Jue 3
3
Jun tzo'n̈ chon̈b' cann̈c 'a yol yic Canaán
1'Ay jun tzo'n̈ chon̈b' cann̈c can yuj Jehová yic yajx prowal eb' israel, atn eb' mantzac 'alji yic yoch owl 'a lum Canaán. 2'Ix can eb', sec wach' a eb' yin̈tl Israel tzcuy sb'a eb' ya'n owal, atn eb' mant 'a xon 'aj tzyac' owal. 3Atn eb' tic cannac: O'e chon̈b'al eb' filisteo, smasnil eb' cananeo, eb' sidonio yet' eb' heveo, atn eb' cajn 'a lum jolmctac witz 'a Líbano, tz'atn̈j 'a lum yic Baal-hermón, masnto tzc'och 'a Hamat. 4Atn yet' jun tzo'n̈ eb' tic, 'ix 'ajx prowal eb' yuj Jehová yic tzyilni toto yel yiclum eb' 'a schecnb'il, atn jun yaljnac can Moisés 'a smam yichm eb'. 5'Ixta 'ix 'aj scan eb' 'a scal eb' cananeo, eb' hitita, eb' amorreo, eb' ferezeo, eb' heveo yet' eb' jebuseo. 6Ax yunnal yet' yisl eb' israel cha, 'ix yij sb'a eb' yet' yunnal yet' yisl eb' chuc chon̈b'al cha. 'Ix ya'n pax 'ejm sb'a eb' 'a sdiosal eb' cha.
Xcolx 'el eb' israel yuj Otoniel
7Caw tu tas sb'o eb' israel 'a sat Jehová sDiosal, xya'n eb' sat sc'ojl 'a 'a. Cojxn 'a jun tzo'n̈ yechl comn dios tzcuch Baal yet' 'a jun tzo'n̈ yechl Asera ata xyac' 'ejm sb'a eb'. 8Yuj wal cha, xcot yowl sc'ojl Jehová 'a yib'n̈ eb', 'ix 'ajx 'och eb' 'a yol sc'ab' win Cusan-risataim sreyl Mesopotamia. Wajxque ab'il 'ix 'och eb' israel chi yac' servil jun rey cha, 9masnto xtew eb' 'a Jehová, ax si'n 'elt jun colwjum 'a scal eb' israel cha. A xcoln 'elt eb', atn Otoniel win yunnal Cenaz, slajb' 'u'tac Caleb. 10Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj. 11A yic xlajw 'ec' jun tzo'n̈ cha, chawinc ab'il xcan eb' israel 'a junc'ojlal, masnto 'a yic xcham Otoniel.
Xcolx 'el eb' israel yuj Aod
12'Ix 'ochx smul eb' israel 'a sat Jehová jun 'ejm xo. Yuj cha, ax Jehová x'a'n sjelnal Eglón sreyl Moab, sec tzcan eb' 'a yaln̈ schecnb'il. 13Ax Eglón cha, junn̈j xyutj sb'a yet' eb' amonita, yet' eb' amalecita, 'ix ya'n eb' owl yet' eb' israel, 'ix yi'n can 'ec' eb' jun chon̈b' 'aj caw 'ay te palma, atn Jericó. 14Wajxclajn̈e ab'il x'och eb' israel 'a'j servil 'a win Eglón 15masnto xtew eb' 'a Jehová. 'Ixta to b'i'an, xya'n 'och junx colwjum 'a scal eb', atn Aod win surito smunlji, yunnal Guera, yin̈tl can Benjamín.
'Ay jun c'ual, 'ix checx 'at Aod yuj eb' yit chon̈ab' yic tz'at ya'nc jun stojlb'al 'a win Eglón cha. 16Ax Aod cha, 'ix sb'on jun sniwquil cuchlub' chab' ye. Nan̈l vara xyutj ste'il, spixn 'och 'a sjal-l snan̈al. Xya'n can 'och 'a stojlal swach' c'ab' 'a yol spichul. 17X'at ya'nc win q'uen tojlb'al chi 'a Eglón. A win Eglón cha, caw wal b'a'ch winac. 18Ax yic xlajw ya'n can win Aod chi q'uen tojlb'al cha, xyaln 'ixtc 'a eb' ajun yet' cha: Coyec, xchi. 19Palta ax yic xc'och 'a 'aj 'ay jun tzo'n̈ yechl comn dios 'ay 'a Gilgal, 'ix meltzj pax win jun 'ejm xo 'a 'aj 'ay win Eglón cha, xyaln 'a 'ixtic:
—'Ay wal jun in paxti tzin nib'j tzwal 'a c'ultacl 'aych mamin rey, xchi.
