Is 14
14
'Oj paxt eb' 'aycn 'at 'icha presoal
1A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob. 2Til wal 'anma 'a junjn nacion̈ 'oj colwjoc yi'n paxt eb' israel cha, 'oj cot eb' yet' eb' masnto 'oj jawc can pax eb' 'a slum 'ac'b'il yuj Jehová. A eb' 'a'jnac 'och eb' israel 'icha presoal 'a yic yalan̈, 'oj ya'x eb' israel chi spac 'a eb', 'oj can eb' chuc chon̈b'al chi 'icha presoal 'a yol schon̈b' eb' israel. 'Oj yac' eb' yajlil 'a yib'n̈ eb' xlaj 'ixtn cha.
Tzb'uchx win sreyl Babilonia
3Ex israel, a yic 'oj e colchj 'el yuj Jehová 'a scal e cusc'ojlal 'a 'aj 'ayx 'och mosoal, 4a 'a jun tiempoal cha, ata 'oj eyalb'tan̈c jun poesía tic, yic tze b'uchn win sreyl Babilonia, 'oj eyal 'ixtic:
'Iltec wal tz'ajcn win tzon̈ 'ixtnec tic, 'iltec wal x'ajcn yuj sb'an̈quintaquil.
5'Ix smac'wecchjoc Jehová sc'occh win tu cha, atn sc'occh win yic yopiso,
6atn win tz'a'n 'och syailal eb' nacion̈ yet' yowl sc'ojol. Toxn matz 'och wan win yixtn eb' 'anma', 'oltac wal tz'ec' eb' 'anma yuj yowl sc'ojl winac, toxn matz 'och wan win spechn b'eyc'oc eb'.
7Ax ticnec, a smasnil 'anma', caw wal tzalj eb' laj sb'itni, junc'ojlal yaj eb', yujto man̈x 'a tas tzna eb'.
8'Ixta eb' te q'uisis yet' te c'ute 'a Líbano, 'icha to tzpaxtin te', tzyaln eb' te 'ixtic: Yictax ach 'emt 'a opiso, ata 'on̈ 'och wan qui tzu'x 'ejmi, xchi eb' te'.
9A yic 'oj c'och jun tu snab'en chi 'a yol lum 'aj 'ay smasnil eb' chamnac, caw 'oj sat sc'ojl eb' yu'uj, ax scot eb' wul scha'. 'Icha to 'oj 'el swayn̈ eb' yu'uj, ax wul schanc eb' niwc yajal, eb' ya'jnac reyl 'a yolyib'n̈q'uinl tic. 'Oj q'ue wan eb' 'a yol xila, ax wul schanc eb'.
10Ax smasnil eb' 'ayc' chi ta', 'oj yal eb' 'ixtc 'a winac: ¿Tom 'ix 'el pax ep jun, yuj cha, man̈x 'ic stac' o'oj? Ax ticnec, lajn xoj ach 'aj 'icha 'on̈ tic on̈.
11A 'a pecti cha, caw wal tzach cob' b'inaxoc, to 'ajson ach, tzach cob' sonn yet' arpa, ax ticnec, 'aych xo 'ec' quet' 'a tic, ax no a'ay a no 'oj a c'an̈oc, ax yoch no a c'u'oc, 'oj schic eb' chamnc cha.
12Ach sacb'su'un, ¡tas ach 'aj a cotcn 'a satcha'an̈! 'In ach 'ix ac' 'ejm jun tzo'n̈ nacion̈, palta ax ticnec ach julx can 'emt 'a sat lum tic.
13'Ix aln 'ixtc yet' a nab'en: 'Oj in q'ue'ch 'a satcha'an̈; ax in b'on chan̈ in despacho 'a yib'n̈ q'ue jun tzo'n̈ c'anal yic Dios, ax wem wocn 'a lum jolm tzaln 'ay 'a stojlal norte 'a 'aj tz'och yamnil.
14'Oj in q'ue'ch 'a yib'n̈ q'ue 'asn cha, lajn 'oj waj 'icha jun mach caw niwn yel'chi, xa chi.
15Palta ax x'aji, 'ixc ach wach' 'emcn 'a 'aj 'ay yet'l chamel, ach 'em'ch can 'a xab'l yich eb' lum xab' olan.
16Ax eb' tzach 'iln 'ochi, caw tzsat sc'ojl eb' ach yilni, ax yaln eb' oj 'ixtic: Coyn wal to a jun winc tic tzlaj 'a'n 'ib'xoc lum lum tic, tzlaj ya'n lajwc 'el smasnil nacion̈.
