Ez 37
37
A jun tzo'n̈ tacn̈ b'ac
1'Ix 'ochx spoder Jehová 'ayin, ax Yespíritu 'ix 'a'n wila', 'icha to in yij 'at 'a jun pan̈n 'a'lic 'a 'aj tzicn 'at jun tzo'n̈ tacn̈ b'ac. 2In yi'n b'ey 'a jun 'a'lic cha; caw b'ut'jnac 'el jun pan̈n chi yuj jun tzo'n̈ sb'acl 'anma', palta tacn̈n̈ej eb' smasnil. 3Yuj cha, xyaln Jehová 'ayn 'ixtic: Ach 'anma', ¿tzam stac' spitzw pax jun tzo'n̈ b'ac tic jun 'ejm xo? xchi 'ayin. In ta'w 'ixtc 'a 'a: Mamin Jehová, ach Wajlil, cojn ach ojtac, xin chi.
4Xlajw cha, xyaln pax 'ixtic: Al 'a jun tzo'n̈ tacn̈ b'ac tic to tzchaj yab' eb' in paxti'. 5Al 'a eb' to an Jehová Yajl in, an tzwal 'ixtc 'a eb': A ticnec, 'oj wa'x 'och eyic', ax e pitzw paxi. 6'Oj wecx e cha e b'a, ax wa'n pitzwc 'och e chib'jal. 'Oj pitzwc pax 'och stz'umal e niwnal cha, ax wa'n pax 'och eyic' yic tzex pitzw paxi. 'Ixta to b'i'an, ax eyojcan 'eli to an Jehová in, to cojn in ton Dios in, xchi Dios, xa chi 'a eb', xchi 'ayin. 7'Ix waln 'a eb' 'icha xyutj yaln 'ayn cha, ax xwab'ni, 'ay jun tas 'ix c'an̈i, ticni to quixcab' jun cha, ax jun tzo'n̈ b'ac cha, xlaj schan pax sb'a eb'. 8Ax xwilni, 'ay jun tzo'n̈ yanch'il jun tzo'n̈ b'ac chi cheln 'at 'a yib'an̈, cojn cha, 'ix pitzw 'och schib'jal eb', 'ix 'och pax stz'umal sniwnal eb' cha, palta mant 'a yic' eb'.
9Xlajw cha, xyaln Jehová 'ayn 'ixtic: Ach 'anma', al 'ixtc 'a 'ic' 'ay 'a yolyib'n̈q'uinl tic. To an Jehová Yajl in, an tzwal 'ixtic: Ach 'ic' cotan̈, 'ochn̈ 'a jun tzo'n̈ niwnal milb'il cham tic yic tzpitzw pax eb', xchi Dios, xa chi 'a 'a, xchi 'ayin. 10A yic xwaln 'a 'ic' 'icha xyutj Dios yaln 'ayn cha, 'ix 'och yic' eb' tacn̈ b'ac cha, 'ix pitzw pax eb', cojn cha, 'ix q'ue lin̈n eb' smasnil. Caw wal man̈x b'ischjb'enoc eb'.
11Xlajw cha, xyaln 'ayn 'ixtic: Ach 'anma', a jun tzo'n̈ tacn̈ b'ac 'ix 'el cha, tzyal cot yuj eb' et israelal, yujto tzlaj yal eb' 'ixtic: An̈ec tic, 'icha to tacjnacx qui b'aquil, man̈x 'a tas 'aych yipc qui c'ojol, lajwnacn̈ xo 'eli, xchi eb'. 12Yuj cha, al yab' eb' in chon̈ab', to an Jehová in, an tzwal 'a eb' 'ixtic: Ex in chon̈ab', 'icha to mucb'ilx 'a scal jun tzo'n̈ xo nacion̈, palta an 'oj ex in col 'elt 'a 'aj 'ayx 'ec' cha. 'Oj lajwc cha, ax ex wi'n pax meltzjoc 'a e chon̈ab'. 13A yic 'oj ex in colnc 'elt cha, ax eyojcan 'el e masnil to an ton Jehová in, to cojn in ton Dios in. 14An tzwala, to 'oj wa'x 'och Wespíritu 'ayex, 'icha to 'oj e pitzw paxi; ax wa'n e cajx e lum chi jun 'ejm xo. 'Ixta to b'i'an, ax eyojcan 'eli to a tas 'aj tzwa'cn in ti an Jehová in, yowlal tzwac' 'el'choc, xchi Dios.