'Ix yaln jun rey chi 'a smasnil eb' schecb' 'ayc' 'a stz'ey, to tz'el eb' smasnil 'a yol sdespacho cha. 20Ax yic xcan Aod sch'ocj yet' Eglón, 'ix snitzn 'och sb'a 'a stz'ey winac, wocn 'ejm win 'a yol jun cuarto siclab'nac yojol, ata 'ay 'a cha'an̈. 'Ix yaln 'a win 'ixtic:
—'Ay jun spaxti Dios 'oj wal 'ayach, xchi.
Ax yic xyab'n win Eglón jun cha, 'ix q'ue wan win 'a yol xila. 21Xlajw cha, ax Aod xya'n 'ec' surito c'ab' 'a stojlal swach' c'ab'. 'Ix yi'n 'elt q'uen scuchlub' cha, stecn 'och 'a sc'ojl win rey cha. 22Caw 'ip stecch win q'ue'en, yuj cha, man̈ cojnoc q'uen cuchlub' chi x'ochi, palta x'och q'uen yet' yoc 'a yol sc'ojl winac. 'Ix c'axw 'el'ch q'uen 'a yich spatc winac. Yujto caw b'a'ch winac, yuj cha, ax schib'jal win chi xmacn can 'aj x'och q'ue'en, man̈x 'ic yij 'elt Aod chi q'ue'en. 23Xlajw cha, sch'apn can Aod te n̈a cha, 'ix macchj can te', ax 'a wentnu, ata x'el winac.
24A yic tox x'elt win Aod 'a yol te n̈a cha, 'ix jaw ewin schecb' win rey cha, ax xyiln eb' to macn te n̈a cha, 'aych pax sc'ab' te'. Xyaln eb' 'ixtic: A win rey tic, tecn to wanto am schulj winac, yuj cha, smacn can 'elt win te n̈a tic, xchi eb'. 25Caw 'ix stan̈wj eb', masnto stzactzj chan̈ eb', yujto matz jac win te n̈a cha, yuj cha, xyi'n 'el eb' sc'ab' te n̈a cha. Xlajw cha, sjacn eb' te', ax xyiln eb' t'ocn 'ec' win rey chi 'a sat lu'um, chamnc xo winac.
26Ya' sb'a tz'ec' stiempo eb' stan̈wni, ax Aod 'ipn s'at 'eloc. A yic tox 'ix 'ec' 'a 'aj 'ay jun tzo'n̈ yechl comn dios 'a Gilgal, axta x'at scol sb'a 'a Seirat. 27A yic tox xc'och 'a jolmctac witz yic Efraín, 'ix yutz'n no sch'ac calnelu, yic tzyawtn eb' israel ta'. 'Ix c'och smasnil eb' yet'oc. Junn̈j xoj x'aj eb' spaxx 'emt 'a lum jolm witz cha, xb'ab'lj Aod yuj eb'. 28Xlajw cha, xyaln 'a eb' 'ixtic: 'Ochn̈ec tza'n wu'uj, yujto a Jehová tox 'ix ya'ch eb' 'ajc'ojl yajch 'ayn̈ec 'a yol qui c'ab'ec, atn eb' moabita, xchi. Xlajw cha, x'och tza'n eb' yu'uj, axta xc'och eb' smac 'a sjayl sti a Jordán 'a yojltac 'at Moab. May xon junc moabita schaj 'ec' eb' ta'. 29A 'a yic jun tiempoal cha, 'aym lajn̈ec mil eb' moabita smil eb' israel. Smasnil jun tzo'n̈ xcham cha, caw te'n wincal eb' si'mb'il. Soldado eb', caw 'a'm owl eb', palta may junc xcolchj can 'eli. 30'Ixta 'ix 'aj yem Moab yuj eb' israel. Xlajw cha 80 ab'il 'ix can eb' 'a junc'ojlal.
Xcolx 'el eb' israel yuj Samgar
31A 'a spatquilx Aod cha, 'ix 'och junx win colwjum atn win Samgar yunnal Anat. A win xmiln waque ciente eb' filisteo. A jun te pechlab' wacax, a te sc'ana yic smiln win eb', yuj cha, xcolx pax eb' israel yuj winac.