17Sictac x'ajcn yolyib'n̈q'uinl yu'uj, cusltac xoj x'ajcn smasnil chon̈ab', may junc eb' 'aych 'a preso 'ix schaj 'elta, 'oj schic eb'.
18Ax smasnil eb' sreyl junjn nacion̈ to wan laj yilji, oyn 'och sricoal eb' 'a stz'ey, mun 'ayc' junjn eb' 'a sjul-l 'aj mucan.
19Ach xo tic, najt ach julx can 'el 'icha c'alem 'ayx sjab', xjulx can 'ejm a niwnal 'a scal eb' xi'lb'a, eb' 'icha to tec'b'il can 'ejm sniwnal 'a scal q'uen 'a yol xab' olan.
20Ma'oj a mucx 'icha eb' rey mucb'il 'a yol lu'um, yujto 'ix extj 'el eb' a chon̈ab', til wal eb' et chon̈b' xa mila. Yuj cha, man̈x 'a b'a'n̈ 'oj b'inaxc yin̈tl win tu cha.
21B'o cab' yet'l 'aj tzmilx cham eb' yunnal, 'oj cham eb' 'unnab'il chi yuj smul smam yicham, man̈x 'oj scaj eb' lum lum tic, sec wach' man̈x 'a 'anma 'oj yixtc eb', man̈x 'a junc chon̈b' 'oj b'ut'joc 'el yuj eb' 'a yolyib'n̈q'uinl tic, xchi jun poesía tic.
22A Jehová tztac' yuj smasnil, a tzaln 'ixtic: Wal woch tecn 'a jun chon̈b'al eb' 'anma tic. 'Oj in satl chon̈b' Babilonia, man̈x 'a b'a'n̈ 'oj b'inaxoc. Man̈x 'a xon 'anma 'oj wactc can 'a 'a, man̈x 'a xon eb' 'unnab'il mto eb' 'ichicnab'il 'oj canoc.
23Cojn no lechuza 'oj cajnoc, ax yochcn yaxlumal. Mesmni 'oj wutc in satn can 'eli, xchi Dios.
'Oj satl chon̈b' Asiria
24A Jehová tztac' yuj smasnil, a 'ix aln pax 'ixtic: A smasnil tas tox xin na'a to 'oj in b'o', yowlal 'oj wac' 'el'choc.
25'Oj in satl eb' asirio 'a sat in lu'um, ax wa'n lajwc 'el eb' 'a lum jolmctac witz, lum 'ay 'a yol in macb'en, ax wi'n 'el yailal 'aych yuj eb' 'a yib'n̈ eb' in chon̈ab'. Man̈x 'a pax b'a'n̈ 'oj 'ixtxoc eb' in chon̈b' chi jun 'ejm xo yuj eb'.
26A jun tic, 'ayx 'ec' 'a in nab'en tas 'oj wutc yolyib'n̈q'uinl tic, tox xin na'a to 'oj in satl smasnil nacion̈ yet' in poder, xchi Dios.
27Toto tox sna Jehová jun tzo'n̈ tic, ¿mach wal junc 'oj stac' stenn 'eq'ui? Toto wach'x yaj yu'uj, ¿mach wal junc 'oj stac' sjelni?
A tas 'ix alx 'el 'a yib'n̈ eb' filisteo
28A 'a jun ab'il 'aj chamnc win rey Acaz, ata xyalcn 'el Isaías jun tzo'n̈ tic 'ixtic:
29Man̈ ex comn tzaljoc mu'c ex filisteo, yujto 'ix wecchj te sjixc'ab'te jun mach 'ix 'a'n 'och eyailal. A junc cha lajn 'icha junc no comn chan. Ax 'a yin̈til ata 'oj pitzwoc 'el junc mach 'icha junc no q'uex. Ax 'a 'a, ata 'oj pitzwc junc mach 'icha junc no chan caw jeln sb'eyi, 'icha xo to tzjen̈wi.
30A eb' israel 'icha to smeb'ail xoj yajcni, caw 'oj wa eb' si'mb'il yet' yunnal. Ax eb' 'anma may tas 'ay 'a 'a, 'oj way eb' 'a tzaljc'ojlal. Palta ax xo ax filisteo ex tic, 'oj ya' cot Dios wejl 'a eyib'an̈, ax jaywn̈oc ex 'oj e cant cani, a wejl chi 'oj e milni.
31C'uyyoc cab' yel eyaw ex filisteo, 'el cab' eyaw yuj yailal yet' xiwlal. Yujto a 'a stojlal norte, ata wan scot nan̈l eb' soldado, 'icha to junn̈j 'anmal eb' tzquila, lajn wal sb'ey eb' 'icha 'asun.
32¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.
