Ez 29
29
A tas tzalx 'a yib'n̈ Egipto
1A yic lajchwe xo c'u yoch slajn̈il 'uj 'a yic slajn̈il xo ab'il quijx cot 'icha presoal 'a Babilonia, ata xyal Jehová 'ayn 'ixtic: 2Ach 'anma', 'ixc q'ueln 'a stojlal Egipto, tzaln 'el jun tzo'n̈ paxti tic 'ixtc 'a yib'n̈ win sreyl Egipto, yet' 'a smasnil eb' schon̈ab'. 3Al 'ixtc 'a 'a:
To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.
4An 'oj wa'ch q'uen lucb' 'a yol sti', ax no chay 'a yojl a a 'aj b'aln 'ec' cha, 'oj 'och tzayn e no 'a solcal. Ax in to'n q'uet 'a yojl a a chi yet' e no chay cha.
5'Oj in julcn 'at 'a lum cusltac lum yet' e no chay tzq'uet 'a yol a cha, man̈x 'a mach 'oj si'n cha'an̈, may mach 'oj mucnoc. 'Oj wac' schib'joc no calte'al noc' yet' e no 'usej.
6Tzyal 'el'chi to ach 'ixta oj ach wutoc, sec 'oj yojcoc 'el smasnil 'anma cajn 'a Egipto, to an Jehová in, an 'ixta tzach wutej. Yujto a eb' israel, 'ix cob' sc'an eb' a colwal, palta lajn 'ix otj a b'a 'icha te 'aj c'un spoji.
7'Ix cob' can yamn eb' 'aych 'icha c'ococh, 'icha to ach poji, 'ix lajw 'el eb' o'oj. A yic sc'ann eb' a colwal, 'icha to ach wecchj 'a yol sc'ab' eb', 'ix telw 'ejm eb'.
8Yuj cha, an Jehová in, an tzwal 'ixtc 'aych ach sreyl Egipto: An 'oj ach wac' satl yet' a chon̈b' yuj owal, til wal 'anma 'oj chamoc, ax scham pax no noc'. 9'Oj can a chon̈b' chi 'a cusltaquil, ax yojcan 'el eb' 'anma', to an Jehová in, an 'ixta tzach wutej, yujto 'ix ala to ec a Nilo, ach xa b'o a alni. 10Atn yuj cha, tzin 'och 'ajc'ojlal 'aych yet' a a cha. 'Oj 'ochcn a chon̈b' 'a cusltac lumal, caw 'ay xoj smay yilx 'oj 'ajcni. 'Oj 'el yich 'a Migdol, ax sc'och 'a Asuán, masnto 'oj c'och 'a smon̈jonal Etiopía. 11Chawinc ab'il 'oj can a chon̈b' 'a sictaquil, man̈x 'a 'anma', yet' no noc' 'oj 'ec' 'a jun tiempoal chi ta'. 12A Egipto cha, 'oj wa'cn 'och 'a cusltac lumal 'icha 'ajnc jun tzo'n̈ xo nacion̈ slajw 'eli. Chawinc ab'il 'oj satcn 'ejm jun tzo'n̈ a chon̈b' cha, 'icha jun tzo'n̈ xo chon̈b' lan̈chjnac can 'ejmi. A eb' 'aj Egipto cha, 'oj wac' sactzic can 'at eb' 'a scal jun tzo'n̈ xo nacion̈ 'a sat lum lum tic.
13An Jehová in, an tzwala: To a yic 'oj lajwc chawinc ab'il cha, ax in molb'tzan paxt eb' 'anma chi jun 'ejm xo, atn eb' sactzicnac yajcn 'at 'a scal jun tzo'n̈ xo nacion̈ cha. 14A eb' 'aj Egipto 'icha presoal yajcn 'at cha, 'oj wi'x meltzjoc eb' 'a stojlal sur yic Egipto 'a slum 'aj 'aljnac smam yichm eb'. Ata 'oj ya'ch sb'a eb' chon̈b'al, palta may wal ste'nal jun chon̈b' cha. 15Man̈x 'a b'a'n̈ 'oj 'ec' 'a yib'n̈ jun tzo'n̈ xo nacion̈. Caw man̈x 'a yel'ch 'oj 'ajcni, yujto an tzwij can 'ejmi. Man̈x 'a pax 'aj 'oj yixtc jun tzo'n̈ xo yit nacion̈al. 16Yuj cha, ax chon̈b' Israel, man̈x 'a b'a'n̈ 'oj ya'ch Egipto chi yipc sc'ojol. A yic 'oj yiln 'och tas tz'aj Egipto cha, ax snan cot smul yic in yactn cani, ax cob' 'a Egipto x'at yal sb'a yic tzcolwj 'a 'a, 'oj yojcoc 'eli, to an Jehová Yajl in, an 'ixta tzwutej, xchi Dios, xa chi 'a 'a, xchi 'ayin.
