Jue 10
10
Ya'jnac win Tola yet' Jair yajlil
1A yic chamnc xo Abimelec, 'ay jun win yin̈tl Isacar 'ix 'ochx can scol chon̈b' Israel. A win tic, Tola sb'i, yunnal jun win tzcuch Fúa, yixchicn win Dodo. A win Tola cha, ata cajn win 'a chon̈b' Samir 'a eb' lum jolmctac witz 'a yol smacb'en eb' yin̈tl Efraín. 2'Oxeschawinc ab'il 'ix yac' yajlil 'a yib'n̈ chon̈b' Israel, masnto xchami, axta xmucx 'a chon̈b' Samir.
3Xlajw cha, ax Jair win 'aj Galaad, a win x'ochx can yac' yajlil 'a chab'schawinc ab'il. 4A win Jair cha, 'ay lajn̈schawinc yunnal. A eb' yunnal win cha, 'ayn̈j sb'uru junjn eb', yib'n̈ b'uru chi tz'ec' eb'. 'Ay pax junjn schon̈b' eb' 'a yol yic Galaad cha. A lajn̈schawinc chon̈b' cha, an̈ja yalx yuj eb' 'ixtic: A Eb' Lum Schon̈b' Can Jair, xchi.
5Ax yic xcham win Jair, ata xmucx win 'a jun lugar tzcuch Camón.
Tz'ixtx eb' israel yuj eb' amonita
6Palta ax eb' israel, 'ix scha b'oj pax eb' maysch'olnil 'a yojltac Jehová. 'Ix laj yal sb'a eb' 'a jun tzo'n̈ yechl comn dios tzcuch Baal yet' 'a Astarot. Xlaj yalnc sb'a eb' 'a jun tzo'n̈ sdiosal eb' chon̈b' tic: atn Siria, Sidón, Moab, Amón yet' schon̈b' eb' filisteo. 'Ix yactn can eb' yoch 'emmquilal 'a Jehová. 7-8Yuj cha, 'ix cot yowl sc'ojl Dios 'a yib'n̈ eb'. A 'a jun ab'il cha ata 'ix 'ajx 'och eb' israel chi 'a yol sc'ab' eb' filisteo yet' 'a eb' 'aj Amón. Caw wal 'ix 'ixtx eb' israel yuj eb' 'ajc'ojl cha. Wajxclajn̈e ab'il 'ix can eb' 'a yol sc'ab' eb'. 'Ix yac' eb' sgana yixtn eb' cajn 'a lum Galaad, yet' eb' cajn 'a sc'axpil 'ec' sti a Jordán 'a slum can eb' amorreo. 9Ax eb' 'aj Amón cha, 'ix c'axw 'ec' eb' 'a yol a Jordán yic tz'at ya'nc eb' owl yet' eb' yin̈tl Judá, eb' yin̈tl Benjamín yet' eb' yin̈tl Efraín. Caw wal tz'ixtx eb' chi yuj eb'. 10Yuj cha, 'ix sc'ann eb' israel chi scolwal Jehová yet'oc, 'ix yaln eb' 'ixtic:
—Ach qui Diosal, 'ix 'och wal qui mul 'ayach, ach cactj can on̈, ax 'a jun tzo'n̈ yechl jun comn dios Baal, ata 'ix cac' 'ejm qui b'a on̈, xchi eb'.
11'Ix ta'w Jehová 'a eb' 'ixtic:
—Ax tic, ex 'ixtx yuj eb' egipcio, yuj eb' amorreo, yuj eb' amonita, yuj eb' filisteo, 12yuj eb' sidonio, yuj eb' amalecita, yuj pax eb' maonita. Ax yic xeyaln e b'a 'ayin, ex in coln can 'elt 'a yol sc'ab' eb'. 13Wach'xam 'ixta ex wutej, palta in eyactj can paxi, ax 'a jun tzo'n̈ comn dios 'aj xlaj eyac' 'ejm e b'a, yuj cha, man̈x 'oj in colwj eyet'oc. 14'Ixquec, 'at c'anc scolwal eb' comn dios chi xeya'ch yipc e c'ojl cha. A cab' eb' tzex coln 'elt 'a scal e cusc'ojlal, xchi 'a eb'.
15Yuj cha, 'ix ta'w eb' 'ixtc 'a Jehová:
—'Ix 'och wal qui mul 'ayach, ax ticnec, ach tza na'a tas tzon̈ otej, cojn tas tzqui c'an 'ayach, to tzon̈ a colcn 'el 'a yol sc'ab' eb' 'anma tic, xchi eb'. 16'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.
17Ax eb' amonita, 'ix syam sb'a eb', axta xc'och b'uln eb' 'a stz'ey Galaad. An̈jtona eb' israel, 'ix syam sb'a eb', axta xc'och b'uln eb' 'a Mizpa. 18A eb' yajl yaj 'a scal eb' israel cajn 'a Galaad, 'ix laj yal-lanc junjn eb' 'a 'ixtic: A mach tzon̈ jucb'tzan 'a owl yet' eb' amonita, a jun winc cha, a tz'ochcn qui yajlilc qui masnil 'a Galaad tic, xchi eb'.
