Ez 25
25
A tas tzalx 'a yib'n̈ eb' amonita
1'Ix yaln pax Jehová 'ayn 'ixtic: 2Ach 'anma', meltzjan̈ 'at q'ueln 'a yib'n̈ schon̈b' eb' amonita, tzaln can 'el jun tzo'n̈ paxti tic 'a yib'n̈ eb'. 3Al yab' eb' to an Jehová Yajl in, an tzwal 'ixtic: Ax tic, ton̈j xeya'l eyaw, ex tzewji yic xjuw 'ejm watut, yic 'ix 'ixtx 'el chon̈b' Israel, atn yic 'ix 'ijx'at eb' yin̈tl Judá 'a 'icha presoal. 4Yuj cha, 'oj ex wac' 'a yol sc'ab' eb' 'anma 'oj cot 'a stojlal 'aj tzq'uel c'u. 'Oj yico'oc eb' e lu'um, ax sb'on eb' scamplamento yet' yatut 'a e lum cha. 'Oj smol chan̈ eb' sat smasnil eyawb'ente', a 'oj sc'ux eb', ax yu'n eb' e lech tzyac' e chiwo. 5A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.
6An tzwal 'ixtic: Ax tic, caw e po'jnac e c'ab', e te'n wal 'ejm eyoc, caw tzaljnac ex yic slajw 'el chon̈b' Israel. 7Yuj cha, 'oj wi' chan̈ in c'ab', ax wa'n 'och eyailal. 'Oj ex wac' 'a yol sc'ab' jun tzo'n̈ xo nacion̈, sec 'oj 'ijxoc 'ec' smasnil tas 'ay 'ayx yuj eb'. Ax ex in satn 'el 'a scal jun tzo'n̈ xo chon̈ab', 'oj e lajw 'el 'a jun 'ejmn̈ej, sec 'oj eyojcoc 'eli, to an Jehová in, an 'ixta tzex wutej.
A tas tzalx 'a yib'n̈ Moab
8An Jehová Yajl in, an tzwal 'ixtic: A eb' 'aj Moab yet' eb' 'aj Seir, tzyal eb' to a eb' 'aj Judá, lajn eb' yet' jun tzo'n̈ xo nacion̈. 9Yuj cha, 'oj in jac jun b'e 'a smon̈jonal Moab, ax slajw 'el jun tzo'n̈ chon̈b' caw nib'jub'tac yilxi, atn chon̈b' Bet-jesimot, Baal-meón yet' Quiriataim. 10'Oj cot eb' 'anma 'a jun tzo'n̈ chon̈b' 'a stojlal 'aj tzq'uel c'u, ax yi'n 'ec' eb' slum eb' 'aj Amón. 'Oj wac' jun lum chi yico'oc eb', sec man̈x 'oj b'inaxc eb' amonita chi 'a scal jun tzo'n̈ xo nacion̈. 11An̈jtona', 'oj wa'ch yailal 'a yib'n̈ eb' 'aj Moab, sec 'oj yojcoc 'el eb', to an Jehová in, an 'ixta tzwutj eb'.
A tas tzalx 'a yib'n̈ Edom
12An Jehová Yajl in, an tzwal 'ixtic: Yujto 'ix 'ec' 'a yib'n̈ spacn sb'a eb' 'aj Edom 'a eb' yin̈tl Judá, yuj cha, caw 'ix 'och smul eb' 'a in sat, yujto spac sb'a eb'. 13Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal. 14An Jehová in, an tzwala, to 'oj in c'anlb'oc eb' in chon̈b' israel yic tzin pacn in b'a 'a eb' 'aj Edom. 'Oj ya'ch eb' syailal eb' 'aj Edom 'icha wal yaj yowl in c'ojl 'a yib'n̈ eb', sec 'oj yojcoc 'el eb', to an tzin pac in b'a 'a eb'.
A tas tzalx 'a yib'n̈ eb' filisteo
15An Jehová Yajl in, an tzwal 'ixtic: Yujto a eb' filisteo, ya'jnac eb' sgana spacn sb'a 'a eb' 'ajc'ojl yajch 'a 'a, atn eb' 'aj Judá, yujto 'ay xon schichnc'ojlal eb' chi 'a eb', yuj cha spacn sb'a eb'. 16Yuj cha, tzwaln cani: To 'oj wi' chan̈ in c'ab', ax wa'n 'och syailal eb' filisteo cha, 'oj in satl eb' quereteo, yet' smasnil eb' 'ay 'a sti a mar. 17Caw niwquil 'oj wutc in pacn in b'a 'a eb' yuj yowl in c'ojol, sec 'oj yojcoc 'el eb', to an Jehová in, to cojn in ton Dios in, xchi Dios.
