Ez 3
3
1'Ix yaln 'ayn 'ixtic: Ach 'anma', c'ux tas x'ilchj o'oj, c'ux 'ejm tas tz'ib'b'il 'a ch'an̈ un̈ tic, tzlajw cha, tz'at alnc jun tzo'n̈ paxti chi 'a eb' et israelal, xchi 'ayin.
2Ax yic xin c'awn in ti', 'ix ya'n in c'ux 'ejm ch'an̈ un̈ tz'ib'b'il cha. 3'Ix yaln 'ayn 'ixtic: Ach 'anma', b'uc' 'ejm ch'an̈ un̈ tz'ib'b'il tzwac' 'aych tic, b'ut'j cab' 'el yol 'a c'ojl yu'uj, xchi 'ayin.
Xin b'u'n 'ejmi, caw wal xcan schil 'a yol in ti', lajn wal schil 'icha no yal chab'. 4Xlajw cha, xyaln 'ixtc 'ayin: Ach 'anma', 'ixc 'a scal eb' et israelal, tzaln can in paxti tic 'a eb'. 5Yujto man̈oc 'a junc chon̈b' chuc til 'aj tzach in checb'ti, palta a 'a scal eb' et israelal cha. 6Man̈oc 'a jun tzo'n̈ nacion̈ caw niwn sb'isl 'aj tzach in checb'ti. A jun tzo'n̈ nacion̈ chucchc til tzyala, 'ajltac snachj 'el tas tzyal eb', ma'oj ab' tas tzyal eb' cha. Q'uinloc pax a 'a jun tzo'n̈ chon̈b' chi tzach in checb't pax jun, tecn yajn̈ej ax schan eb' chi yab' 'ayach. 7Palta a eb' et israelal cha, ma'oj snib'c eb' yab' tas 'oj ala', yujto matz nib'j xon eb' yab' tas tzwala. A smasnil eb' et chon̈b' cha, caw wal pit eb', caw tzatz pax snab'en eb'. 8An xo tic, an 'oj wac' a te'nal 'a yojltac eb', ax wa'n tzatzb'oc a nab'en yil eb'. 9Man̈ ach xiw yuj eb', yujto a jun tzo'n̈ 'anma cha, yel xo wal pit eb'. 'Oj wac' tzatzb'oc a nab'en 'a yojltac eb', 'icha stzatzl q'uen sacn̈ulch q'ue'en, a q'uen cha, yel xo wal tzatz q'uen 'a yib'n̈ jun tzo'n̈ xo q'uen q'ue'en, xchi 'ayin.
10'Ix yaln pax 'ayn 'ixtic: Ach 'anma', chaj ab' tas tzwal 'aych tic, tza moln 'a a nab'en. 11'Ixc 'at 'ilt pax eb' et chon̈b' 'icha preso yaji, tzaln can yab' eb' jun tzo'n̈ paxti tic, toxn̈ej tzchaj eb' yab'i', mto ma'ay, cojn to tzal 'ixtc 'a eb': 'Ixtc wal xyutj Jehová Cajlil yaln eyu'uj, xa chi 'a eb', xchi 'ayin.
12Xlajw cha, in yi'n chan̈ Yespíritu Dios, ax 'a in patquil 'ati, ata 'ay jun tas 'ix wab' sc'an̈i, caw wal ow sc'an̈ 'icha quixcab', yujto wan sq'ue wan Jehová yet' stzictznil 'a yet'l 'aj 'ayq'ui. 13A jun xwab' sc'an̈ cha, atn sc'axl eb' querubín tzc'an̈ schan sb'a, checl pax sc'an̈ jun tzo'n̈ setet 'ayc' 'a stz'ey eb' cha, lajn wal sc'an̈ 'icha sc'an̈ junc niwquil quixcab'. 14In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc. 15A yic in c'och 'a chon̈b' Tel-abib, 'a 'aj cajn eb' wit israelal 'icha preso yaj 'a sti a niwn a Quebar, in 'em wocn yet' eb' 'aj wocn 'ejm cha, uque c'u in can yet' eb' ta', ton̈j sat in c'ojl 'a scal eb'.
'Ochnc Ezequiel stan̈malc Israel
(Ez 33.1-9)
16Ax x'aji, a yic xlajw uque c'u cha, 'ix jaw pax Jehová 'ayin, 'ix yaln 'ixtic: 17Ach 'anma', tzach wa'ch stan̈malc chon̈b' Israel. Tzcham wal ab'n tas 'oj wal 'ayach, ach xo 'oj a paxtin in jelc 'a eb' 'anma tic. 18A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Ach xo tic, toto ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj. 19Palta toto 'oj al yab'i', ax tz'aji ma'oj yactj can stu b'eyb'al cha, 'oj ton cham yuj smul chi b'i'an, ach xo tic, libre ach 'a jun 'anma cha. 20An̈jtona', toto 'ay junc mach wach' xon sb'eyb'al, ax tz'aji tzjun 'el sb'eyb'al cha, an xo 'oj wa'ch syailal. Toto ach tic, ma'oj ac' sna sb'a yuj smul ax schami, a smasnil tas wach' xcob' sb'o 'a yaln̈tax cha, man̈x 'a yel'chi. Ax schamlil cha, eb'n̈ 'oj can wu'uj. 21Palta toto tzal yab' junc mach wach' sb'eyb'al cha, to matz b'o tas tu', toto tzyiclej, 'oj yil najtl tiempo, yujto tzchaj yab' tas tzal chi 'a 'a, ach xo tic, libre ach 'a jun 'anma cha, xchi 'ayin.
