Gl 6
6
Tzlaj qui coltquec qui b'a
1Ex wu'tac, ex wanab', toto 'ay junc mach tz'och smul tzeyila, ax xo yiclum ex 'a Yespíritu Dios, caw tzeyac' snab'enoc 'a 'emmquilal, sec 'oj b'oxc snab'en. Caw tzeyac' cuenta e b'a junjn ex, sec ma'oj eyajx prowal yoch e mul yet'oc. 2Caw tzlaj e coltc e b'a, sec 'oj laj techjoc syal eyuj e masnil. Toto 'ixta', wan eyiclni sley Cristo smasnil.
3Toto 'ay mach caw 'ay yel'ch cob' snani, palta toto may pax yel'chi, mun tzcob' yixtc sb'a snani. 4Yowlal tzqui b'eyc'ojlej tas yilx qui b'eyb'al junjn on̈. To 'ixta', 'oj stac' qui tzalj yuj qui b'eyb'al junjn on̈ec. Man̈ yowlalc 'oj qui na sb'eyb'al junc xo, toto yel wach' quic 'a yib'an̈. 5Yujto junjn on̈ec, yowlal 'oj ca'c 'och qui cuenta 'a Dios, a tzyal tas 'ac'b'il 'a yol qui c'ab'.
6A eb' tzon̈ cuynec 'a spaxti Dios, yowlal tzon̈ colwjec ca'n jun tzo'n̈ tas wach' 'a eb'.
7Man̈ eyixtc e b'a e nani to matz yil Dios tas tze b'o'o. May junc mach tztac' sc'ub'n 'el tas 'a sat Dios. Yuj cha, a tas tzqui b'o'ec, a chi 'oj 'ajxoc pax spacc 'ayn̈ec. 8Toto tzqui b'oc jun tzo'n̈ tas tznib'j qui tu nab'enal, 'oj qui chac spac qui tu nab'enal cha, atn chamel. Palta toto tzqui b'oc jun tzo'n̈ tas tznib'j Yespíritu Dios, 'oj qui chac spac 'a Yespíritu cha, atn qui q'uinlec 'a jun 'ejmn̈ej. 9Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac. 10A ticnec, ya' sb'a tztac' qui colwjec 'a eb' quit 'anma'il, yowlal wach' tzcutjec qui nab'en 'a eb'. Ax 'a eb' quit creyenteal, yel xo cab' wach' tzcutj qui nab'enec 'a eb'.
Man̈x 'a yel'ch jun circuncisión
11Tzeyil wal jun tzo'n̈ niwc letra caw an tzin tz'ib'j 'at 'ayex. 12'Ay eb' tznib'n tzex 'a'n pural, sec tzex 'ajx circuncidar. Palta ton̈j tznib'j eb' to wach' 'a sat eb' 'anma'. 'Ay eb' israel tz'a'n 'och yailal 'a yib'n̈ eb', yujn̈ej to 'aych snab'en eb' 'a schamlil Cristo 'a spenc culus. Palta tznib'j eb' matz 'ajx 'och syailal, yuj cha, 'ixta tzex yutj eb' ex ya'n pural. 13Wach'xam eb' tz'ajx circuncidar, matz yiclj eb' smasnil tas 'ay 'a ley yic Moisés. Palta ax eb' cha, tznib'j eb' tzex 'ajx circuncidar, sec wach' tztac' sb'an̈n sb'a eb' 'a e patquil. Toto 'ixta', tztac' yaln eb', chajtlto x'ajx 'och jun senya chi 'a e niwnal. 14Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a. 15Toto junxn̈ej tzon̈ 'ajc yet' Cristo Jesús, man̈x 'a yel'chi, wach'xam 'ac'b'iln̈ec circuncidar, mto ma'ay. Cojxn jun tic 'ay yel'chi, toto jelmjnac qui nab'enec. 16Jantc eb' tzb'eylb'an jun tzo'n̈ cuynb'il tic, atn eb' yel israel 'a sat Dios, yujto schon̈b' yaj eb'. Ya' cab' Dios sjunc'ojlal 'a eb', tz'o'ch pax sc'ojl 'a eb'.
17A ticnec, tzin nib'ej, man̈x 'a junc mach tzin 'ixtni. Yujto a jun tzo'n̈ sjech'l tic checl 'ayin, a tzch'oxni, to ya'mal in servil Cajlil Jesús.
18Ex wu'tac, ex wanab', ya' cab' Cajlil Jesucristo swach'c'ojlal 'ayx e masnil ta'. Ya' cab'i'.