X'ejm Egipto yuj Nabucodonosor
17A yic b'ab'l c'u yic b'ab'l 'uj yic uqueschawinc ab'il quijx cot 'icha presoal 'a Babilonia, ata 'ix yal Jehová 'ayn 'ixtic: 18Ach 'anma', a win Nabucodonosor sreyl Babilonia, caw wal spech munljoc win eb' soldado yic xya'n eb' owl 'a chon̈b' Tiro. A eb' soldado cha, xlaj pucl xil sjolm eb', xlaj 'aj pax sat squelb' eb' yuj munljel cha, palta toc 'ay jac tas xyac' ganar win yet' eb' soldado 'a spatquil jun cha. 19Yuj cha, an Jehová in, an tzwal 'ixtic: An 'oj wac' lum Egipto 'a yol sc'ab' win Nabucodonosor cha, a win 'oj 'i'noc 'ec' smasnil tas 'ay ta', ax stojn win eb' soldado yet' jun tzo'n̈ cha. 20An tzwala, to 'oj wac' lum Egipto chi 'a yol sc'ab' winac, 'icha to a jun chi 'oj wac' stojloc yic xit' munljoc wuj 'a Tiro.
21A 'a jun tiempoal cha, 'oj wa'x niwtjoc eb' yin̈tl Israel, ax yochx yip eb'. Ach tic Ezequiel, tojl xoj 'oj otc aln in paxti 'a scal eb', ax yojcan 'el eb', to an Jehová in, cojn in ton Dios in, xchi Dios 'ayin.
Currently Selected:
Ez 29: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Ez 29
29
A tas tzalx 'a yib'n̈ Egipto
1A yic lajchwe xo c'u yoch slajn̈il 'uj 'a yic slajn̈il xo ab'il quijx cot 'icha presoal 'a Babilonia, ata xyal Jehová 'ayn 'ixtic: 2Ach 'anma', 'ixc q'ueln 'a stojlal Egipto, tzaln 'el jun tzo'n̈ paxti tic 'ixtc 'a yib'n̈ win sreyl Egipto, yet' 'a smasnil eb' schon̈ab'. 3Al 'ixtc 'a 'a:
To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.
4An 'oj wa'ch q'uen lucb' 'a yol sti', ax no chay 'a yojl a a 'aj b'aln 'ec' cha, 'oj 'och tzayn e no 'a solcal. Ax in to'n q'uet 'a yojl a a chi yet' e no chay cha.
5'Oj in julcn 'at 'a lum cusltac lum yet' e no chay tzq'uet 'a yol a cha, man̈x 'a mach 'oj si'n cha'an̈, may mach 'oj mucnoc. 'Oj wac' schib'joc no calte'al noc' yet' e no 'usej.
6Tzyal 'el'chi to ach 'ixta oj ach wutoc, sec 'oj yojcoc 'el smasnil 'anma cajn 'a Egipto, to an Jehová in, an 'ixta tzach wutej. Yujto a eb' israel, 'ix cob' sc'an eb' a colwal, palta lajn 'ix otj a b'a 'icha te 'aj c'un spoji.
7'Ix cob' can yamn eb' 'aych 'icha c'ococh, 'icha to ach poji, 'ix lajw 'el eb' o'oj. A yic sc'ann eb' a colwal, 'icha to ach wecchj 'a yol sc'ab' eb', 'ix telw 'ejm eb'.
