra, yet' pax jun tzo'n̈ chon̈b' 'ay 'a stz'ey, c'uxn 'ix in satcn 'el 'a jun 'ejmn̈ej. Man̈x 'a mach 'oj cajnoc.
41'Iltec wal jun tzo'n̈ soldado tzcot 'a stojlal norte, til wal eb' rey tzcot yet' jun nacion̈ to caw jelan, wan syamn sb'a eb' 'a najat.
42Yet' eb' sjul-lab', yet' eb' slanza. Yel xo wal caw ow eb', matz 'o'ch xon jac sc'ojl eb'. Lajn yel yaw eb' 'icha sc'an̈ a mar, 'ay q'ue eb' 'a yib'n̈ chej. Lista xo yaj eb' scot wul yac' owl 'a Babilonia.
43A wal yic 'oj yab'nc sreyl Babilonia yab'xil jun tic, caw 'oj sicb'oc 'el sc'ab' yuj xiwc'ojlal, caw 'oj 'och 'a somc'ojlal yet' 'a yailal, 'icha wal junc 'ix 'ix wan yalj yune'.
44'Oj in jaw 'icha wal junc no león tz'elt 'a swaymtacl sti a Jordán, wal 'a yajn̈ej tzq'ue'ch no 'a junc lum pan̈n 'a'lic 'aj wach' swa no calnelu, tzsactzic can 'at e no yuj no'. 'Ixta wal 'oj 'aj s'at eb' 'aj Babilonia chi 'elc wuj ta', ax jun mach sic'b'il 'el wu'uj, a 'oj wa'cn 'och yajlilc ta'. ¿Mach junc 'oj stac' slajb'tzan sb'a yip wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac? 45'Ab'c wal tas tox 'ix in nalb'ej an Jehová in tic 'a yib'n̈ chon̈b' Babilonia, atn schon̈b' eb' caldeo. 'Oj 'ijxoc 'at yunnal eb', ax slan̈chj 'ejm yatut eb' 'a yib'an̈. 46A wal yic 'oj 'em Babilonia cha, caw 'oj 'ib'xoc lum lum tic, 'oj c'och yel yaw eb' 'a jun tzo'n̈ xo nacion̈, xchi Dios.
Currently Selected:
Jer 50: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Jer 50
50
'Emnc chon̈b' Babilonia
1A tas alb'il 'a yib'n̈ Babilonia, atn schon̈b' eb' caldeo. 'Ix yaln Jehová 'ixtc 'ayn an Jeremías in tic, schecb' in Dios:
2Alc 'el jun 'ab'x tic, 'a'c yojcoc 'el eb' nacion̈. 'Ijec chan̈ e bandera, tzeyaln 'eli, man̈ e c'ub'c 'eli, alc 'ixtic: A Babilonia caw 'oj lajwc 'eli. A jun dios tzcuch Bel, 'oj 'el sq'uixwel, ax jun dios tzcuch Marduc, 'oj xiwoc. A sdiosal eb' 'aj Babilonia cha, caw 'oj can eb' 'a q'uixwc'ojlal. A jun tzo'n̈ yechl cha, 'oj ma'xoc poj eb', xe chi.
3A 'a stojlal norte, ata 'oj cot jun nacion̈ 'oj wul 'a'nc owl yet'oc. A 'oj 'a'noc can 'och 'a cusltaquil. Man̈x 'a 'anma 'oj can cajn 'a 'a, man̈x 'a pax no noc'. 'Oj 'at 'elc smasnil, xchi Dios.
'Oj meltzjoc pax eb' israel
4'Ix yaln Jehová 'ixtic: A 'a yic b'aq'uin̈, a eb' 'aj Israel, yet' eb' 'aj Judá, caw 'oj 'oc' eb', ax ya'n 'och sb'a eb' 'a yol in c'ab'. 5'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.
6A wal eb' in chon̈b' tic, lajn wal eb' 'icha e no calnelu satnc can 'ati, yujto man̈ wach'c tz'aj stan̈wx yuj yilmal, yuj cha, tzsatcn 'at e no 'a eb' lum jolmctac witz. Axn̈ejta tz'ec' e no 'a eb' lu'um, jun xo tzsat sc'ojl e no 'a scolal. 7Ax yic tzchan sb'a e no yet' junc 'ajc'ojl yajch 'a 'a, tzmilx cham e no yu'uj. 'Ixtnta pax yaj eb' in chon̈ab', tzyaln eb' 'ajc'ojl chi yuj eb' 'ixtic: An̈ tic, matz 'och jun tic qui muloc, yujto a eb' x'och smul 'a Jehová, atn jun tz'a'n tas tzc'ux eb', jun ya'jnac 'och eb' smam yichm eb' yipc sc'ojol, 'oj schic eb'.