Currently Selected:
Is 14: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Is 14
14
'Oj paxt eb' 'aycn 'at 'icha presoal
1A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob. 2Til wal 'anma 'a junjn nacion̈ 'oj colwjoc yi'n paxt eb' israel cha, 'oj cot eb' yet' eb' masnto 'oj jawc can pax eb' 'a slum 'ac'b'il yuj Jehová. A eb' 'a'jnac 'och eb' israel 'icha presoal 'a yic yalan̈, 'oj ya'x eb' israel chi spac 'a eb', 'oj can eb' chuc chon̈b'al chi 'icha presoal 'a yol schon̈b' eb' israel. 'Oj yac' eb' yajlil 'a yib'n̈ eb' xlaj 'ixtn cha.
Tzb'uchx win sreyl Babilonia
3Ex israel, a yic 'oj e colchj 'el yuj Jehová 'a scal e cusc'ojlal 'a 'aj 'ayx 'och mosoal, 4a 'a jun tiempoal cha, ata 'oj eyalb'tan̈c jun poesía tic, yic tze b'uchn win sreyl Babilonia, 'oj eyal 'ixtic:
'Iltec wal tz'ajcn win tzon̈ 'ixtnec tic, 'iltec wal x'ajcn yuj sb'an̈quintaquil.
5'Ix smac'wecchjoc Jehová sc'occh win tu cha, atn sc'occh win yic yopiso,
6atn win tz'a'n 'och syailal eb' nacion̈ yet' yowl sc'ojol. Toxn matz 'och wan win yixtn eb' 'anma', 'oltac wal tz'ec' eb' 'anma yuj yowl sc'ojl winac, toxn matz 'och wan win spechn b'eyc'oc eb'.
7Ax ticnec, a smasnil 'anma', caw wal tzalj eb' laj sb'itni, junc'ojlal yaj eb', yujto man̈x 'a tas tzna eb'.
8'Ixta eb' te q'uisis yet' te c'ute 'a Líbano, 'icha to tzpaxtin te', tzyaln eb' te 'ixtic: Yictax ach 'emt 'a opiso, ata 'on̈ 'och wan qui tzu'x 'ejmi, xchi eb' te'.
9A yic 'oj c'och jun tu snab'en chi 'a yol lum 'aj 'ay smasnil eb' chamnac, caw 'oj sat sc'ojl eb' yu'uj, ax scot eb' wul scha'. 'Icha to 'oj 'el swayn̈ eb' yu'uj, ax wul schanc eb' niwc yajal, eb' ya'jnac reyl 'a yolyib'n̈q'uinl tic. 'Oj q'ue wan eb' 'a yol xila, ax wul schanc eb'.
10Ax smasnil eb' 'ayc' chi ta', 'oj yal eb' 'ixtc 'a winac: ¿Tom 'ix 'el pax ep jun, yuj cha, man̈x 'ic stac' o'oj? Ax ticnec, lajn xoj ach 'aj 'icha 'on̈ tic on̈.
11A 'a pecti cha, caw wal tzach cob' b'inaxoc, to 'ajson ach, tzach cob' sonn yet' arpa, ax ticnec, 'aych xo 'ec' quet' 'a tic, ax no a'ay a no 'oj a c'an̈oc, ax yoch no a c'u'oc, 'oj schic eb' chamnc cha.
12Ach sacb'su'un, ¡tas ach 'aj a cotcn 'a satcha'an̈! 'In ach 'ix ac' 'ejm jun tzo'n̈ nacion̈, palta ax ticnec ach julx can 'emt 'a sat lum tic.
13'Ix aln 'ixtc yet' a nab'en: 'Oj in q'ue'ch 'a satcha'an̈; ax in b'on chan̈ in despacho 'a yib'n̈ q'ue jun tzo'n̈ c'anal yic Dios, ax wem wocn 'a lum jolm tzaln 'ay 'a stojlal norte 'a 'aj tz'och yamnil.
14'Oj in q'ue'ch 'a yib'n̈ q'ue 'asn cha, lajn 'oj waj 'icha jun mach caw niwn yel'chi, xa chi.
15Palta ax x'aji, 'ixc ach wach' 'emcn 'a 'aj 'ay yet'l chamel, ach 'em'ch can 'a xab'l yich eb' lum xab' olan.
16Ax eb' tzach 'iln 'ochi, caw tzsat sc'ojl eb' ach yilni, ax yaln eb' oj 'ixtic: Coyn wal to a jun winc tic tzlaj 'a'n 'ib'xoc lum lum tic, tzlaj ya'n lajwc 'el smasnil nacion̈.
