Is 2
2
'Oj yac' Jehová Yajlil 'a slajb' c'ual
(Miq 4.1-3)
1'Aycto 'ix ch'oxx can jun tzo'n̈ tic yil win Isaías, atn win yunnal Amoz, yuj tas wan sjaw 'a yib'n̈ chon̈b' Judá yet' Jerusalén.
2A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.
3Til wal 'anma chi 'oj c'och ta', ax yaln eb' 'ixtic: Cotn̈ec, coyc 'a lum jolm witz 'aj 'ay yatut Jehová, atn sDiosal eb' yin̈tl Jacob. Coyc quila', sec to 'oj on̈ scuyc 'a wach' b'eyb'al, ax qui b'eylb'anec sb'eyb'al cha, 'oj schic eb'. Yujto a 'a switzl Sión ata 'oj 'eltoc ley, ax 'a Jerusalén ata 'oj cuyxoc spaxti Dios.
4A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.
5Cotn̈ec ex yin̈tl can Jacob, b'eycoyc 'a sacq'uinlal Jehová.
'Oj 'ajxc cuenta eb' tenmtac yuj Jehová
6Mamin Jehová, yel ton wal b'i'an 'actb'il can eb' a chon̈b' tic o'oj, atn eb' yin̈tl can Jacob, yujto til wal tz'aj sniwtj eb' 'ajchum 'a jun chon̈b' tic, atn eb' xlaj cot 'a stojlal 'aj tzq'uel c'u yet' eb' tznan 'el paxti', 'icha tzyutj sb'a eb' filisteo. Tzlaj sb'o eb' strato yet' eb' chuc chon̈b'al.
7A snacion̈ eb' tic caw wal rico, til wal q'uen oro yet' q'uen plata 'ay 'a 'a; til wal no chej cajb'il yuj eb', man̈xtzac b'ischj pax scaruaje eb'.
8Palta caw wal tzniwtj jun tzo'n̈ yechl comn dios 'a yol schon̈b' eb'. A eb' 'anma tic, tzlaj yac' 'ejm sb'a eb' 'a jun tzo'n̈ yechl tzlaj sb'o cha.
9Smulyujoc jun tzo'n̈ cha, 'ax ya'n eb' sq'uixwloc, man̈x 'a yel'ch 'oj 'ajcn eb'. Man̈ ac' niwnc'ojlal eb' Mamin.
10Ex wit chon̈ab', c'ub'jec 'el e b'a 'a yol n̈aq'ue'en, yet' 'a yojl eb' lum xab'. Smoj wal e xiw 'a Jehová, yujto caw wal 'ay smay yilx 'oj 'aj sjaw yet' stzictznial.
11A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.
12A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;
13ax satn 'el smasnil te c'ute 'a Líbano, yet' te niwc jiy 'a lum Basán.
14'Oj satl pax eb' lum niwc witz 'ayb't 'a cha'an̈, yet' eb' lum niwc tzalan.#Is 2.14 'Ixta yaln jun tzo'n̈ copia 'a hebreo.
15'Oj satl storreal chon̈ab' yet' smuroal oyn 'och 'a spatic,
16ax ya'n 'ijxc 'ejm eb' te barco yic Tarsis 'a yich a mar, yet' pax jun tzo'n̈ xo barco wach' yilxi.
17A eb' b'an̈quintac yet' eb' tzyij chan̈ sb'a, 'oj lajwc 'ejm eb' smasnil. A sb'an̈quinal eb' cha, 'oj 'ijxoc can 'ejmi. Cojxn Jehová 'oj 'ijxc chan̈ sb'i 'a jun c'u cha,
18ax ya'n satl smasnil jun tzo'n̈ yechl comn dios cha.
19A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', ax laj sc'ub'n 'el sb'a eb' 'a yol n̈aq'ue'en, 'a yojl eb' lum xab'. Ata 'oj sc'ub'c 'el sb'a eb', yujto caw 'ay smay yilx Jehová yet' stzictznial.
20A 'a jun c'u cha, a eb' 'anma', 'oj laj sjulcn 'at eb' jun tzo'n̈ yechl comn dios 'a scal no ch'o'ow yet' 'a scal no sotz'; atn jun tzo'n̈ b'ob'il yuj eb' 'a q'uen oro mto plata, jun tzo'n̈ 'aj xlaj yal sb'a eb'.
21A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', 'ay eb' 'oj sc'ub'c 'el sb'a 'a yol sjatlil q'uen q'ue'en, yet' 'a yol n̈aq'ue'en, yujto caw 'ay smay yilx Jehová yet' stzictznial.
22Cactquec ca'n 'och eb' 'anma yipc qui c'ojol, yujto an̈ 'anman̈ec tic chamlb'a cajec. Jun wal rato tz'el jab' qui'c tic, yuj cha, man̈ ca'c 'och qui nab'en 'a eb' 'anma'.
