Heb 4
4
1Ya'jnac can Dios sti', chajtlto tztac' tzon̈ 'ochc 'iljoc yu'uj. Yuj cha, caw ca'c cuenta qui b'a si'mb'il, sec toq'ue may junc mach 'a qui calc to ma'oj tzawnoc yoch 'iljoc yu'uj. 2Yujto alb'il wach' 'ab'x yic colnb'il 'a eb' qui mam quichmec, 'icha x'aj yalx 'ayn̈ec. Palta nab'an̈ej alb'il 'a eb', yujto ma'ix ya'ch eb' 'a sc'ojol, yic yab'n eb'. 3Palta an̈ec xo tic, 'oj cochc 'iljoc yu'uj, yujto tzca'c 'och qui c'ojl 'a 'a. Yaljnac Dios 'ixtc yuj eb' qui mam quichmec cha:
Yuj cha, 'a scal yowl in c'ojol, wa'n can in ti', chajtlto may b'a'n̈ 'oj 'och eb' 'iljoc wu'uj, xchi Dios 'a Ch'an̈ U'un̈.
A Dios, 'ochnc wan smunlji, yictax sb'o yolyib'n̈q'uinl tic. 4'Ay 'aj tzyal yuj jun yucl c'u 'a Ch'an̈ U'un̈, yic tzyaln 'ixtic:
Ax 'a yucl c'ual, man̈x 'ic munlj Dios, xchi.
5Tzyaln pax 'ixtic:
May b'a'n̈ 'oj 'och eb' 'iljoc wu'uj, xchi.
6A eb' cha, sb'ab'l 'ab'jnac eb' jun wach' 'ab'x yic colnb'il, palta ma'ix 'och eb' 'iljoc yuj Dios, yujto man̈ yiclumoc yutjnac sb'a eb'. Palta yowlal 'ay mach 'oj 'och 'iljoc 'icha yaj yaln can cha. 7Yuj cha, 'ay junx tiempoal ch'oxb'il yuj Dios, atn jun tiempoal tic. Yujto pecti yaljnac Dios yuj jun 'iljelal cha, ya'n pax yal David 'icha xwala, 'aj tzyal 'ixtic:
A ticnec toto tzeyab' tas tzwala, to 'ixta', man̈ eyac' pitb'oc e b'a, xchi.
8Q'uinloc x'och eb' quit israelal 'iljoc yuj Josué, to 'ixta', man̈x 'ic yal Dios yuj junx tiempoal tic. 9Yuj cha, 'ay wal jun 'iljelal tzyac' Dios 'ayn̈ec an̈ yic on̈c xo. 10Yujto a yic tzon̈ 'ochc 'iljoc yuj Dios, tzon̈ 'ilj 'a qui munljel, 'icha yutjnac sb'a yilj 'a smunljel. 11Yuj cha, ca'c wal 'ip cochc 'iljoc yuj Dios, sec wach' may junc on̈ec tzqui b'eylb'ej sb'eyb'al eb' ma'ix ya'ch 'a sc'ojl cha.
12A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec. 13May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.
A Jesús tz'a'n 'och qui ti 'a Dios
14'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a. 15A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul. 16Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.
Currently Selected:
Heb 4: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Heb 4
4
1Ya'jnac can Dios sti', chajtlto tztac' tzon̈ 'ochc 'iljoc yu'uj. Yuj cha, caw ca'c cuenta qui b'a si'mb'il, sec toq'ue may junc mach 'a qui calc to ma'oj tzawnoc yoch 'iljoc yu'uj. 2Yujto alb'il wach' 'ab'x yic colnb'il 'a eb' qui mam quichmec, 'icha x'aj yalx 'ayn̈ec. Palta nab'an̈ej alb'il 'a eb', yujto ma'ix ya'ch eb' 'a sc'ojol, yic yab'n eb'. 3Palta an̈ec xo tic, 'oj cochc 'iljoc yu'uj, yujto tzca'c 'och qui c'ojl 'a 'a. Yaljnac Dios 'ixtc yuj eb' qui mam quichmec cha:
Yuj cha, 'a scal yowl in c'ojol, wa'n can in ti', chajtlto may b'a'n̈ 'oj 'och eb' 'iljoc wu'uj, xchi Dios 'a Ch'an̈ U'un̈.
A Dios, 'ochnc wan smunlji, yictax sb'o yolyib'n̈q'uinl tic. 4'Ay 'aj tzyal yuj jun yucl c'u 'a Ch'an̈ U'un̈, yic tzyaln 'ixtic:
Ax 'a yucl c'ual, man̈x 'ic munlj Dios, xchi.
5Tzyaln pax 'ixtic:
May b'a'n̈ 'oj 'och eb' 'iljoc wu'uj, xchi.
6A eb' cha, sb'ab'l 'ab'jnac eb' jun wach' 'ab'x yic colnb'il, palta ma'ix 'och eb' 'iljoc yuj Dios, yujto man̈ yiclumoc yutjnac sb'a eb'. Palta yowlal 'ay mach 'oj 'och 'iljoc 'icha yaj yaln can cha. 7Yuj cha, 'ay junx tiempoal ch'oxb'il yuj Dios, atn jun tiempoal tic. Yujto pecti yaljnac Dios yuj jun 'iljelal cha, ya'n pax yal David 'icha xwala, 'aj tzyal 'ixtic:
A ticnec toto tzeyab' tas tzwala, to 'ixta', man̈ eyac' pitb'oc e b'a, xchi.
8Q'uinloc x'och eb' quit israelal 'iljoc yuj Josué, to 'ixta', man̈x 'ic yal Dios yuj junx tiempoal tic. 9Yuj cha, 'ay wal jun 'iljelal tzyac' Dios 'ayn̈ec an̈ yic on̈c xo. 10Yujto a yic tzon̈ 'ochc 'iljoc yuj Dios, tzon̈ 'ilj 'a qui munljel, 'icha yutjnac sb'a yilj 'a smunljel. 11Yuj cha, ca'c wal 'ip cochc 'iljoc yuj Dios, sec wach' may junc on̈ec tzqui b'eylb'ej sb'eyb'al eb' ma'ix ya'ch 'a sc'ojl cha.
12A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec. 13May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.
A Jesús tz'a'n 'och qui ti 'a Dios
14'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a. 15A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul. 16Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.