8Ex in chon̈ab', 'eln̈ec 'a Babilonia, atn schon̈b' eb' caldeo, b'ab'ljan̈c 'icha tz'aj sb'ab'lj e no mam chiwo tz'i'n b'ey e no calnelu.
9Yujto 'oj wi' cot jun b'uln̈ eb' chon̈b' 'ay 'a stojlal norte, yic tzwul ya'nc eb' owl yet' Babilonia. Caw jun jit'n̈ 'oj yutc sb'a eb', 'oj 'ejmc yuj eb', yujto caw jeln eb' ya'n owal. A yic 'oj julwjc eb', may junc sjul-lab' eb' chi ton̈j 'oj 'ec'oc.
10An Jehová in, an tzwala, a tas 'ay 'a eb' 'aj Babilonia cha, 'oj 'elc'xoc 'at yuj eb'. 'Oj yelc' 'at eb' smasnil tas tznib'ej.
'Emnc chon̈b' Babilonia
11Ax wal ax tic ex 'aj Babilonia, caw ex tzalji yic xeyelc'n 'at smasnil tas 'ay 'a eb' in chon̈ab'. Caw ex b'atj chan̈ 'icha junc no quelm wacx tzte'w trigo, tzeya'n 'el eyaw 'icha yoc' no chej.
12Yuj cha, a e chon̈b' 'aj 'aljnac ex, caw q'uixweltac 'oj 'ajcni. Slajb'xoj 'oj 'ajcn 'a yib'n̈ jun tzo'n̈ xo nacion̈. Tacn̈ lum 'oj 'ajcni, man̈x 'a tas 'oj can 'a 'a.
13Yujto 'oj cot wal wowal, man̈x 'a xon junc mach 'oj cancn cajn 'a jun chon̈b' cha. Cusltac lum 'oj 'ajcni. Smasnil mach 'oj b'ey ta', caw 'oj xiw eb' yiln yuj jantc yailal 'oj jawc 'a yib'an̈.
14Smasnil eb' 'et'jnac sjul-lab', 'och cab' oyn eb' 'a Babilonia. Julwj cab' eb' 'a 'a, man̈ 'och wan cab' sjulxi, yujto x'och smul 'ayn an Jehová in.
15'A'c 'el eyaw yic owl 'a smasnil spatquil 'el chon̈ab': Wan yejm Babilonia, wan stelw jun tzo'n̈ storreal, wan sma'x 'ejm lan̈chjoc smuroal, xe chi. An Jehová in tic, stiempoal xo in pacn in b'a 'a Babilonia. Pacc e b'a pax 'a ax tic, 'icha wal x'aj jun tzo'n̈ xo nacion̈ yu'uj, 'ixta wal pax tzeyutej.
16Man̈x 'a junc mach tzeyactj can 'a Babilonia, man̈ eyactc can eb' tz'awi, yet' eb' tzmoln chan̈ sat 'awb'en. A wal yic 'oj yilnc eb' yoch jun owl cha, a eb' chuc chon̈b'al 'ayc' ta', 'oj meltzjoc eb' 'a schon̈ab'. Junjn eb', 'oj meltzjoc eb' 'a slu'um, xchi Dios.
Meltzjnac eb' israel
17'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'. 18Yuj cha, an Jehová in, tztac' wuj smasnil, sDiosal in Israel, an tzwala: 'Oj wa'ch syailal win sreyl Babilonia yet' smasnil eb' schon̈ab', 'icha wal wutjnac sreyl Asiria. 19'Oj wi'x meltzjoc eb' israel 'a slum jun 'ejm xo. 'Oj sc'ux eb' smasnil tas wach' tzc'uxxi, atn tas tzpac' 'a lum Carmelo, yet' 'a Basán. 'Oj sc'ux eb' jantc tas tznib'ej, atn tas tzpac' 'a lum jolmctac witz 'a yol yic Efraín, yet' 'a Galaad. 20An Jehová in, an tzwala: To a 'a yic jun tiempoal cha, 'oj in col 'elt jaywn̈ocx eb' 'aj Israel, yet' eb' 'aj Judá. 'Oj wi'l smasnil smul eb', yuj cha, man̈x 'a 'aj 'oj 'ilchjoc, 'oj wac' sat smasnil smul eb' cha, xchi Dios.