Currently Selected:
Jue 3: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Jue 3
3
Jun tzo'n̈ chon̈b' cann̈c 'a yol yic Canaán
1'Ay jun tzo'n̈ chon̈b' cann̈c can yuj Jehová yic yajx prowal eb' israel, atn eb' mantzac 'alji yic yoch owl 'a lum Canaán. 2'Ix can eb', sec wach' a eb' yin̈tl Israel tzcuy sb'a eb' ya'n owal, atn eb' mant 'a xon 'aj tzyac' owal. 3Atn eb' tic cannac: O'e chon̈b'al eb' filisteo, smasnil eb' cananeo, eb' sidonio yet' eb' heveo, atn eb' cajn 'a lum jolmctac witz 'a Líbano, tz'atn̈j 'a lum yic Baal-hermón, masnto tzc'och 'a Hamat. 4Atn yet' jun tzo'n̈ eb' tic, 'ix 'ajx prowal eb' yuj Jehová yic tzyilni toto yel yiclum eb' 'a schecnb'il, atn jun yaljnac can Moisés 'a smam yichm eb'. 5'Ixta 'ix 'aj scan eb' 'a scal eb' cananeo, eb' hitita, eb' amorreo, eb' ferezeo, eb' heveo yet' eb' jebuseo. 6Ax yunnal yet' yisl eb' israel cha, 'ix yij sb'a eb' yet' yunnal yet' yisl eb' chuc chon̈b'al cha. 'Ix ya'n pax 'ejm sb'a eb' 'a sdiosal eb' cha.
Xcolx 'el eb' israel yuj Otoniel
7Caw tu tas sb'o eb' israel 'a sat Jehová sDiosal, xya'n eb' sat sc'ojl 'a 'a. Cojxn 'a jun tzo'n̈ yechl comn dios tzcuch Baal yet' 'a jun tzo'n̈ yechl Asera ata xyac' 'ejm sb'a eb'. 8Yuj wal cha, xcot yowl sc'ojl Jehová 'a yib'n̈ eb', 'ix 'ajx 'och eb' 'a yol sc'ab' win Cusan-risataim sreyl Mesopotamia. Wajxque ab'il 'ix 'och eb' israel chi yac' servil jun rey cha, 9masnto xtew eb' 'a Jehová, ax si'n 'elt jun colwjum 'a scal eb' israel cha. A xcoln 'elt eb', atn Otoniel win yunnal Cenaz, slajb' 'u'tac Caleb. 10Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj. 11A yic xlajw 'ec' jun tzo'n̈ cha, chawinc ab'il xcan eb' israel 'a junc'ojlal, masnto 'a yic xcham Otoniel.
Xcolx 'el eb' israel yuj Aod
12'Ix 'ochx smul eb' israel 'a sat Jehová jun 'ejm xo. Yuj cha, ax Jehová x'a'n sjelnal Eglón sreyl Moab, sec tzcan eb' 'a yaln̈ schecnb'il. 13Ax Eglón cha, junn̈j xyutj sb'a yet' eb' amonita, yet' eb' amalecita, 'ix ya'n eb' owl yet' eb' israel, 'ix yi'n can 'ec' eb' jun chon̈b' 'aj caw 'ay te palma, atn Jericó. 14Wajxclajn̈e ab'il x'och eb' israel 'a'j servil 'a win Eglón 15masnto xtew eb' 'a Jehová. 'Ixta to b'i'an, xya'n 'och junx colwjum 'a scal eb', atn Aod win surito smunlji, yunnal Guera, yin̈tl can Benjamín.
'Ay jun c'ual, 'ix checx 'at Aod yuj eb' yit chon̈ab' yic tz'at ya'nc jun stojlb'al 'a win Eglón cha. 16Ax Aod cha, 'ix sb'on jun sniwquil cuchlub' chab' ye. Nan̈l vara xyutj ste'il, spixn 'och 'a sjal-l snan̈al. Xya'n can 'och 'a stojlal swach' c'ab' 'a yol spichul. 17X'at ya'nc win q'uen tojlb'al chi 'a Eglón. A win Eglón cha, caw wal b'a'ch winac. 18Ax yic xlajw ya'n can win Aod chi q'uen tojlb'al cha, xyaln 'ixtc 'a eb' ajun yet' cha: Coyec, xchi. 19Palta ax yic xc'och 'a 'aj 'ay jun tzo'n̈ yechl comn dios 'ay 'a Gilgal, 'ix meltzj pax win jun 'ejm xo 'a 'aj 'ay win Eglón cha, xyaln 'a 'ixtic:
—'Ay wal jun in paxti tzin nib'j tzwal 'a c'ultacl 'aych mamin rey, xchi.