Currently Selected:
Is 2: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Is 2
2
'Oj yac' Jehová Yajlil 'a slajb' c'ual
(Miq 4.1-3)
1'Aycto 'ix ch'oxx can jun tzo'n̈ tic yil win Isaías, atn win yunnal Amoz, yuj tas wan sjaw 'a yib'n̈ chon̈b' Judá yet' Jerusalén.
2A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.
3Til wal 'anma chi 'oj c'och ta', ax yaln eb' 'ixtic: Cotn̈ec, coyc 'a lum jolm witz 'aj 'ay yatut Jehová, atn sDiosal eb' yin̈tl Jacob. Coyc quila', sec to 'oj on̈ scuyc 'a wach' b'eyb'al, ax qui b'eylb'anec sb'eyb'al cha, 'oj schic eb'. Yujto a 'a switzl Sión ata 'oj 'eltoc ley, ax 'a Jerusalén ata 'oj cuyxoc spaxti Dios.
4A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.
5Cotn̈ec ex yin̈tl can Jacob, b'eycoyc 'a sacq'uinlal Jehová.
'Oj 'ajxc cuenta eb' tenmtac yuj Jehová
6Mamin Jehová, yel ton wal b'i'an 'actb'il can eb' a chon̈b' tic o'oj, atn eb' yin̈tl can Jacob, yujto til wal tz'aj sniwtj eb' 'ajchum 'a jun chon̈b' tic, atn eb' xlaj cot 'a stojlal 'aj tzq'uel c'u yet' eb' tznan 'el paxti', 'icha tzyutj sb'a eb' filisteo. Tzlaj sb'o eb' strato yet' eb' chuc chon̈b'al.
7A snacion̈ eb' tic caw wal rico, til wal q'uen oro yet' q'uen plata 'ay 'a 'a; til wal no chej cajb'il yuj eb', man̈xtzac b'ischj pax scaruaje eb'.
8Palta caw wal tzniwtj jun tzo'n̈ yechl comn dios 'a yol schon̈b' eb'. A eb' 'anma tic, tzlaj yac' 'ejm sb'a eb' 'a jun tzo'n̈ yechl tzlaj sb'o cha.
9Smulyujoc jun tzo'n̈ cha, 'ax ya'n eb' sq'uixwloc, man̈x 'a yel'ch 'oj 'ajcn eb'. Man̈ ac' niwnc'ojlal eb' Mamin.
10Ex wit chon̈ab', c'ub'jec 'el e b'a 'a yol n̈aq'ue'en, yet' 'a yojl eb' lum xab'. Smoj wal e xiw 'a Jehová, yujto caw wal 'ay smay yilx 'oj 'aj sjaw yet' stzictznial.
11A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.
12A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;
13ax satn 'el smasnil te c'ute 'a Líbano, yet' te niwc jiy 'a lum Basán.
14'Oj satl pax eb' lum niwc witz 'ayb't 'a cha'an̈, yet' eb' lum niwc tzalan.#Is 2.14 'Ixta yaln jun tzo'n̈ copia 'a hebreo.
15'Oj satl storreal chon̈ab' yet' smuroal oyn 'och 'a spatic,
16ax ya'n 'ijxc 'ejm eb' te barco yic Tarsis 'a yich a mar, yet' pax jun tzo'n̈ xo barco wach' yilxi.
17A eb' b'an̈quintac yet' eb' tzyij chan̈ sb'a, 'oj lajwc 'ejm eb' smasnil. A sb'an̈quinal eb' cha, 'oj 'ijxoc can 'ejmi. Cojxn Jehová 'oj 'ijxc chan̈ sb'i 'a jun c'u cha,
18ax ya'n satl smasnil jun tzo'n̈ yechl comn dios cha.
19A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', ax laj sc'ub'n 'el sb'a eb' 'a yol n̈aq'ue'en, 'a yojl eb' lum xab'. Ata 'oj sc'ub'c 'el sb'a eb', yujto caw 'ay smay yilx Jehová yet' stzictznial.
20A 'a jun c'u cha, a eb' 'anma', 'oj laj sjulcn 'at eb' jun tzo'n̈ yechl comn dios 'a scal no ch'o'ow yet' 'a scal no sotz'; atn jun tzo'n̈ b'ob'il yuj eb' 'a q'uen oro mto plata, jun tzo'n̈ 'aj xlaj yal sb'a eb'.
21A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', 'ay eb' 'oj sc'ub'c 'el sb'a 'a yol sjatlil q'uen q'ue'en, yet' 'a yol n̈aq'ue'en, yujto caw 'ay smay yilx Jehová yet' stzictznial.
22Cactquec ca'n 'och eb' 'anma yipc qui c'ojol, yujto an̈ 'anman̈ec tic chamlb'a cajec. Jun wal rato tz'el jab' qui'c tic, yuj cha, man̈ ca'c 'och qui nab'en 'a eb' 'anma'.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.