Currently Selected:
Ez 25: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Ez 25
25
A tas tzalx 'a yib'n̈ eb' amonita
1'Ix yaln pax Jehová 'ayn 'ixtic: 2Ach 'anma', meltzjan̈ 'at q'ueln 'a yib'n̈ schon̈b' eb' amonita, tzaln can 'el jun tzo'n̈ paxti tic 'a yib'n̈ eb'. 3Al yab' eb' to an Jehová Yajl in, an tzwal 'ixtic: Ax tic, ton̈j xeya'l eyaw, ex tzewji yic xjuw 'ejm watut, yic 'ix 'ixtx 'el chon̈b' Israel, atn yic 'ix 'ijx'at eb' yin̈tl Judá 'a 'icha presoal. 4Yuj cha, 'oj ex wac' 'a yol sc'ab' eb' 'anma 'oj cot 'a stojlal 'aj tzq'uel c'u. 'Oj yico'oc eb' e lu'um, ax sb'on eb' scamplamento yet' yatut 'a e lum cha. 'Oj smol chan̈ eb' sat smasnil eyawb'ente', a 'oj sc'ux eb', ax yu'n eb' e lech tzyac' e chiwo. 5A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.
6An tzwal 'ixtic: Ax tic, caw e po'jnac e c'ab', e te'n wal 'ejm eyoc, caw tzaljnac ex yic slajw 'el chon̈b' Israel. 7Yuj cha, 'oj wi' chan̈ in c'ab', ax wa'n 'och eyailal. 'Oj ex wac' 'a yol sc'ab' jun tzo'n̈ xo nacion̈, sec 'oj 'ijxoc 'ec' smasnil tas 'ay 'ayx yuj eb'. Ax ex in satn 'el 'a scal jun tzo'n̈ xo chon̈ab', 'oj e lajw 'el 'a jun 'ejmn̈ej, sec 'oj eyojcoc 'eli, to an Jehová in, an 'ixta tzex wutej.
A tas tzalx 'a yib'n̈ Moab
8An Jehová Yajl in, an tzwal 'ixtic: A eb' 'aj Moab yet' eb' 'aj Seir, tzyal eb' to a eb' 'aj Judá, lajn eb' yet' jun tzo'n̈ xo nacion̈. 9Yuj cha, 'oj in jac jun b'e 'a smon̈jonal Moab, ax slajw 'el jun tzo'n̈ chon̈b' caw nib'jub'tac yilxi, atn chon̈b' Bet-jesimot, Baal-meón yet' Quiriataim. 10'Oj cot eb' 'anma 'a jun tzo'n̈ chon̈b' 'a stojlal 'aj tzq'uel c'u, ax yi'n 'ec' eb' slum eb' 'aj Amón. 'Oj wac' jun lum chi yico'oc eb', sec man̈x 'oj b'inaxc eb' amonita chi 'a scal jun tzo'n̈ xo nacion̈. 11An̈jtona', 'oj wa'ch yailal 'a yib'n̈ eb' 'aj Moab, sec 'oj yojcoc 'el eb', to an Jehová in, an 'ixta tzwutj eb'.
A tas tzalx 'a yib'n̈ Edom
12An Jehová Yajl in, an tzwal 'ixtic: Yujto 'ix 'ec' 'a yib'n̈ spacn sb'a eb' 'aj Edom 'a eb' yin̈tl Judá, yuj cha, caw 'ix 'och smul eb' 'a in sat, yujto spac sb'a eb'. 13Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal. 14An Jehová in, an tzwala, to 'oj in c'anlb'oc eb' in chon̈b' israel yic tzin pacn in b'a 'a eb' 'aj Edom. 'Oj ya'ch eb' syailal eb' 'aj Edom 'icha wal yaj yowl in c'ojl 'a yib'n̈ eb', sec 'oj yojcoc 'el eb', to an tzin pac in b'a 'a eb'.
A tas tzalx 'a yib'n̈ eb' filisteo
15An Jehová Yajl in, an tzwal 'ixtic: Yujto a eb' filisteo, ya'jnac eb' sgana spacn sb'a 'a eb' 'ajc'ojl yajch 'a 'a, atn eb' 'aj Judá, yujto 'ay xon schichnc'ojlal eb' chi 'a eb', yuj cha spacn sb'a eb'. 16Yuj cha, tzwaln cani: To 'oj wi' chan̈ in c'ab', ax wa'n 'och syailal eb' filisteo cha, 'oj in satl eb' quereteo, yet' smasnil eb' 'ay 'a sti a mar. 17Caw niwquil 'oj wutc in pacn in b'a 'a eb' yuj yowl in c'ojol, sec 'oj yojcoc 'el eb', to an Jehová in, to cojn in ton Dios in, xchi Dios.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.