Junxn̈ej x'aj Israel yet' Judá
15'Ix yaln pax Jehová 'ayn 'ixtic: 16Ach 'anma', say chab'oc te te', ax a tz'ib'n eb' te'. A te b'ab'el, 'ixtc tzotj a tz'ib'ni: Te yic eb' yin̈tl Judá yet' eb' israel yitb'eym sb'a yet'oc, xchi. Ax te schab'il, 'ixtc pax tzotj a tz'ib'ni: Te yic yin̈tl Efraín, win yunnal José yet' eb' israel yitb'eym sb'a yet'oc, xchi junx cha. 17Tzlajw cha, tza'n scha sb'a eb' te 'a yol a c'ab', junxn̈ej tzotj 'a yamn te'. 18Ax yic 'oj sc'anb'n eb' et chon̈b' 'aych 'ixtic: Al 'ayon̈ tas tzyal 'el'ch jun tic, toto xchi eb', 19tzaln 'a eb' 'ixtic: A Jehová 'ix aln 'ayin, to tzwij cot te te yic yin̈tl Efraín yet' eb' israel junn̈j yaj yet'oc, tzwa'n scha sb'a te yet' te yic eb' yin̈tl Judá sec junxn̈ej tz'aj te schab'l 'a yol in c'ab', xa chi 'a eb'. 20A chab' te te tza tz'ib'j cha, tzej chan̈ te schab'l yil eb' 'anma cha. Tzlajw cha, junxn̈ej tzotj a yamn te 'a yol a c'ab' yil eb'. 21Tzlajw cha, tzaln 'a eb' 'ixtic: 'Ixtc wal xyutj Jehová Cajlil yaln 'ayex: Ex israel, an 'oj ex wi'x 'elt 'a scal jun tzo'n̈ nacion̈ 'aj c'ochnc ex; 'oj ex in molb'tzoc, ax ex wi'n 'at 'a e lum jun 'ejm xo. 22Junxn̈ej nacion̈al 'oj ex wutc 'a jolmctac witz yic Israel, junxn̈ej e reyl 'oj eya'n cuenta. Man̈x chab'oc nacion̈al 'oj eyaji, palta to junxn̈ej. 23Man̈x 'oj 'och e mul eyaln e b'a 'a jun tzo'n̈ yechl comn dios, man̈x 'oj e b'o tas yajb'entac, man̈x 'oj e comn b'oc maysch'olnil. An xo 'oj ex in col-l 'a scal maysch'olnil cha, ax wi'n 'el e mul 'aych 'a eyib'an̈, 'oj eyochx in chon̈b'oc, ax wochx e Diosaloc. 24Ax jun yin̈tl in checb' David, a 'oj 'och e reyloc. A 'oj e tan̈wni e masnil, sec wach' 'oj eyutc eyiclni in checnb'il yet' in ley. 25'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej. 26'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal. 27'Oj in can cajn 'a e cal, 'oj woch e Diosaloc, ax e yochx in chon̈b'oc. 28A yic 'oj can jun watut chi 'a e cal 'a jun 'ejmn̈ej, atta 'oj nachjoc 'el yuj jun tzo'n̈ xo nacion̈ to sic'b'ilx 'el wuj wico'oc, xchi Dios.
Currently Selected:
Ez 37: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Ez 37
37
A jun tzo'n̈ tacn̈ b'ac
1'Ix 'ochx spoder Jehová 'ayin, ax Yespíritu 'ix 'a'n wila', 'icha to in yij 'at 'a jun pan̈n 'a'lic 'a 'aj tzicn 'at jun tzo'n̈ tacn̈ b'ac. 2In yi'n b'ey 'a jun 'a'lic cha; caw b'ut'jnac 'el jun pan̈n chi yuj jun tzo'n̈ sb'acl 'anma', palta tacn̈n̈ej eb' smasnil. 3Yuj cha, xyaln Jehová 'ayn 'ixtic: Ach 'anma', ¿tzam stac' spitzw pax jun tzo'n̈ b'ac tic jun 'ejm xo? xchi 'ayin. In ta'w 'ixtc 'a 'a: Mamin Jehová, ach Wajlil, cojn ach ojtac, xin chi.
4Xlajw cha, xyaln pax 'ixtic: Al 'a jun tzo'n̈ tacn̈ b'ac tic to tzchaj yab' eb' in paxti'. 5Al 'a eb' to an Jehová Yajl in, an tzwal 'ixtc 'a eb': A ticnec, 'oj wa'x 'och eyic', ax e pitzw paxi. 6'Oj wecx e cha e b'a, ax wa'n pitzwc 'och e chib'jal. 'Oj pitzwc pax 'och stz'umal e niwnal cha, ax wa'n pax 'och eyic' yic tzex pitzw paxi. 'Ixta to b'i'an, ax eyojcan 'eli to an Jehová in, to cojn in ton Dios in, xchi Dios, xa chi 'a eb', xchi 'ayin. 7'Ix waln 'a eb' 'icha xyutj yaln 'ayn cha, ax xwab'ni, 'ay jun tas 'ix c'an̈i, ticni to quixcab' jun cha, ax jun tzo'n̈ b'ac cha, xlaj schan pax sb'a eb'. 8Ax xwilni, 'ay jun tzo'n̈ yanch'il jun tzo'n̈ b'ac chi cheln 'at 'a yib'an̈, cojn cha, 'ix pitzw 'och schib'jal eb', 'ix 'och pax stz'umal sniwnal eb' cha, palta mant 'a yic' eb'.