Yailal 'a yib'n̈ Babilonia
21'Ix yaln pax Jehová 'ixtic: An tzex in checa, 'at 'a'c owl 'a yol yic Merataim, yet' 'a smasnil eb' cajn 'a Pecod. Pechc b'eyc'oc eb', milc cham eb', masnto tzsatl eb' smasnil. Yicljec smasnil in checnb'il tic.
22Caw tz'ab'x sc'an̈ yoch owl 'a jun nacion̈ cha, yel xo niwquil tz'aj slajw 'eli.
23A Babilonia, mac'b'il poj smasnil yolyib'n̈q'uinl yu'uj. Ax ticnec, a 'oj ma'xoc pojoc, choc' 'oj 'ajcni. Caw tu 'oj yab' smasnil eb' nacion̈ yic 'oj yilnc 'och eb' yuj tas 'oj 'ajcn Babilonia cha.
24An Jehová in, an in b'ojnac 'ejm jun yal Babilonia. Ma'ix yil tas x'aj scan 'a jun ch'an̈ yal cha, yujto pit 'ix yutj sb'a 'ayin.
25'Ix in jac 'elt smasnil in yamc'ab' yic owl 'a yet'l 'aj molb'il wu'uj, yuj sch'oxn 'el yowl in c'ojol, yujto 'ay wal jun in munljel yowlal 'oj 'el'choc 'a schon̈b' eb' 'aj Babilonia.
26Tzanxn̈ej cab' 'aj tzex 'och eyac' owl yet' eb', jacc yet'l 'aj molb'il tas tzc'ux eb'. Molb'tzejc tastc 'ay 'a eb', tzlajw cha, tze satn can 'eli. Man̈x 'a jac tas tzcani.
27Milc cham eb' soldado eb', man̈x 'a cab' e niwnc'ojlal 'a eb'. 'Oltac wal eb', caw 'ix jaw stiempoal schan eb' syailal, xchi Jehová.
28('Ay eb' quit israelal tzyac' ganar yelt 'a Babilonia, ax 'a Sión tzjaw eb'. Tzyaln eb' yuj jantc wal tzyutj spacn sb'a Jehová qui Diosalec 'a eb' 'aj Babilonia cha, yuj tas sb'ojnac eb' 'a yatut Dios.)
29Tzyaln Dios 'ixtic: 'Awtjec cot smasnil eb' julwjum, 'och cab' eb' julwjoc 'a Babilonia. 'Ochn̈ec oyn 'a spatquil chon̈ab', sec may junc mach tz'at 'eloc. Pactzejc 'a 'icha wal smoj schani. 'Icha wal tas x'el sb'oni, 'ixta pax tzeyutej. Yujto jun 'ejmn̈ej ch'an xyutj sb'a eb' 'ayn an Jehová in, sDiosal in Israel, to Cojxn in.
30Yuj cha, an Jehová in, an tzwala, to a wal eb' quelm 'aj Babilonia, b'ulctac 'oj 'ajcn eb' scham 'a yoltc caye. 'Oj milxoc cham smasnil eb' soldado 'a jun c'ul cha.
31An Jehová in, tztac' wuj smasnil, an tzwal 'ixtic: Ex 'aj Babilonia, caw 'ajc'ojl wajch 'ayx ticnec, yujto caw b'an̈quintac tzeyutj e b'a. A ticnec, 'ix c'och sc'ul sjaw yailal 'a eyib'an̈.
32Ex 'anma to cob' tzeyij chan̈ e b'a, 'oj e telwi. Man̈x 'a mach 'oj e si'n cha'an̈. 'Oj in n̈us smasnil e chon̈ab', ax jun c'ac' chi 'oj n̈usnc smasnil tas 'ay 'a spatquil 'eli, xchi Dios.