Sucb'i can 'el win Ezequiel
22'Ix ya'n cot Jehová sc'ab' 'a wib'an̈, 'ix yaln 'ayn 'ixtic: Q'uen̈ wa'an, 'ixc 'a lum 'a'lic cha, axta 'oj in paxtin et'oc, xchi 'ayin. 23Xlajw cha, in q'ue wa'an, in c'och 'a lum 'a'lic cha, axta xwil stzictznil Jehová 'icha xwutj wiln 'a sti a Quebar, in 'em n̈ojnjoc 'a sat lu'um, xin quiln 'ejm in sat. 24Ax Yespíritu Dios x'och 'ayin, 'ix 'och yip woc, in q'uex lin̈an. Xlajw cha, 'ix yaln 'ayn 'ixtic: 'Ixic, 'at macch a b'a 'a yol atut. 25Ach 'anma', 'oj a jalx 'a yol atut chi yet' ch'an̈ lasu, sec man̈x 'oj stac' a c'och 'a scal eb' et israelal cha. 26An xo 'oj ach wa'ch sucal, 'oj can tzayn ac' 'a yol a jom, man̈x 'oj stac' a paxtini, ma'oj stac' a tenn 'och wan eb' 'anma cha, yujto caw wal pit xon eb'. 27Palta an to 'oj wala', ax a paxtin paxi, ax aln 'a eb' 'anma chi 'ixtic: 'Ixtc wal yaln Jehová Cajlil, xa chi 'a eb'. A eb' tznib'j 'ab'noc, yab' cab' eb', ax eb' matz nib'j 'ab'noc, man̈ yowlalc tzyab' eb', yujto caw wal pit eb', xchi 'ayin.
Currently Selected:
Ez 3: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Ez 3
3
1'Ix yaln 'ayn 'ixtic: Ach 'anma', c'ux tas x'ilchj o'oj, c'ux 'ejm tas tz'ib'b'il 'a ch'an̈ un̈ tic, tzlajw cha, tz'at alnc jun tzo'n̈ paxti chi 'a eb' et israelal, xchi 'ayin.
2Ax yic xin c'awn in ti', 'ix ya'n in c'ux 'ejm ch'an̈ un̈ tz'ib'b'il cha. 3'Ix yaln 'ayn 'ixtic: Ach 'anma', b'uc' 'ejm ch'an̈ un̈ tz'ib'b'il tzwac' 'aych tic, b'ut'j cab' 'el yol 'a c'ojl yu'uj, xchi 'ayin.
Xin b'u'n 'ejmi, caw wal xcan schil 'a yol in ti', lajn wal schil 'icha no yal chab'. 4Xlajw cha, xyaln 'ixtc 'ayin: Ach 'anma', 'ixc 'a scal eb' et israelal, tzaln can in paxti tic 'a eb'. 5Yujto man̈oc 'a junc chon̈b' chuc til 'aj tzach in checb'ti, palta a 'a scal eb' et israelal cha. 6Man̈oc 'a jun tzo'n̈ nacion̈ caw niwn sb'isl 'aj tzach in checb'ti. A jun tzo'n̈ nacion̈ chucchc til tzyala, 'ajltac snachj 'el tas tzyal eb', ma'oj ab' tas tzyal eb' cha. Q'uinloc pax a 'a jun tzo'n̈ chon̈b' chi tzach in checb't pax jun, tecn yajn̈ej ax schan eb' chi yab' 'ayach. 7Palta a eb' et israelal cha, ma'oj snib'c eb' yab' tas 'oj ala', yujto matz nib'j xon eb' yab' tas tzwala. A smasnil eb' et chon̈b' cha, caw wal pit eb', caw tzatz pax snab'en eb'. 8An xo tic, an 'oj wac' a te'nal 'a yojltac eb', ax wa'n tzatzb'oc a nab'en yil eb'. 9Man̈ ach xiw yuj eb', yujto a jun tzo'n̈ 'anma cha, yel xo wal pit eb'. 'Oj wac' tzatzb'oc a nab'en 'a yojltac eb', 'icha stzatzl q'uen sacn̈ulch q'ue'en, a q'uen cha, yel xo wal tzatz q'uen 'a yib'n̈ jun tzo'n̈ xo q'uen q'ue'en, xchi 'ayin.
