Ez 6
6
Yowl sc'ojl Dios 'a eb' comn dios
1'Ix yaln pax Jehová 'ayn 'ixtic: 2Ach 'anma', 'ixc q'ueln 'a jolmctac witz yic chon̈b' Israel, tzaln 'at 'ixtc 'a yib'n̈ eb' 'anma chi ta': 3Tzalni to an Jehová Yajl in, an tzwal 'ixtic: Ex 'anma cajn 'a lum jolmctac witz, 'a lum tzalctac, 'a lum ch'olan yet' 'a eb' lum niwc pan̈an: 'Oj wa' cot owl 'a e cal, ax in satn 'el jun tzo'n̈ lugar chan̈ yaj sb'o 'aj tzeyal e b'a. 4'Oj in ma'cn poj jun tzo'n̈ yet'l e xajmb'al 'aj tze n̈us incienso. 'Oj in ma' poj jun tzo'n̈ yechl 'aj tzeyal e b'a, ax ex wa'n cham 'a yojltac jun tzo'n̈ yechl e diosal cha. 5Ax israel ex 'oj e cham cha, t'occtac 'oj wutc can e niwnal chi 'a yojltac jun tzo'n̈ yechl 'aj tzeyal e b'a, ax e b'aquil, sactzicnac 'oj 'ajcn 'a stz'ey jun tzo'n̈ yet'l e xajmb'al cha. 6Cusltac 'oj 'ajcn e chon̈b' 'aj cajn ex 'eq'ui. 'Oj wac' lajwoc 'el smasnil jun tzo'n̈ lugar 'aj tzeyal e b'a 'a eb' comn dios, yet' jun tzo'n̈ yet'l e xjamb'al, yet' 'aj tzeyac' tz'a incienso, jun tzo'n̈ yechl e diosal, yet' smasnil tas b'ob'il eyu'uj, yic tze c'ann 'a 'aj tzeyal e b'a cha, choc' 'oj 'aj spojcn smasnil. 7At yic 'oj eyilnoc to niwn 'anma 'oj cham 'a e cal, ax to e nan coti to an Jehová in tic, cojn in ton Dios in. 8An 'oj wi'cn 'el jaywn̈ocx eb' 'a e cal cha, 'oj colchjoc can 'el eb' 'a owal, ax sactzic can 'at eb' 'a scal jun tzo'n̈ xo nacion̈ 'aj 'oj c'och cha. 9Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'. 10Atta 'oj in yojcoc 'el eb', to an Jehová in tic, cojn in ton Dios in, man̈ nab'an̈ejc 'ix wala to tzwac' jun yailal tic 'a yib'n̈ eb', xchi Dios.
A smul eb' israel
11'Ix yaln pax Jehová Cajlil 'ixtic: Poc' a c'ab', tza te'n 'ejm oc, 'el cab' aw yuj tas tzjaw 'a yib'n̈ eb' et chon̈b' tic. Man̈x jantcoc maysch'olnil x'el sb'on eb', yuj cha, 'oj cham eb' yuj owal, yuj wejel yet' pax yuj yab'il. 12A eb' najt 'oj 'atcni, 'oj cham eb' yuj yab'il; ax eb' la'n 'oj canoc, 'oj cham eb' yuj owal; ax pax eb' ma'oj cham yuj owl cha, a wejl 'oj milnc eb'. 'Ixta wal 'oj wutc wa'n cot yowl in c'ojl 'a yib'n̈ eb'. 13A yic 'oj yilnc eb', t'occtac yaj eb' 'anma chi scham 'a scal jun tzo'n̈ yechl comn dios cha, 'a stz'ey yet'l xajmb'al eb', 'a lum tzalctac, 'a lum jolmctac witz, 'a yich eb' te ma'ach', atn 'aj tzlaj sn̈us eb' incienso 'a sdiosal cha, ata 'oj yojcoc 'el eb' to an Jehová in tic, to cojn in ton Dios in. 14'Oj wi' chan̈ in c'ab', ax wa'n 'och syailal eb' 'aj cajn cha. Tzann̈j 'aj cajn eb' 'anma cha, 'oj can yet'l eb' chi 'a cusltaquil, 'oj 'el yich 'a lum cusltac lum 'a stojlal sur, masnto 'oj c'och 'a lum Ribla 'ay 'a stojlal norte. 'Ixta to b'i'an, ax yojcan 'el eb' to an Jehová in tic, to cojn in ton Dios in, xchi Dios.