'Ix yaln jun rey chi 'a smasnil eb' schecb' 'ayc' 'a stz'ey, to tz'el eb' smasnil 'a yol sdespacho cha. 20Ax yic xcan Aod sch'ocj yet' Eglón, 'ix snitzn 'och sb'a 'a stz'ey winac, wocn 'ejm win 'a yol jun cuarto siclab'nac yojol, ata 'ay 'a cha'an̈. 'Ix yaln 'a win 'ixtic:
—'Ay jun spaxti Dios 'oj wal 'ayach, xchi.
Ax yic xyab'n win Eglón jun cha, 'ix q'ue wan win 'a yol xila. 21Xlajw cha, ax Aod xya'n 'ec' surito c'ab' 'a stojlal swach' c'ab'. 'Ix yi'n 'elt q'uen scuchlub' cha, stecn 'och 'a sc'ojl win rey cha. 22Caw 'ip stecch win q'ue'en, yuj cha, man̈ cojnoc q'uen cuchlub' chi x'ochi, palta x'och q'uen yet' yoc 'a yol sc'ojl winac. 'Ix c'axw 'el'ch q'uen 'a yich spatc winac. Yujto caw b'a'ch winac, yuj cha, ax schib'jal win chi xmacn can 'aj x'och q'ue'en, man̈x 'ic yij 'elt Aod chi q'ue'en. 23Xlajw cha, sch'apn can Aod te n̈a cha, 'ix macchj can te', ax 'a wentnu, ata x'el winac.
24A yic tox x'elt win Aod 'a yol te n̈a cha, 'ix jaw ewin schecb' win rey cha, ax xyiln eb' to macn te n̈a cha, 'aych pax sc'ab' te'. Xyaln eb' 'ixtic: A win rey tic, tecn to wanto am schulj winac, yuj cha, smacn can 'elt win te n̈a tic, xchi eb'. 25Caw 'ix stan̈wj eb', masnto stzactzj chan̈ eb', yujto matz jac win te n̈a cha, yuj cha, xyi'n 'el eb' sc'ab' te n̈a cha. Xlajw cha, sjacn eb' te', ax xyiln eb' t'ocn 'ec' win rey chi 'a sat lu'um, chamnc xo winac.
26Ya' sb'a tz'ec' stiempo eb' stan̈wni, ax Aod 'ipn s'at 'eloc. A yic tox 'ix 'ec' 'a 'aj 'ay jun tzo'n̈ yechl comn dios 'a Gilgal, axta x'at scol sb'a 'a Seirat. 27A yic tox xc'och 'a jolmctac witz yic Efraín, 'ix yutz'n no sch'ac calnelu, yic tzyawtn eb' israel ta'. 'Ix c'och smasnil eb' yet'oc. Junn̈j xoj x'aj eb' spaxx 'emt 'a lum jolm witz cha, xb'ab'lj Aod yuj eb'. 28Xlajw cha, xyaln 'a eb' 'ixtic: 'Ochn̈ec tza'n wu'uj, yujto a Jehová tox 'ix ya'ch eb' 'ajc'ojl yajch 'ayn̈ec 'a yol qui c'ab'ec, atn eb' moabita, xchi. Xlajw cha, x'och tza'n eb' yu'uj, axta xc'och eb' smac 'a sjayl sti a Jordán 'a yojltac 'at Moab. May xon junc moabita schaj 'ec' eb' ta'. 29A 'a yic jun tiempoal cha, 'aym lajn̈ec mil eb' moabita smil eb' israel. Smasnil jun tzo'n̈ xcham cha, caw te'n wincal eb' si'mb'il. Soldado eb', caw 'a'm owl eb', palta may junc xcolchj can 'eli. 30'Ixta 'ix 'aj yem Moab yuj eb' israel. Xlajw cha 80 ab'il 'ix can eb' 'a junc'ojlal.
Xcolx 'el eb' israel yuj Samgar
31A 'a spatquilx Aod cha, 'ix 'och junx win colwjum atn win Samgar yunnal Anat. A win xmiln waque ciente eb' filisteo. A jun te pechlab' wacax, a te sc'ana yic smiln win eb', yuj cha, xcolx pax eb' israel yuj winac.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.