Currently Selected:
Gl 6: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Gl 6
6
Tzlaj qui coltquec qui b'a
1Ex wu'tac, ex wanab', toto 'ay junc mach tz'och smul tzeyila, ax xo yiclum ex 'a Yespíritu Dios, caw tzeyac' snab'enoc 'a 'emmquilal, sec 'oj b'oxc snab'en. Caw tzeyac' cuenta e b'a junjn ex, sec ma'oj eyajx prowal yoch e mul yet'oc. 2Caw tzlaj e coltc e b'a, sec 'oj laj techjoc syal eyuj e masnil. Toto 'ixta', wan eyiclni sley Cristo smasnil.
3Toto 'ay mach caw 'ay yel'ch cob' snani, palta toto may pax yel'chi, mun tzcob' yixtc sb'a snani. 4Yowlal tzqui b'eyc'ojlej tas yilx qui b'eyb'al junjn on̈. To 'ixta', 'oj stac' qui tzalj yuj qui b'eyb'al junjn on̈ec. Man̈ yowlalc 'oj qui na sb'eyb'al junc xo, toto yel wach' quic 'a yib'an̈. 5Yujto junjn on̈ec, yowlal 'oj ca'c 'och qui cuenta 'a Dios, a tzyal tas 'ac'b'il 'a yol qui c'ab'.
6A eb' tzon̈ cuynec 'a spaxti Dios, yowlal tzon̈ colwjec ca'n jun tzo'n̈ tas wach' 'a eb'.
7Man̈ eyixtc e b'a e nani to matz yil Dios tas tze b'o'o. May junc mach tztac' sc'ub'n 'el tas 'a sat Dios. Yuj cha, a tas tzqui b'o'ec, a chi 'oj 'ajxoc pax spacc 'ayn̈ec. 8Toto tzqui b'oc jun tzo'n̈ tas tznib'j qui tu nab'enal, 'oj qui chac spac qui tu nab'enal cha, atn chamel. Palta toto tzqui b'oc jun tzo'n̈ tas tznib'j Yespíritu Dios, 'oj qui chac spac 'a Yespíritu cha, atn qui q'uinlec 'a jun 'ejmn̈ej. 9Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac. 10A ticnec, ya' sb'a tztac' qui colwjec 'a eb' quit 'anma'il, yowlal wach' tzcutjec qui nab'en 'a eb'. Ax 'a eb' quit creyenteal, yel xo cab' wach' tzcutj qui nab'enec 'a eb'.
Man̈x 'a yel'ch jun circuncisión
11Tzeyil wal jun tzo'n̈ niwc letra caw an tzin tz'ib'j 'at 'ayex. 12'Ay eb' tznib'n tzex 'a'n pural, sec tzex 'ajx circuncidar. Palta ton̈j tznib'j eb' to wach' 'a sat eb' 'anma'. 'Ay eb' israel tz'a'n 'och yailal 'a yib'n̈ eb', yujn̈ej to 'aych snab'en eb' 'a schamlil Cristo 'a spenc culus. Palta tznib'j eb' matz 'ajx 'och syailal, yuj cha, 'ixta tzex yutj eb' ex ya'n pural. 13Wach'xam eb' tz'ajx circuncidar, matz yiclj eb' smasnil tas 'ay 'a ley yic Moisés. Palta ax eb' cha, tznib'j eb' tzex 'ajx circuncidar, sec wach' tztac' sb'an̈n sb'a eb' 'a e patquil. Toto 'ixta', tztac' yaln eb', chajtlto x'ajx 'och jun senya chi 'a e niwnal. 14Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a. 15Toto junxn̈ej tzon̈ 'ajc yet' Cristo Jesús, man̈x 'a yel'chi, wach'xam 'ac'b'iln̈ec circuncidar, mto ma'ay. Cojxn jun tic 'ay yel'chi, toto jelmjnac qui nab'enec. 16Jantc eb' tzb'eylb'an jun tzo'n̈ cuynb'il tic, atn eb' yel israel 'a sat Dios, yujto schon̈b' yaj eb'. Ya' cab' Dios sjunc'ojlal 'a eb', tz'o'ch pax sc'ojl 'a eb'.
17A ticnec, tzin nib'ej, man̈x 'a junc mach tzin 'ixtni. Yujto a jun tzo'n̈ sjech'l tic checl 'ayin, a tzch'oxni, to ya'mal in servil Cajlil Jesús.
18Ex wu'tac, ex wanab', ya' cab' Cajlil Jesucristo swach'c'ojlal 'ayx e masnil ta'. Ya' cab'i'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.