Currently Selected:
Ez 6: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Ez 6
6
Yowl sc'ojl Dios 'a eb' comn dios
1'Ix yaln pax Jehová 'ayn 'ixtic: 2Ach 'anma', 'ixc q'ueln 'a jolmctac witz yic chon̈b' Israel, tzaln 'at 'ixtc 'a yib'n̈ eb' 'anma chi ta': 3Tzalni to an Jehová Yajl in, an tzwal 'ixtic: Ex 'anma cajn 'a lum jolmctac witz, 'a lum tzalctac, 'a lum ch'olan yet' 'a eb' lum niwc pan̈an: 'Oj wa' cot owl 'a e cal, ax in satn 'el jun tzo'n̈ lugar chan̈ yaj sb'o 'aj tzeyal e b'a. 4'Oj in ma'cn poj jun tzo'n̈ yet'l e xajmb'al 'aj tze n̈us incienso. 'Oj in ma' poj jun tzo'n̈ yechl 'aj tzeyal e b'a, ax ex wa'n cham 'a yojltac jun tzo'n̈ yechl e diosal cha. 5Ax israel ex 'oj e cham cha, t'occtac 'oj wutc can e niwnal chi 'a yojltac jun tzo'n̈ yechl 'aj tzeyal e b'a, ax e b'aquil, sactzicnac 'oj 'ajcn 'a stz'ey jun tzo'n̈ yet'l e xajmb'al cha. 6Cusltac 'oj 'ajcn e chon̈b' 'aj cajn ex 'eq'ui. 'Oj wac' lajwoc 'el smasnil jun tzo'n̈ lugar 'aj tzeyal e b'a 'a eb' comn dios, yet' jun tzo'n̈ yet'l e xjamb'al, yet' 'aj tzeyac' tz'a incienso, jun tzo'n̈ yechl e diosal, yet' smasnil tas b'ob'il eyu'uj, yic tze c'ann 'a 'aj tzeyal e b'a cha, choc' 'oj 'aj spojcn smasnil. 7At yic 'oj eyilnoc to niwn 'anma 'oj cham 'a e cal, ax to e nan coti to an Jehová in tic, cojn in ton Dios in. 8An 'oj wi'cn 'el jaywn̈ocx eb' 'a e cal cha, 'oj colchjoc can 'el eb' 'a owal, ax sactzic can 'at eb' 'a scal jun tzo'n̈ xo nacion̈ 'aj 'oj c'och cha. 9Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'. 10Atta 'oj in yojcoc 'el eb', to an Jehová in tic, cojn in ton Dios in, man̈ nab'an̈ejc 'ix wala to tzwac' jun yailal tic 'a yib'n̈ eb', xchi Dios.
A smul eb' israel
11'Ix yaln pax Jehová Cajlil 'ixtic: Poc' a c'ab', tza te'n 'ejm oc, 'el cab' aw yuj tas tzjaw 'a yib'n̈ eb' et chon̈b' tic. Man̈x jantcoc maysch'olnil x'el sb'on eb', yuj cha, 'oj cham eb' yuj owal, yuj wejel yet' pax yuj yab'il. 12A eb' najt 'oj 'atcni, 'oj cham eb' yuj yab'il; ax eb' la'n 'oj canoc, 'oj cham eb' yuj owal; ax pax eb' ma'oj cham yuj owl cha, a wejl 'oj milnc eb'. 'Ixta wal 'oj wutc wa'n cot yowl in c'ojl 'a yib'n̈ eb'. 13A yic 'oj yilnc eb', t'occtac yaj eb' 'anma chi scham 'a scal jun tzo'n̈ yechl comn dios cha, 'a stz'ey yet'l xajmb'al eb', 'a lum tzalctac, 'a lum jolmctac witz, 'a yich eb' te ma'ach', atn 'aj tzlaj sn̈us eb' incienso 'a sdiosal cha, ata 'oj yojcoc 'el eb' to an Jehová in tic, to cojn in ton Dios in. 14'Oj wi' chan̈ in c'ab', ax wa'n 'och syailal eb' 'aj cajn cha. Tzann̈j 'aj cajn eb' 'anma cha, 'oj can yet'l eb' chi 'a cusltaquil, 'oj 'el yich 'a lum cusltac lum 'a stojlal sur, masnto 'oj c'och 'a lum Ribla 'ay 'a stojlal norte. 'Ixta to b'i'an, ax yojcan 'el eb' to an Jehová in tic, to cojn in ton Dios in, xchi Dios.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.