Currently Selected:
Jue 10: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Jue 10
10
Ya'jnac win Tola yet' Jair yajlil
1A yic chamnc xo Abimelec, 'ay jun win yin̈tl Isacar 'ix 'ochx can scol chon̈b' Israel. A win tic, Tola sb'i, yunnal jun win tzcuch Fúa, yixchicn win Dodo. A win Tola cha, ata cajn win 'a chon̈b' Samir 'a eb' lum jolmctac witz 'a yol smacb'en eb' yin̈tl Efraín. 2'Oxeschawinc ab'il 'ix yac' yajlil 'a yib'n̈ chon̈b' Israel, masnto xchami, axta xmucx 'a chon̈b' Samir.
3Xlajw cha, ax Jair win 'aj Galaad, a win x'ochx can yac' yajlil 'a chab'schawinc ab'il. 4A win Jair cha, 'ay lajn̈schawinc yunnal. A eb' yunnal win cha, 'ayn̈j sb'uru junjn eb', yib'n̈ b'uru chi tz'ec' eb'. 'Ay pax junjn schon̈b' eb' 'a yol yic Galaad cha. A lajn̈schawinc chon̈b' cha, an̈ja yalx yuj eb' 'ixtic: A Eb' Lum Schon̈b' Can Jair, xchi.
5Ax yic xcham win Jair, ata xmucx win 'a jun lugar tzcuch Camón.
Tz'ixtx eb' israel yuj eb' amonita
6Palta ax eb' israel, 'ix scha b'oj pax eb' maysch'olnil 'a yojltac Jehová. 'Ix laj yal sb'a eb' 'a jun tzo'n̈ yechl comn dios tzcuch Baal yet' 'a Astarot. Xlaj yalnc sb'a eb' 'a jun tzo'n̈ sdiosal eb' chon̈b' tic: atn Siria, Sidón, Moab, Amón yet' schon̈b' eb' filisteo. 'Ix yactn can eb' yoch 'emmquilal 'a Jehová. 7-8Yuj cha, 'ix cot yowl sc'ojl Dios 'a yib'n̈ eb'. A 'a jun ab'il cha ata 'ix 'ajx 'och eb' israel chi 'a yol sc'ab' eb' filisteo yet' 'a eb' 'aj Amón. Caw wal 'ix 'ixtx eb' israel yuj eb' 'ajc'ojl cha. Wajxclajn̈e ab'il 'ix can eb' 'a yol sc'ab' eb'. 'Ix yac' eb' sgana yixtn eb' cajn 'a lum Galaad, yet' eb' cajn 'a sc'axpil 'ec' sti a Jordán 'a slum can eb' amorreo. 9Ax eb' 'aj Amón cha, 'ix c'axw 'ec' eb' 'a yol a Jordán yic tz'at ya'nc eb' owl yet' eb' yin̈tl Judá, eb' yin̈tl Benjamín yet' eb' yin̈tl Efraín. Caw wal tz'ixtx eb' chi yuj eb'. 10Yuj cha, 'ix sc'ann eb' israel chi scolwal Jehová yet'oc, 'ix yaln eb' 'ixtic:
—Ach qui Diosal, 'ix 'och wal qui mul 'ayach, ach cactj can on̈, ax 'a jun tzo'n̈ yechl jun comn dios Baal, ata 'ix cac' 'ejm qui b'a on̈, xchi eb'.
11'Ix ta'w Jehová 'a eb' 'ixtic:
—Ax tic, ex 'ixtx yuj eb' egipcio, yuj eb' amorreo, yuj eb' amonita, yuj eb' filisteo, 12yuj eb' sidonio, yuj eb' amalecita, yuj pax eb' maonita. Ax yic xeyaln e b'a 'ayin, ex in coln can 'elt 'a yol sc'ab' eb'. 13Wach'xam 'ixta ex wutej, palta in eyactj can paxi, ax 'a jun tzo'n̈ comn dios 'aj xlaj eyac' 'ejm e b'a, yuj cha, man̈x 'oj in colwj eyet'oc. 14'Ixquec, 'at c'anc scolwal eb' comn dios chi xeya'ch yipc e c'ojl cha. A cab' eb' tzex coln 'elt 'a scal e cusc'ojlal, xchi 'a eb'.
15Yuj cha, 'ix ta'w eb' 'ixtc 'a Jehová:
—'Ix 'och wal qui mul 'ayach, ax ticnec, ach tza na'a tas tzon̈ otej, cojn tas tzqui c'an 'ayach, to tzon̈ a colcn 'el 'a yol sc'ab' eb' 'anma tic, xchi eb'. 16'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.
17Ax eb' amonita, 'ix syam sb'a eb', axta xc'och b'uln eb' 'a stz'ey Galaad. An̈jtona eb' israel, 'ix syam sb'a eb', axta xc'och b'uln eb' 'a Mizpa. 18A eb' yajl yaj 'a scal eb' israel cajn 'a Galaad, 'ix laj yal-lanc junjn eb' 'a 'ixtic: A mach tzon̈ jucb'tzan 'a owl yet' eb' amonita, a jun winc cha, a tz'ochcn qui yajlilc qui masnil 'a Galaad tic, xchi eb'.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.