33A Jehová tztac' yuj smasnil, a tzaln 'ixtic: A eb' 'aj chon̈b' Israel, yet' eb' 'aj Judá, wan yab'n eb' syal yuj tas tz'aj yixtx ticnec. 'Aych eb' 'a preso yuj eb' 'ajc'ojl yajch 'a 'a, matz 'actx 'el eb' yuj eb'. 34Palta an Jehová in, tztac' wuj smasnil, an 'oj in colcn 'el eb'. 'Oj in b'eyc'ojloc eb' wal 'a stojlal. 'Oj wac' junc'ojlal 'a in chon̈b' tic, ax pax 'a eb' 'aj Babilonia, cojn xiwc'ojlal 'oj wac' 'a eb', xchi.
35Tzyaln pax Jehová 'ixtic: 'Och cab' owl 'a Babilonia yet' 'a smasnil eb' cajn 'a 'a, yet' 'a eb' yajl yaj 'a scal eb', yet' 'a eb' tzyal jelnal sb'a.
36Milc cham eb' tztac' snan 'el paxti yalni, may snab'en eb'. Milc cham eb' soldado, 'in caw xiwc'ojlal xoj yaj eb'.
37Milc cham eb' soldado to tz'ib'x yuj xiwlal. Milc cham no chej to'jnac caruaje. Milc cham eb' soldado manb'il coti, atn eb' 'ayc' 'a scal eb', lajn xoj cab' tz'ajcn eb' 'icha eb' 'ix 'ix. 'Ijc 'at sricoal eb', 'elc'x cab' 'ati.
38Tup cab' 'ejm yal eb', tacj cab' chan̈ yet'l a', yujto a Babilonia, schon̈b'al jun tzo'n̈ comn dios yajb'entac yilxi. Yuj jun tzo'n̈ cha, tzsucb'i 'el snab'en eb'.
39Yuj cha, a chon̈b' Babilonia 'oj 'och yet'loc no calte'al noc', atn no 'oques yet' no avestruz. Man̈x 'a 'oxlajn̈b'a'n̈ 'oj 'aj cajn 'anma 'a 'a. 40An Jehová in, an tzwala, to lajn 'oj wutc can Babilonia 'icha Sodoma yet' Gomorra, yet' pax jun tzo'n̈ chon̈b' 'ay 'a stz'ey, c'uxn 'ix in satcn 'el 'a jun 'ejmn̈ej. Man̈x 'a mach 'oj cajnoc.
41'Iltec wal jun tzo'n̈ soldado tzcot 'a stojlal norte, til wal eb' rey tzcot yet' jun nacion̈ to caw jelan, wan syamn sb'a eb' 'a najat.
42Yet' eb' sjul-lab', yet' eb' slanza. Yel xo wal caw ow eb', matz 'o'ch xon jac sc'ojl eb'. Lajn yel yaw eb' 'icha sc'an̈ a mar, 'ay q'ue eb' 'a yib'n̈ chej. Lista xo yaj eb' scot wul yac' owl 'a Babilonia.
43A wal yic 'oj yab'nc sreyl Babilonia yab'xil jun tic, caw 'oj sicb'oc 'el sc'ab' yuj xiwc'ojlal, caw 'oj 'och 'a somc'ojlal yet' 'a yailal, 'icha wal junc 'ix 'ix wan yalj yune'.
44'Oj in jaw 'icha wal junc no león tz'elt 'a swaymtacl sti a Jordán, wal 'a yajn̈ej tzq'ue'ch no 'a junc lum pan̈n 'a'lic 'aj wach' swa no calnelu, tzsactzic can 'at e no yuj no'. 'Ixta wal 'oj 'aj s'at eb' 'aj Babilonia chi 'elc wuj ta', ax jun mach sic'b'il 'el wu'uj, a 'oj wa'cn 'och yajlilc ta'. ¿Mach junc 'oj stac' slajb'tzan sb'a yip wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac? 45'Ab'c wal tas tox 'ix in nalb'ej an Jehová in tic 'a yib'n̈ chon̈b' Babilonia, atn schon̈b' eb' caldeo. 'Oj 'ijxoc 'at yunnal eb', ax slan̈chj 'ejm yatut eb' 'a yib'an̈. 46A wal yic 'oj 'em Babilonia cha, caw 'oj 'ib'xoc lum lum tic, 'oj c'och yel yaw eb' 'a jun tzo'n̈ xo nacion̈, xchi Dios.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.