17Sictac x'ajcn yolyib'n̈q'uinl yu'uj, cusltac xoj x'ajcn smasnil chon̈ab', may junc eb' 'aych 'a preso 'ix schaj 'elta, 'oj schic eb'.
18Ax smasnil eb' sreyl junjn nacion̈ to wan laj yilji, oyn 'och sricoal eb' 'a stz'ey, mun 'ayc' junjn eb' 'a sjul-l 'aj mucan.
19Ach xo tic, najt ach julx can 'el 'icha c'alem 'ayx sjab', xjulx can 'ejm a niwnal 'a scal eb' xi'lb'a, eb' 'icha to tec'b'il can 'ejm sniwnal 'a scal q'uen 'a yol xab' olan.
20Ma'oj a mucx 'icha eb' rey mucb'il 'a yol lu'um, yujto 'ix extj 'el eb' a chon̈ab', til wal eb' et chon̈b' xa mila. Yuj cha, man̈x 'a b'a'n̈ 'oj b'inaxc yin̈tl win tu cha.
21B'o cab' yet'l 'aj tzmilx cham eb' yunnal, 'oj cham eb' 'unnab'il chi yuj smul smam yicham, man̈x 'oj scaj eb' lum lum tic, sec wach' man̈x 'a 'anma 'oj yixtc eb', man̈x 'a junc chon̈b' 'oj b'ut'joc 'el yuj eb' 'a yolyib'n̈q'uinl tic, xchi jun poesía tic.
22A Jehová tztac' yuj smasnil, a tzaln 'ixtic: Wal woch tecn 'a jun chon̈b'al eb' 'anma tic. 'Oj in satl chon̈b' Babilonia, man̈x 'a b'a'n̈ 'oj b'inaxoc. Man̈x 'a xon 'anma 'oj wactc can 'a 'a, man̈x 'a xon eb' 'unnab'il mto eb' 'ichicnab'il 'oj canoc.
23Cojn no lechuza 'oj cajnoc, ax yochcn yaxlumal. Mesmni 'oj wutc in satn can 'eli, xchi Dios.
'Oj satl chon̈b' Asiria
24A Jehová tztac' yuj smasnil, a 'ix aln pax 'ixtic: A smasnil tas tox xin na'a to 'oj in b'o', yowlal 'oj wac' 'el'choc.
25'Oj in satl eb' asirio 'a sat in lu'um, ax wa'n lajwc 'el eb' 'a lum jolmctac witz, lum 'ay 'a yol in macb'en, ax wi'n 'el yailal 'aych yuj eb' 'a yib'n̈ eb' in chon̈ab'. Man̈x 'a pax b'a'n̈ 'oj 'ixtxoc eb' in chon̈b' chi jun 'ejm xo yuj eb'.
26A jun tic, 'ayx 'ec' 'a in nab'en tas 'oj wutc yolyib'n̈q'uinl tic, tox xin na'a to 'oj in satl smasnil nacion̈ yet' in poder, xchi Dios.
27Toto tox sna Jehová jun tzo'n̈ tic, ¿mach wal junc 'oj stac' stenn 'eq'ui? Toto wach'x yaj yu'uj, ¿mach wal junc 'oj stac' sjelni?
A tas 'ix alx 'el 'a yib'n̈ eb' filisteo
28A 'a jun ab'il 'aj chamnc win rey Acaz, ata xyalcn 'el Isaías jun tzo'n̈ tic 'ixtic:
29Man̈ ex comn tzaljoc mu'c ex filisteo, yujto 'ix wecchj te sjixc'ab'te jun mach 'ix 'a'n 'och eyailal. A junc cha lajn 'icha junc no comn chan. Ax 'a yin̈til ata 'oj pitzwoc 'el junc mach 'icha junc no q'uex. Ax 'a 'a, ata 'oj pitzwc junc mach 'icha junc no chan caw jeln sb'eyi, 'icha xo to tzjen̈wi.
30A eb' israel 'icha to smeb'ail xoj yajcni, caw 'oj wa eb' si'mb'il yet' yunnal. Ax eb' 'anma may tas 'ay 'a 'a, 'oj way eb' 'a tzaljc'ojlal. Palta ax xo ax filisteo ex tic, 'oj ya' cot Dios wejl 'a eyib'an̈, ax jaywn̈oc ex 'oj e cant cani, a wejl chi 'oj e milni.
31C'uyyoc cab' yel eyaw ex filisteo, 'el cab' eyaw yuj yailal yet' xiwlal. Yujto a 'a stojlal norte, ata wan scot nan̈l eb' soldado, 'icha to junn̈j 'anmal eb' tzquila, lajn wal sb'ey eb' 'icha 'asun.
32¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.