8Yuj cha, an Jehová in, an tzwal 'ixtc 'aych ach sreyl Egipto: An 'oj ach wac' satl yet' a chon̈b' yuj owal, til wal 'anma 'oj chamoc, ax scham pax no noc'. 9'Oj can a chon̈b' chi 'a cusltaquil, ax yojcan 'el eb' 'anma', to an Jehová in, an 'ixta tzach wutej, yujto 'ix ala to ec a Nilo, ach xa b'o a alni. 10Atn yuj cha, tzin 'och 'ajc'ojlal 'aych yet' a a cha. 'Oj 'ochcn a chon̈b' 'a cusltac lumal, caw 'ay xoj smay yilx 'oj 'ajcni. 'Oj 'el yich 'a Migdol, ax sc'och 'a Asuán, masnto 'oj c'och 'a smon̈jonal Etiopía. 11Chawinc ab'il 'oj can a chon̈b' 'a sictaquil, man̈x 'a 'anma', yet' no noc' 'oj 'ec' 'a jun tiempoal chi ta'. 12A Egipto cha, 'oj wa'cn 'och 'a cusltac lumal 'icha 'ajnc jun tzo'n̈ xo nacion̈ slajw 'eli. Chawinc ab'il 'oj satcn 'ejm jun tzo'n̈ a chon̈b' cha, 'icha jun tzo'n̈ xo chon̈b' lan̈chjnac can 'ejmi. A eb' 'aj Egipto cha, 'oj wac' sactzic can 'at eb' 'a scal jun tzo'n̈ xo nacion̈ 'a sat lum lum tic.
13An Jehová in, an tzwala: To a yic 'oj lajwc chawinc ab'il cha, ax in molb'tzan paxt eb' 'anma chi jun 'ejm xo, atn eb' sactzicnac yajcn 'at 'a scal jun tzo'n̈ xo nacion̈ cha. 14A eb' 'aj Egipto 'icha presoal yajcn 'at cha, 'oj wi'x meltzjoc eb' 'a stojlal sur yic Egipto 'a slum 'aj 'aljnac smam yichm eb'. Ata 'oj ya'ch sb'a eb' chon̈b'al, palta may wal ste'nal jun chon̈b' cha. 15Man̈x 'a b'a'n̈ 'oj 'ec' 'a yib'n̈ jun tzo'n̈ xo nacion̈. Caw man̈x 'a yel'ch 'oj 'ajcni, yujto an tzwij can 'ejmi. Man̈x 'a pax 'aj 'oj yixtc jun tzo'n̈ xo yit nacion̈al. 16Yuj cha, ax chon̈b' Israel, man̈x 'a b'a'n̈ 'oj ya'ch Egipto chi yipc sc'ojol. A yic 'oj yiln 'och tas tz'aj Egipto cha, ax snan cot smul yic in yactn cani, ax cob' 'a Egipto x'at yal sb'a yic tzcolwj 'a 'a, 'oj yojcoc 'eli, to an Jehová Yajl in, an 'ixta tzwutej, xchi Dios, xa chi 'a 'a, xchi 'ayin.
X'ejm Egipto yuj Nabucodonosor
17A yic b'ab'l c'u yic b'ab'l 'uj yic uqueschawinc ab'il quijx cot 'icha presoal 'a Babilonia, ata 'ix yal Jehová 'ayn 'ixtic: 18Ach 'anma', a win Nabucodonosor sreyl Babilonia, caw wal spech munljoc win eb' soldado yic xya'n eb' owl 'a chon̈b' Tiro. A eb' soldado cha, xlaj pucl xil sjolm eb', xlaj 'aj pax sat squelb' eb' yuj munljel cha, palta toc 'ay jac tas xyac' ganar win yet' eb' soldado 'a spatquil jun cha. 19Yuj cha, an Jehová in, an tzwal 'ixtic: An 'oj wac' lum Egipto 'a yol sc'ab' win Nabucodonosor cha, a win 'oj 'i'noc 'ec' smasnil tas 'ay ta', ax stojn win eb' soldado yet' jun tzo'n̈ cha. 20An tzwala, to 'oj wac' lum Egipto chi 'a yol sc'ab' winac, 'icha to a jun chi 'oj wac' stojloc yic xit' munljoc wuj 'a Tiro.
21A 'a jun tiempoal cha, 'oj wa'x niwtjoc eb' yin̈tl Israel, ax yochx yip eb'. Ach tic Ezequiel, tojl xoj 'oj otc aln in paxti 'a scal eb', ax yojcan 'el eb', to an Jehová in, cojn in ton Dios in, xchi Dios 'ayin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.