Jer 27
27
Jun te yugo 'aych ch'oxnb'ilal
1A yic tot 'ochnc Sedequías win yunnal Josías, reyl 'a Judá, ata xpaxtin Jehová 'ayn an Jeremías: 2'Ix yaln 'ixtic: B'o jaye'oc lasu yet' junc te yugo, tzlajw cha, tza'n 'och 'a a jaj. 3Tzlajw cha, tzaln 'at junc checnb'il 'a eb' sreyl Edom, Moab, Amón, Tiro yet' Sidón. A 'a eb' checb' tzjaw 'a Jerusalén yic tzwul yilnc eb' win rey Sedequías, a 'a eb' tzalb'ti. 4Al 'a eb' to tzyal eb' 'a syajlil, to an Jehová in, tztac' wuj smasnil, sDiosal in Israel, an tzwal 'ixtic: 5Yet' wal in niwquil poder xin b'on yolyib'n̈q'uinal, yet' smasnil tas 'ay 'a 'a. In b'ojnac eb' 'anma', yet' no noc'. Yuj cha, tztac' wa'nn̈ej 'a mach 'aj tzyal in c'ojl tzwac'a. 6An tzwa'cn 'och snacion̈ eb' 'a yol sc'ab' in checb' Nabucodonosor sreyl Babilonia. An̈jtona pax e no calte'al noc', tzwa'cn 'och e no 'a yaln̈ schecnb'il. 7Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso. 8Toto 'ay junc nacion̈ chi ma'oj ya'ch sb'a 'a yaln̈ schecnb'il Nabucodonosor cha, an Jehová in, an tzwala, to 'oj wa'ch yailal 'a yib'an̈, atn owal, wejel, yet' yab'il, masnto 'oj satl eb' yu'uj.
9Yuj wal cha, man̈ e cha eyab' tas tzyal jun tzo'n̈ eb' tzaln 'ayex to matz eya'ch e b'a 'a yaln̈ schecnb'il win Nabucodonosor sreyl Babilonia. A eb' tzaln jun tzo'n̈ cha, atn eb' tztac' snan 'el paxti yalni, eb' tztac' yaln tas tzyal 'el'ch junc wayich, eb' wayjel, eb' tzalni tas 'oj ujc b'aq'uin̈. 10Palta a tas tzyal eb' cha, 'esn̈j smasnil. A tas 'oj eyic' 'a 'a, to 'oj eyijx 'at 'a junc xo chuc nacion̈al. An 'oj ex in pechcn 'ati, ata 'oj e chami. 11A pax jun tzo'n̈ nacion̈ to 'oj yaln̈j sc'ojl ya'n 'och sb'a 'a yol sc'ab' win sreyl Babilonia cha. An Jehová in, an tzwala to 'oj can cajn eb' 'a sat slu'um. 'Oj munljoc eb' 'a sat lu'um, xchi Dios, xa chi, xchi 'ayin.
12Yuj cha, in meltzj waln pax jun tzo'n̈ tic 'a Sedequías sreyl Judá. 'Ix waln 'ixtc 'a 'a: 'A'ch a b'a 'a yaln̈ schecnb'il sreyl Babilonia yet' 'a eb' schon̈b' winac, sec wach' ma'oj a chami. 13¿Tas yuj 'oj ac' cham a b'a yet' eb' a chon̈b' yuj owal, yuj wejel, yuj pax yab'il? Yujto 'ix yal Jehová to 'oj jawc jun tzo'n̈ tic 'a yib'n̈ smasnil nacion̈ to ma'oj ya'ch sb'a 'a yaln̈ schecnb'il sreyl Babilonia cha. 14Man̈ a cha ab' tas tzyal jun tzo'n̈ tzyalch sb'a schecb'oc Dios cha, atn eb' tzalni to matz a'ch a b'a 'a yaln̈ schecnb'il jun rey cha. A tas tzyal eb' cha, caw 'esn̈ej. 15A Jehová 'ix alni, to man̈oc tz'a'n yal eb' jun tzo'n̈ cha, caw 'esn̈j tas tzyal-l eb' 'a sb'i Jehová. Toto tza yiclj tas tzyal eb', 'oj ejx 'el 'a tic yet' eb' tzyalch sb'a checb'al cha, eb' tz'a'n 'es 'aych cha, ax a cham yet' eb', xin chi 'a win rey cha.