10'Ix yaln pax 'ayn 'ixtic: Ach 'anma', chaj ab' tas tzwal 'aych tic, tza moln 'a a nab'en. 11'Ixc 'at 'ilt pax eb' et chon̈b' 'icha preso yaji, tzaln can yab' eb' jun tzo'n̈ paxti tic, toxn̈ej tzchaj eb' yab'i', mto ma'ay, cojn to tzal 'ixtc 'a eb': 'Ixtc wal xyutj Jehová Cajlil yaln eyu'uj, xa chi 'a eb', xchi 'ayin.
12Xlajw cha, in yi'n chan̈ Yespíritu Dios, ax 'a in patquil 'ati, ata 'ay jun tas 'ix wab' sc'an̈i, caw wal ow sc'an̈ 'icha quixcab', yujto wan sq'ue wan Jehová yet' stzictznil 'a yet'l 'aj 'ayq'ui. 13A jun xwab' sc'an̈ cha, atn sc'axl eb' querubín tzc'an̈ schan sb'a, checl pax sc'an̈ jun tzo'n̈ setet 'ayc' 'a stz'ey eb' cha, lajn wal sc'an̈ 'icha sc'an̈ junc niwquil quixcab'. 14In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc. 15A yic in c'och 'a chon̈b' Tel-abib, 'a 'aj cajn eb' wit israelal 'icha preso yaj 'a sti a niwn a Quebar, in 'em wocn yet' eb' 'aj wocn 'ejm cha, uque c'u in can yet' eb' ta', ton̈j sat in c'ojl 'a scal eb'.
'Ochnc Ezequiel stan̈malc Israel
(Ez 33.1-9)
16Ax x'aji, a yic xlajw uque c'u cha, 'ix jaw pax Jehová 'ayin, 'ix yaln 'ixtic: 17Ach 'anma', tzach wa'ch stan̈malc chon̈b' Israel. Tzcham wal ab'n tas 'oj wal 'ayach, ach xo 'oj a paxtin in jelc 'a eb' 'anma tic. 18A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Ach xo tic, toto ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj. 19Palta toto 'oj al yab'i', ax tz'aji ma'oj yactj can stu b'eyb'al cha, 'oj ton cham yuj smul chi b'i'an, ach xo tic, libre ach 'a jun 'anma cha. 20An̈jtona', toto 'ay junc mach wach' xon sb'eyb'al, ax tz'aji tzjun 'el sb'eyb'al cha, an xo 'oj wa'ch syailal. Toto ach tic, ma'oj ac' sna sb'a yuj smul ax schami, a smasnil tas wach' xcob' sb'o 'a yaln̈tax cha, man̈x 'a yel'chi. Ax schamlil cha, eb'n̈ 'oj can wu'uj. 21Palta toto tzal yab' junc mach wach' sb'eyb'al cha, to matz b'o tas tu', toto tzyiclej, 'oj yil najtl tiempo, yujto tzchaj yab' tas tzal chi 'a 'a, ach xo tic, libre ach 'a jun 'anma cha, xchi 'ayin.
Sucb'i can 'el win Ezequiel
22'Ix ya'n cot Jehová sc'ab' 'a wib'an̈, 'ix yaln 'ayn 'ixtic: Q'uen̈ wa'an, 'ixc 'a lum 'a'lic cha, axta 'oj in paxtin et'oc, xchi 'ayin. 23Xlajw cha, in q'ue wa'an, in c'och 'a lum 'a'lic cha, axta xwil stzictznil Jehová 'icha xwutj wiln 'a sti a Quebar, in 'em n̈ojnjoc 'a sat lu'um, xin quiln 'ejm in sat. 24Ax Yespíritu Dios x'och 'ayin, 'ix 'och yip woc, in q'uex lin̈an. Xlajw cha, 'ix yaln 'ayn 'ixtic: 'Ixic, 'at macch a b'a 'a yol atut. 25Ach 'anma', 'oj a jalx 'a yol atut chi yet' ch'an̈ lasu, sec man̈x 'oj stac' a c'och 'a scal eb' et israelal cha. 26An xo 'oj ach wa'ch sucal, 'oj can tzayn ac' 'a yol a jom, man̈x 'oj stac' a paxtini, ma'oj stac' a tenn 'och wan eb' 'anma cha, yujto caw wal pit xon eb'. 27Palta an to 'oj wala', ax a paxtin paxi, ax aln 'a eb' 'anma chi 'ixtic: 'Ixtc wal yaln Jehová Cajlil, xa chi 'a eb'. A eb' tznib'j 'ab'noc, yab' cab' eb', ax eb' matz nib'j 'ab'noc, man̈ yowlalc tzyab' eb', yujto caw wal pit eb', xchi 'ayin.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.