9Xlajw cha, xyaln Jehová 'ayn 'ixtic: Ach 'anma', al 'ixtc 'a 'ic' 'ay 'a yolyib'n̈q'uinl tic. To an Jehová Yajl in, an tzwal 'ixtic: Ach 'ic' cotan̈, 'ochn̈ 'a jun tzo'n̈ niwnal milb'il cham tic yic tzpitzw pax eb', xchi Dios, xa chi 'a 'a, xchi 'ayin. 10A yic xwaln 'a 'ic' 'icha xyutj Dios yaln 'ayn cha, 'ix 'och yic' eb' tacn̈ b'ac cha, 'ix pitzw pax eb', cojn cha, 'ix q'ue lin̈n eb' smasnil. Caw wal man̈x b'ischjb'enoc eb'.
11Xlajw cha, xyaln 'ayn 'ixtic: Ach 'anma', a jun tzo'n̈ tacn̈ b'ac 'ix 'el cha, tzyal cot yuj eb' et israelal, yujto tzlaj yal eb' 'ixtic: An̈ec tic, 'icha to tacjnacx qui b'aquil, man̈x 'a tas 'aych yipc qui c'ojol, lajwnacn̈ xo 'eli, xchi eb'. 12Yuj cha, al yab' eb' in chon̈ab', to an Jehová in, an tzwal 'a eb' 'ixtic: Ex in chon̈ab', 'icha to mucb'ilx 'a scal jun tzo'n̈ xo nacion̈, palta an 'oj ex in col 'elt 'a 'aj 'ayx 'ec' cha. 'Oj lajwc cha, ax ex wi'n pax meltzjoc 'a e chon̈ab'. 13A yic 'oj ex in colnc 'elt cha, ax eyojcan 'el e masnil to an ton Jehová in, to cojn in ton Dios in. 14An tzwala, to 'oj wa'x 'och Wespíritu 'ayex, 'icha to 'oj e pitzw paxi; ax wa'n e cajx e lum chi jun 'ejm xo. 'Ixta to b'i'an, ax eyojcan 'eli to a tas 'aj tzwa'cn in ti an Jehová in, yowlal tzwac' 'el'choc, xchi Dios.
Junxn̈ej x'aj Israel yet' Judá
15'Ix yaln pax Jehová 'ayn 'ixtic: 16Ach 'anma', say chab'oc te te', ax a tz'ib'n eb' te'. A te b'ab'el, 'ixtc tzotj a tz'ib'ni: Te yic eb' yin̈tl Judá yet' eb' israel yitb'eym sb'a yet'oc, xchi. Ax te schab'il, 'ixtc pax tzotj a tz'ib'ni: Te yic yin̈tl Efraín, win yunnal José yet' eb' israel yitb'eym sb'a yet'oc, xchi junx cha. 17Tzlajw cha, tza'n scha sb'a eb' te 'a yol a c'ab', junxn̈ej tzotj 'a yamn te'. 18Ax yic 'oj sc'anb'n eb' et chon̈b' 'aych 'ixtic: Al 'ayon̈ tas tzyal 'el'ch jun tic, toto xchi eb', 19tzaln 'a eb' 'ixtic: A Jehová 'ix aln 'ayin, to tzwij cot te te yic yin̈tl Efraín yet' eb' israel junn̈j yaj yet'oc, tzwa'n scha sb'a te yet' te yic eb' yin̈tl Judá sec junxn̈ej tz'aj te schab'l 'a yol in c'ab', xa chi 'a eb'. 20A chab' te te tza tz'ib'j cha, tzej chan̈ te schab'l yil eb' 'anma cha. Tzlajw cha, junxn̈ej tzotj a yamn te 'a yol a c'ab' yil eb'. 21Tzlajw cha, tzaln 'a eb' 'ixtic: 'Ixtc wal xyutj Jehová Cajlil yaln 'ayex: Ex israel, an 'oj ex wi'x 'elt 'a scal jun tzo'n̈ nacion̈ 'aj c'ochnc ex; 'oj ex in molb'tzoc, ax ex wi'n 'at 'a e lum jun 'ejm xo. 22Junxn̈ej nacion̈al 'oj ex wutc 'a jolmctac witz yic Israel, junxn̈ej e reyl 'oj eya'n cuenta. Man̈x chab'oc nacion̈al 'oj eyaji, palta to junxn̈ej. 23Man̈x 'oj 'och e mul eyaln e b'a 'a jun tzo'n̈ yechl comn dios, man̈x 'oj e b'o tas yajb'entac, man̈x 'oj e comn b'oc maysch'olnil. An xo 'oj ex in col-l 'a scal maysch'olnil cha, ax wi'n 'el e mul 'aych 'a eyib'an̈, 'oj eyochx in chon̈b'oc, ax wochx e Diosaloc. 24Ax jun yin̈tl in checb' David, a 'oj 'och e reyloc. A 'oj e tan̈wni e masnil, sec wach' 'oj eyutc eyiclni in checnb'il yet' in ley. 25'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej. 26'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal. 27'Oj in can cajn 'a e cal, 'oj woch e Diosaloc, ax e yochx in chon̈b'oc. 28A yic 'oj can jun watut chi 'a e cal 'a jun 'ejmn̈ej, atta 'oj nachjoc 'el yuj jun tzo'n̈ xo nacion̈ to sic'b'ilx 'el wuj wico'oc, xchi Dios.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.