16Xlajw cha, xwaln pax 'a eb' ya'mal 'och sti eb' 'a Dios, yet' 'a smasnil eb' chon̈b' 'ixtic: A Jehová, a tzaln 'ixtc 'ayex: Man̈ e cha eyab' tas tzyal jun tzo'n̈ eb' tzyalch sb'a checb'al cha. Tzyal cob' eb' 'ayex, to yajn̈ej ax smeltzj pax syamc'ab'il watut 'ic'b'il 'at 'a Babilonia. A tas tzyal eb' cha, caw 'esn̈ej. 17Yuj cha, man̈ e cha eyab'i'. 'A'c 'och e b'a 'a yaln̈ schecnb'il win sreyl Babilonia cha, sec ma'oj e chami. ¿Tas wal yuj jun b'uln̈ 'oj 'aj slan̈chj can 'ejm jun chon̈b' tic? 18Toto caw yel in checb' yaj eb', leslwoc cab' eb' 'ayin, yujto an ton tic Jehová in, tztac' wuj smasnil. Sc'an cab' eb' 'ayin, sec wach' man̈xtzac 'ijx 'at jun tzo'n̈ xo syamc'ab'il watut 'a Babilonia, yet' tas 'ayt can 'a sdespacho win sreyl Judá, yet' 'a Jerusalén, xchi Dios, xin chi 'a eb'.
19-20A yic x'ijx 'at Jeconías yunnal Joacim, sreyl Judá yuj Nabucodonosor sreyl Babilonia, 'ix 'ijx 'at yet' smasnil eb' niwc winc 'ay 'a Judá cha, yet' eb' 'ay 'a Jerusalén. A 'a yic jun tiempoal cha, ma'ix 'ijx 'at jun tzo'n̈ niwc 'oy yet' jun niwquil pila nab'a bronce, yet' sb'achnub'al yalan̈, yet' pax jun tzo'n̈ xo yamc'ab' yic yatut Dios. 21Yuj cha, 'ix yaln Jehová 'ixtic: 'Ab'c tas tzwal an Jehová in tztac' wuj smasnil, sDiosal in Israel, an tzwal yuj jun tzo'n̈ yamc'ab' xcan to 'a watut cha, yet' pax jun tzo'n̈ xcan 'a sdespacho win sreyl Judá yet' 'a Jerusalén. 22An Jehová in an tzwala, to 'oj 'ijxoc 'at smasnil 'a Babilonia. Ata 'oj cancn ta', masnto 'a yic 'oj wi'x meltzjoc jun tzo'n̈ chi 'a jun e chon̈b' tic, xchi Dios.
Currently Selected:
Jer 27: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Jer 27
27
Jun te yugo 'aych ch'oxnb'ilal
1A yic tot 'ochnc Sedequías win yunnal Josías, reyl 'a Judá, ata xpaxtin Jehová 'ayn an Jeremías: 2'Ix yaln 'ixtic: B'o jaye'oc lasu yet' junc te yugo, tzlajw cha, tza'n 'och 'a a jaj. 3Tzlajw cha, tzaln 'at junc checnb'il 'a eb' sreyl Edom, Moab, Amón, Tiro yet' Sidón. A 'a eb' checb' tzjaw 'a Jerusalén yic tzwul yilnc eb' win rey Sedequías, a 'a eb' tzalb'ti. 4Al 'a eb' to tzyal eb' 'a syajlil, to an Jehová in, tztac' wuj smasnil, sDiosal in Israel, an tzwal 'ixtic: 5Yet' wal in niwquil poder xin b'on yolyib'n̈q'uinal, yet' smasnil tas 'ay 'a 'a. In b'ojnac eb' 'anma', yet' no noc'. Yuj cha, tztac' wa'nn̈ej 'a mach 'aj tzyal in c'ojl tzwac'a. 6An tzwa'cn 'och snacion̈ eb' 'a yol sc'ab' in checb' Nabucodonosor sreyl Babilonia. An̈jtona pax e no calte'al noc', tzwa'cn 'och e no 'a yaln̈ schecnb'il. 7Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso. 8Toto 'ay junc nacion̈ chi ma'oj ya'ch sb'a 'a yaln̈ schecnb'il Nabucodonosor cha, an Jehová in, an tzwala, to 'oj wa'ch yailal 'a yib'an̈, atn owal, wejel, yet' yab'il, masnto 'oj satl eb' yu'uj.
9Yuj wal cha, man̈ e cha eyab' tas tzyal jun tzo'n̈ eb' tzaln 'ayex to matz eya'ch e b'a 'a yaln̈ schecnb'il win Nabucodonosor sreyl Babilonia. A eb' tzaln jun tzo'n̈ cha, atn eb' tztac' snan 'el paxti yalni, eb' tztac' yaln tas tzyal 'el'ch junc wayich, eb' wayjel, eb' tzalni tas 'oj ujc b'aq'uin̈. 10Palta a tas tzyal eb' cha, 'esn̈j smasnil. A tas 'oj eyic' 'a 'a, to 'oj eyijx 'at 'a junc xo chuc nacion̈al. An 'oj ex in pechcn 'ati, ata 'oj e chami. 11A pax jun tzo'n̈ nacion̈ to 'oj yaln̈j sc'ojl ya'n 'och sb'a 'a yol sc'ab' win sreyl Babilonia cha. An Jehová in, an tzwala to 'oj can cajn eb' 'a sat slu'um. 'Oj munljoc eb' 'a sat lu'um, xchi Dios, xa chi, xchi 'ayin.
12Yuj cha, in meltzj waln pax jun tzo'n̈ tic 'a Sedequías sreyl Judá. 'Ix waln 'ixtc 'a 'a: 'A'ch a b'a 'a yaln̈ schecnb'il sreyl Babilonia yet' 'a eb' schon̈b' winac, sec wach' ma'oj a chami. 13¿Tas yuj 'oj ac' cham a b'a yet' eb' a chon̈b' yuj owal, yuj wejel, yuj pax yab'il? Yujto 'ix yal Jehová to 'oj jawc jun tzo'n̈ tic 'a yib'n̈ smasnil nacion̈ to ma'oj ya'ch sb'a 'a yaln̈ schecnb'il sreyl Babilonia cha. 14Man̈ a cha ab' tas tzyal jun tzo'n̈ tzyalch sb'a schecb'oc Dios cha, atn eb' tzalni to matz a'ch a b'a 'a yaln̈ schecnb'il jun rey cha. A tas tzyal eb' cha, caw 'esn̈ej. 15A Jehová 'ix alni, to man̈oc tz'a'n yal eb' jun tzo'n̈ cha, caw 'esn̈j tas tzyal-l eb' 'a sb'i Jehová. Toto tza yiclj tas tzyal eb', 'oj ejx 'el 'a tic yet' eb' tzyalch sb'a checb'al cha, eb' tz'a'n 'es 'aych cha, ax a cham yet' eb', xin chi 'a win rey cha.
16Xlajw cha, xwaln pax 'a eb' ya'mal 'och sti eb' 'a Dios, yet' 'a smasnil eb' chon̈b' 'ixtic: A Jehová, a tzaln 'ixtc 'ayex: Man̈ e cha eyab' tas tzyal jun tzo'n̈ eb' tzyalch sb'a checb'al cha. Tzyal cob' eb' 'ayex, to yajn̈ej ax smeltzj pax syamc'ab'il watut 'ic'b'il 'at 'a Babilonia. A tas tzyal eb' cha, caw 'esn̈ej. 17Yuj cha, man̈ e cha eyab'i'. 'A'c 'och e b'a 'a yaln̈ schecnb'il win sreyl Babilonia cha, sec ma'oj e chami. ¿Tas wal yuj jun b'uln̈ 'oj 'aj slan̈chj can 'ejm jun chon̈b' tic? 18Toto caw yel in checb' yaj eb', leslwoc cab' eb' 'ayin, yujto an ton tic Jehová in, tztac' wuj smasnil. Sc'an cab' eb' 'ayin, sec wach' man̈xtzac 'ijx 'at jun tzo'n̈ xo syamc'ab'il watut 'a Babilonia, yet' tas 'ayt can 'a sdespacho win sreyl Judá, yet' 'a Jerusalén, xchi Dios, xin chi 'a eb'.
19-20A yic x'ijx 'at Jeconías yunnal Joacim, sreyl Judá yuj Nabucodonosor sreyl Babilonia, 'ix 'ijx 'at yet' smasnil eb' niwc winc 'ay 'a Judá cha, yet' eb' 'ay 'a Jerusalén. A 'a yic jun tiempoal cha, ma'ix 'ijx 'at jun tzo'n̈ niwc 'oy yet' jun niwquil pila nab'a bronce, yet' sb'achnub'al yalan̈, yet' pax jun tzo'n̈ xo yamc'ab' yic yatut Dios. 21Yuj cha, 'ix yaln Jehová 'ixtic: 'Ab'c tas tzwal an Jehová in tztac' wuj smasnil, sDiosal in Israel, an tzwal yuj jun tzo'n̈ yamc'ab' xcan to 'a watut cha, yet' pax jun tzo'n̈ xcan 'a sdespacho win sreyl Judá yet' 'a Jerusalén. 22An Jehová in an tzwala, to 'oj 'ijxoc 'at smasnil 'a Babilonia. Ata 'oj cancn ta', masnto 'a yic 'oj wi'x meltzjoc jun tzo'n̈ chi 'a jun e chon̈b' tic, xchi Dios.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.